Хуссар Ирыстоны хицауады сӕрдар басгӕрста Дзауы поселочы бирӕуӕладзыгон хӕдзары арӕзтад

Хуссар Иры хицауады сӕрдар басгӕрста Дзауы районон центры арӕзтадон объект

23
(ранӕуӕггонд 11:13 18.09.2019)
Кусӕгон балцы рӕстӕджы хицауады сӕрдар банысан кодта, ӕрвылкъуыри йӕ цӕст кӕй дардзӕн 18 фатерон хӕдзары арӕзтадон куыстытӕм

ЦХИНВАЛ, 18 сен – Sputnik. Хицауады сӕрдар Пухаты Эрик баззад райгондӕй Дзауы поселочы цӕрӕн хӕдзары арӕзтадӕй. Уый тыххӕй Sputnik фехъусын кодта хицауады пресс-службӕйы минӕвар Дзуццаты Тамара.

Премьер-министр ӕрцыд Дзаумӕ, цӕмӕй бынаты бабӕрӕг кӕна нардуатон организаци "Шанс"-ы куыст, кӕцы аразы Инвестпрограммӕйы фӕлгӕтты 18 фатерон хӕдзар.

"Пухаты Эрик баззад райгондӕй, фӕлӕ уӕддӕр ӕрсидт аразджытӕм, цӕмӕй сӕ цӕст дарой куыстыты ӕмгъуыдмӕ", - загъта Дзуццаты Тамара.

Пухаты Эрик бахахх кодта, кӕй хъӕуы ӕххӕст кӕнын куысты темптӕ ӕмӕ бафтыдта, ӕрвылкъуыри йӕ цӕст кӕй дардзӕн куыстытӕм.

"Махӕн бирӕ рӕстӕг нӕй ӕмӕ дзы фӕурӕдтӕ хъуамӕ ма уа", - банысан кодта Пухаты Эрик.

Аразджытӕ дзырд радтой, азы кӕронмӕ 18 фатерон хӕдзар кӕй ратдзысты эксплуатацимӕ.

Премьер Южной Осетии проверил ход строительства многоэтажки в поселке Дзау
Пресс-служба правительства РЮО
Хуссар Ирыстоны хицауады сӕрдар басгӕрста Дзауы поселочы бирӕуӕладзыгон хӕдзары арӕзтад
23
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6
Цхинвал

Иу ФТЦ ӕмӕ дыууӕ фыдракӕнды: Хуссар Иры МХМ ивгъуыд къуырийы уавӕры тыххӕй

3
(ранӕуӕггонд 15:03 06.07.2020)
Хуссар Ирыстоны барадхъахъхъӕнӕг уагдоны фехъусын кодтой республикӕйы криминогенон уавӕры тыххӕй 29 июнӕй 6 июлы онг

ЦХИНВАЛ, 6 июл - Sputnik. Хуссар Ирыстоны ивгъуыд къуыри ӕрцыд иу фӕндагон-транспортон-цау (ФТЦ). Аварийы фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Афтӕ ма республикӕйы фӕндӕгтыл сбӕрӕг кодтой фӕндагон змӕлды 159 фӕткхалды. Авд шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй.

Уымӕй дарддӕр республикӕйы территорийыл ӕрцыд дыууӕ фыдракӕнды, кӕцытӕ раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй ЦХинвалы мидхъуыддӕгты хайады кусджытӕ ӕрурӕдтой дыууӕ адӕймаджы, кӕцыты тӕрхондон ӕрбаздахта административон бӕрнмӕ.

3