Дзӕгъӕл куыйтӕ

Куыйтӕ бацахстой сабиты хъазӕн фӕзтӕ. Ныййарджытӕ домынц проблемӕ аиуварс кӕнын

76
(ранӕуӕггонд 12:32 19.09.2019)
Цӕрджытӕ ӕмӕ сабиты ныййарджытӕ хатынц, цӕмӕй сабиты фӕзуӕттӕ сӕмбонд кӕной, фӕлӕ сӕм нырма хъус дарӕг нӕй

ЦХИНВАЛ, 18 сен — Sputnik, Дриаты Лейла. Цхинвалы фӕстаг рӕстӕджыты сарӕзтой сабитæн бирӕ хиирхæфсæн фæзуæттæ, кæцытæ ахъаз сты сæ физикон рæзтæн. Уыдоны хорз боныгъæдты фенæн вæййы бирæ сывӕллӕтты æмæ сæм æхсызгон вæййы кæсын.

Уый бæргæ хорз у, фæлæ горæты цы дзæгъæл куыйтæ ис, уыдон дæр сæхи сæрибарæй хатынц ахæм фæзуæтты. Æнтæф бонты схуыссынц сывæллæтты хиирхæфсæнты бын æмæ сын сæхи схицау кæнынц - æввахс бацæуын нæ уадзынц сабиты. Афтæ у, БАМ-ы микрорайоны цы хъазæн фæзуат арæзт æрцыд, уым дæр.

"Куыйтæй тынг тыхсæм. Иуæй тæссаг у сывæллæттыл фæхæцынæй, иннæмæй та стыр тæссаг сты сывæллæтты æнæниздзинадæн дæр, хъазæн фæзуаты территори кæй чъизи кæнынц, уый тыххæй. Адæм куыд дзурынц, афтæмæй куыдзы хъуын хъуыры куы аирвæза, уæд уый зынын кæны астма. Куыйты ис æхсынчъытæ дæр æмæ фæзынынц сывæллæтты дæр", - зæгъы сабитæй сæ иуы ныййарæг Цхуырбаты Бэлæ.

Ноджы ма иу ныййарæг та банысан кодта, зæгъгæ, куыйтæ сабиты хъазæнфæзуатмæ æрбахæссынц стджытæ, алыгъуызон æппæрст дзаумæттæ æмæ йæ уыдæттæй дæр чъизи кæнынц алфамблай.

"Бæргæ хъаст кæнæм уый фæдыл, фæлæ нæ хъуыдыгæнæг нæй, нæхæдæг æй кæддæрты æрæфснайæм, фæлæ дзæгъæл куыйтæ æгæр бирæ сты. Тынг мæ фæнды, цæмæй сабитæн сæ хиирхæфсæн территори срæсугъд кæнон, дидинджытæ дзы ныссадзон. Ацы аз бафæлвæрдтон хъеллаугæнæнты фарсмæ ныссадзын дидинтæ, фæлæ мын сæ куыйтæ ныссæстой. Хатт уыцы куыйтæ 10-12 бæрц дæр бавæййынц æмæ уыдон кæм алæгæрдынц, уым цы дидинæг хъуамæ байрæза", - рахъаст кодта сылгоймаг.

Куыйтæ æнцойад нæ дæттынц, ардæм хæстæг цы цæрæн корпустæ ис, уыдоны цæрджытæн дæр. Æхсæв дæр вæййынц сæ корпусты раз æмæ сæ рæйынæй нал фенцайынц. Цы иугай бæлæстæ дзы ис, уыдон бынтӕ та сты сæ уарзондæр бынæттæ, уæлдайдæр та сæрдыгон тæвд бонты.

Бродячие собаки
© Sputnik / Лейла Дриаева
Дзӕгъӕл куыйтӕ

Цӕрджытӕ ӕмӕ сабиты ныййарджытӕ хатынц, цӕмӕй сабиты фӕзуӕттӕ сӕмбонд кӕной, фӕлӕ сӕм нырма хъус дарӕг нӕй. Ӕрмӕст хаттӕй хатт марын райдайынц дзæгъæл куыйты, фæлæ уыдон фæцъусдæр вæййынц рæстæгмæ.

76
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

9
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

9
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0