Гуырдзыстонимӕ арӕн

Хуссар Ир сӕхгӕндзӕн Гуырдзыстонимӕ арӕныл фӕстаг уадзӕн пункт

16
(ранӕуӕггонд 10:26 18.09.2019)
Амӕйразмӕ республикӕ сӕхгӕдта Хуссар Ирыстоны паддзахадон арӕныл уадзӕн пункттӕ "Раздæхæн" æмæ "Синагур"

ЦХИНВАЛ, 18 сен — Sputnik. Хуссар Ирыстон цыппар бонмӕ сӕхгӕндзӕн Гуырдзыстонимӕ арӕныл иунӕг уадзӕн пункт, уый баст у мадзӕлтты ӕдасдзинад сӕххӕст кӕнынимӕ, кӕцытӕ нывонд сты Республикӕйы бонӕн. Уый тыххӕй ӕртыццӕджы фехъусын кодта республикӕйы Паддзахадон ӕдасдзинады комитеты (ПӔК) пресс-службӕйы хистӕр Биазырты Екатерина.

"Бӕрӕгбонон мадзӕлттӕ ауадзыны нысаниуӕгӕн, кӕцытӕ нывонд сты Республикӕйы бонӕн, 18 сентябры 20.00 сахатӕй 22 сентябры 06.00 сахатмӕ рӕстӕгмӕ ӕрӕхгӕндзысты Гуырдзыстонимӕ паддзахадон арӕныл уадзӕн пункт "Переу"-ы куыст", - банысан кодта ПӔК минӕвар.

Амӕйразмӕ республикӕ сӕхгӕдта паддзахадон арӕныл уадзӕн пункттӕ "Раздæхæн" æмæ "Синагур". Ацы уадзӕн пунктты куыст сног кӕндзысты уавӕр куы фӕхуыздӕр уа, уый фӕстӕ.

16