ДАР делегацийы фембӕлд РХИ къухдариуӕгады минӕвӕрттимӕ

Бибылты Анатолий Донецкы сӕргълӕууӕгимӕ фембӕлды: ахастытӕ фидардæр кӕндзысты

14
(ранӕуӕггонд 14:55 19.09.2019)
Денис Пушилин ӕрласта республикӕмӕ ӕмӕ балӕвар кодта уардийы 2,5 мин талайы. Бибылты Анатолий банысан кодта, дидинджытӕ кӕй сфӕлындзысты Стыр парк Цхинвалы

ЦХИНВАЛ, 19 сен - Sputnik, Козаты Диана. Хуссар Ирыстоны президент Бибылты Анатолий ауагъта фембӕлд Донецкы Адӕмон Республикӕйы президент Денис Пушилинимӕ.

ДАР делегаци ӕрцыд Цхинвалмӕ Республикӕ расидыны 29-ӕм афӕдзы бонмӕ. Уый у Пушилины фыццаг балц Хуссар Ирыстонмӕ.

"Нӕ ахастытӕ райтынг сты. Уырны мӕ, нӕ дарддӕры ӕмгуыстад кӕй фидар кӕндзӕн. Махӕн ис фидар ахастытӕ ӕнӕниздзинад хъахъхъӕнынады фадыджы", загъта Бибылты Анатолий.

Президент равдыста ныфс, республикӕйы хсӕн ахастытӕ кӕй райтынг уыдзысты ӕндӕр фадгуыты дӕр.

ДАР сӕргълӕууӕг загъта бузныг Бибылты Анатолийӕн ӕрхуынды тыххӕй республикӕйӕн ахӕм ахсджиаг бӕрӕгбонмӕ.

"Ацы бӕрӕгбон у ахсджиаг ирӕттӕн ӕмӕ Донбассы цӕрджытӕн дӕр. Мах дӕр тырнӕм ахӕм ӕнтыстмӕ" – загъта Пушилин.

Денис Пушилин загъта бузныг Бибылты анатолийӕн Дар хӕдбардзинад банымайыны тыххӕй. Йӕ ныхӕстӕм гӕсгӕ, ацы скъуыддзаг бакодта республикӕйӕн фадӕттӕ, кӕцытӕ ныридӕгӕн реализаци кӕнынц.

"Махӕн ис иу хъуыды кӕцыдӕр фарстыты, махӕн ис ӕмхуызон ӕмбӕлттӕ дӕр, сӕйраджыдӕр, Уӕрӕсе, ӕмӕ ӕмхуызон знӕгтӕ. Уыдон ӕрмӕст Гуырдзыстон ӕмӕ Украина не сты, фӕлӕ сӕ фӕстӕ чи лӕууы, уыдон", - банысан кодта ДАР сӕргълӕууӕг.

Республикӕйы сӕргълӕуджытӕ радтой кӕрӕдзимӕ лӕвӕрттӕ. Денис Пушилин ӕрласта республикӕмӕ ӕмӕ балӕвар кодта уардийы 2,5 мин талайы. Бибылты Анатолий банысан кодта, дидинджытӕ кӕй сфӕлындзысты Стыр парк Цхинвалы.

Уымӕй дарддӕр Пушилин хайад райсдзӕн мадзӕлтты, кӕцытӕ нывонд сты Республикӕйы бонӕн.

Встреча делегации ДНР с представителями руководства РЮО
© Sputnik / Диана Козаева
ДАР делегацийы фембӕлд РХИ къухдариуӕгады минӕвӕрттимӕ

Хуссар Ирыстон 2014 азы банымадта ДАР ӕмӕ ЛАР хӕдбардзинад, республикӕтимӕ фидар ӕрцыдысты дипломатон ахастытӕ. Донецк ӕмӕ Луганскы кусынц Хуссар Ирыстоны минӕварадтӕ, Цхинвалы та — ДАР ӕмӕ ЛАР минӕварадтӕ.

2017 азы майы РХИ ӕмӕ ДАР бафыстой ӕмгуыстады бадзырд, документы бын сӕ къухфысттӕ ӕрӕвӕрдтой республикӕйы лидертӕ - Бибылты Анатолий ӕмӕ Александр Захарченко. 2018 азы декабры Цхинвалы бафыстой аналогион бадзырд Луганскы АДӕмон Республикӕимӕ.

Хуссар Ирыстоны ацы аз банысан кӕндзысты Республикӕ расидӕны 29-ӕм афӕдзы бон. 1990 азы 20 сентябры Адӕмон депутатты совет расидт Хуссар Ирыстоны советон демократон республикӕ Советон Цӕдисы сконды. Ацы скъуыддзаг ссис фыццаг къахдзӕфтӕй иу хӕдбардзинадмӕ ӕмӕ ӕхсӕнадӕмон банымадмӕ.

14
Уӕрӕсейы бон

Хуссар Иры цӕрджытӕм ӕнхъӕлмӕ кӕсы цыбыр кусӕгон къуыри

2
(ранӕуӕггонд 12:45 04.06.2020)
Республикӕйы уыдзӕн ӕртӕ улӕфт боны июны райдайӕны бӕрӕгбонтӕ ӕмӕ зӕрдылдарӕн датӕты къӕлиндармӕ гӕсгӕ

ЦХИНВАЛ, 4 июн - Sputnik. Хуссар Ирыстоны фидӕн къуыри уыдзӕн цыбыр Уӕрӕсейы боны фӕдыл.

Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ гӕсгӕ, афтӕ ма республикӕйы уӕвӕг фӕллойадон законады нормӕтӕм гӕсгӕ, бӕрӕгбоны цытӕн республикӕйы уыдзӕн ӕртӕ улӕфт боны.

Хуссар Ирыстоны цӕрджытӕ улӕфдзысты майрӕмбоны, сабаты ӕмӕ хуыцаубоны, 12-ӕй 14-ӕм июньмӕ.

Уӕрӕсейы бон, кӕцы нысан кӕнынц 12 июны, нымайынц Уӕрӕсейы иууыл ӕвзонгдӕр паддзахадон бӕрӕгбонтӕй сӕ иу. Нысан ӕй кӕнынц 1990 азӕй фӕстӕмӕ, Бӕстӕйы хӕдбардзинады фӕдыл деклараци куы бафыстой, уӕд.

2
Хуссар Ирыстоны Æфнайæн банк бакодта йӕ уæлæмхас филиал

Джиоты Жанна: республикӕйы райрӕзтимӕ рӕзынц банчы лӕггӕдтӕ дӕр

14
(ранӕуӕггонд 12:43 04.06.2020)
Офисы кусджытæ бангон лæггæдтæ кæндзысты Цæрæн массивы, Гафезы уынджы, Гудзабары хъæуы цæрджытæ æмæ №12 астæуккаг скъолайы районы цы цæрджытæ ис, уыдонӕн дæр

ЦХИНВАЛ, 4 июн — Sputnik, Дриаты Лейла. Цхинвалы хуссайраг фарс, базарадон центры "Хурзæрин"-ы Хуссар Ирыстоны Æфнайæн банк бакодта йӕ уæлæмхас филиал. Ам арæзт æрцыд комфортон уавæртæ куыд кусджытӕн, афтӕ клиенттӕн дӕр. Хайад ифтонг æрцыд нырыккон домæнтæм гæсгæ видеоцæстдард æмæ компьютерон системæйæ. Ныр ацы офисы кусджытæ бангон лæггæдтæ кæндзысты Цæрæн массивы, Гафезы уынджы, Гудзабары хъæуы цæрджытæ æмæ №12 астæуккаг скъолайы районы цы цæрджытæ ис, уыдонӕн дæр.

Хуссар Ирыстоны Æфнайæн банк бакодта йӕ уæлæмхас филиал
© Sputnik / Дриаты Лейла
Хуссар Ирыстоны Æфнайæн банк бакодта йӕ уæлæмхас филиал

Йӕ сæргълæууæг Джиоты Жанна куыд банысан кодта, афтӕмӕй банчы сӕйраг офисы цæрджытæн лæггад кæнынæн кæд цалдæр рудзынг ис, уæддæр дзы алы хатт дæр вæййы стыр радтæ. Уæлдайдæр та пенситæ дæттыны афон.

"Ныры дуджы бирæ социалон фарстытæ аскъуыддзаг кæнын у зын æнæ банчы лæггæдтæй. Уымæ гæсгæ æндæр фадгуыты райрæзтимæ хъуамæ рæзой банчы лæггæдтæ дæр. Йӕ структурæтæ та цæрджытæн хъуамæ уой æнцонвадат. Цы филиал бакодтам, уым райсæн уыдзæн пенситæн дӕр, æххæст ма цæудзысты æндæр операцитæ дæр", - радзырдта Джиоты Жанна.

Кредиттæ райсын цы æмбæстæгты фæнды, уыдонæн дæр гæххæттытæ райсæн уыдзæн ам. Банджы сæргълæууæджы ныхæстæм гæсгæ, раздæр кредит дæттыны хъуыддаджы уыд хæццæдзинад, ныр уыцы куыст дӕр ӕрнывыл.

 "Банчы ис кредитон хайад, кæцымæ бадæттын хъæуы куырдиат, цæмæй рады слæууа. Кредиттæ райсæн ис куыд æфснайæн, афтæ национ банчы дæр. Махмæ куырдиæттæ æрбацæуы куыд хицæн адæймæгтæй, афтæ фермертæ, амалиуæггæнджытæй, Стæй раздæрау кредит райсыны тыххæй нал ис радтæ, кæд æмæ бавдисой æмбæлон гæххæттытæ, уæд цалдæр бонмæ райсдзысты цы финанстæ домынц, уыдон", - банысан кодта уый.

Æфснайæн лагъзы кредитон хайад цы схемæ саразы, уымæ гæсгæ æнæмæнг хъæуы хæссын æхцайы хайгай.

Дунейыл цы пандеми апарахат ис, уый аххосæй Хуссар Ирыстоны банг дæр кредиттӕ дæттын æрурæдта фæстаг цалдæр мæйы. Фæлæ, Джиоты Жаннайы ныхӕстӕм гӕсгӕ, июны райдианы кредит дæттыны фæтк фæстæмæ йæ гаччы сбадт.

"Ивгъуыд аз та нæ бæстæйы сæргълæууæджы амындмæ гæсгæ фæкъаддæр кредитты афæдзон процент æмæ уый адыл бæрæг фæфылдæр сты кредитортæ дæр. Æндæр хатт та куы хъæуа кредиторы æхца, уæд та йын банг сæрибарæй ратдзæн кредит. Уымæн æмæ махмæ алы адæймагæн дæр ис йæхи кредитон истори", - зæгъы Жанна.

Йæ ныхæстæм гæсгæ ма банг фæнд кæны æндæр дæрддзæф районты дæр ахæм филиалтæ бакæнын.

14

Цæгат Иры райдыдтой дæттын фиддонтæ медиктæн

0
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

0