Экономикӕйы министрад фехъусын кодта астӕуккаг мызд Хуссар Иры ӕмӕ йӕ рӕзыны темптӕ

Экономикӕйы министрад фехъусын кодта астӕуккаг мызд Хуссар Иры ӕмӕ йӕ рӕзыны темптӕ

25
(ранӕуӕггонд 13:11 18.09.2019)
Уагдон фехъусын кодта республикӕйы социалон-экономикон райрӕзты фӕстиуджытӕ 2019 азы фыццаг хайы, се хсӕн цӕрджыты ӕфтиӕгтӕ ӕмӕ куысты бӕрӕггӕнӕнтӕ

ЦХИНВАЛ, 18 сен - Sputnik. Хуссар Ирыстоны атӕуккаг мызд фыццаг ӕрдӕг азы фӕфылдӕр 100 проценты 2018 азы аналогион бӕрӕггӕнӕнтӕм гӕсгӕ, фехъусын кодта ӕртыццӕджы республикӕйы хицауады пресс-службӕйы минӕвар Дзуццаты Тамара экономикӕйы министрады хыгъдлӕвӕрдыл ӕнцойгӕнгӕйӕ.

Уагдон фехъусын кодта республикӕйы социалон-экономикон райрӕзты фӕстиуджытӕ 2019 азы фыццаг хайы, кӕцытӕм гӕсгӕ бӕрӕг сты экономикӕйы хорз тенденцитӕ.

"Ацы азы ӕхсӕз мӕйы фӕстиуджытӕм гӕсгӕ астӕуккаг мызд у 17,3 мин сомы, 2019 азы январь-июнь периоды астӕуккаг мызды рӕзыны темп 2018 азы аналогион бӕррӕггӕнтӕм гӕсгӕ у 104,9 проценты", - дзырдӕуы хыгъдлӕвӕрды.

Афтӕ ма 2019 азы январь-июнь периоды фӕллойады базарӕн ис хорз динамикӕ. 2019 азы январь-июнь периоды ӕгуыст гоймӕгты нымӕц фӕкъаддӕр иу мин адӕймаджы. Цӕрджыты фӕллойады хайады бӕрӕггӕнӕнтӕм гӕсгӕ, ныртӕккӕ ӕгуыст гоймӕгты номхыгъдты ис 1,1 мин адӕймагӕй фылдӕр.

25
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5