Цхинвалы ацыд æппæтнацион диктант

Тырыса æмæ герб: Цхинвалы ацыд æппæтнацион диктант

81
(ранӕуӕггонд 16:46 19.09.2019)
Мадзал цыд æмрæстæджы дыууæ фæзуаты – ХИПУ æмæ Республикон библиотекæйы. Аивадон литературæйы æрмæджы бæсты тексты ис зонæнтæ паддзахадон символты фæдыл

ЦХИНВАЛ, 19 сен — Sputnik, Плиты Фатимæ. Паддзахадон тырысайы бæрæгбоны цытæн Цхинвалы дыууæ фæзуаты ныффыстой æппæтнацион диктант. ХИПУ-йы уæрæх аудиторимæ ныфсхаст студенттæй дарддæр фæуазæг сты ахуырдзаутæ дæр.

Фæсивæдæн диктанты текст конд у дыууæ хаййæ - Хуссар Иры паддзахадон символтæ - герб æмæ тырыса.

Общенациональный диктант в Южной Осетии
© Sputnik / Фатима Плиева
Цхинвалы ацыд æппæтнацион диктант

Ӕдæппæтæй ХИПУ-йы хатæнмæ æрбамбырд ис 40 адæймаджы. Мадзалы цыдмæ сæ цæст дардтой университеты ахуыргæнджытæ Хъодалаты Хансиат æмæ Джиоты Циала. Текстимæ æрæмбырдуæвджыты базонгæ кодта Хуссар Иры адæмон ахуыргæнæг Пухаты Алла.

"Текст аивадон литературæйæ скъуддзаг нæу, фæлæ у документалон аздæхтимæ, гæнæн ис æмæ дзы цыдæр пункттæ ферох кодтат, науæд та нæ зыдтат. Ноджы ма иу хатт нæхи банкъарæм зондджын, ахуыр æмæ ма уыимæ иумæ кæй стæм Хуссар Иры æмбæстæгтæ", - загъта Пухаты Алла.

Диктант фысджыты хсæн уыд æрмæстдæр иу лæппу – психологийы факультеты студент Хацырты Сослан.

"Иууыл цъусдæр цыппарыл ныффысдзæн мæ диктант", - дзуры лæппу.

Паддзахадон символтæн нывонд æппæтнацион диктанты фæсивæд архайынц барвæндæй.

"Мах ныр дыккаг хатт фыссæм диктант. Амæйразмæ та архайдтам географион диктанты, уæддæр бирæ зонæнтæ райстам. Ныр дæр нæхи сфæлвардзыстæм æмæ фæарфдæр кæндзыстæм нæ зонындзинæдтæ", - дзурынц дыккагкурсонтæ Къæбысты Агуындæ æмæ Коцты Лана.

Ӕмрæстæджы ма æппæтнацион диктант ныффыстой Республикон библиотекæйы дæр.

  • Цхинвалы ацыд æппæтнацион диктант
    Цхинвалы ацыд æппæтнацион диктант
    © Sputnik / Фатима Плиева
  • Цхинвалы ацыд æппæтнацион диктант
    Цхинвалы ацыд æппæтнацион диктант
    © Sputnik / Фатима Плиева
1 / 2
© Sputnik / Фатима Плиева
Цхинвалы ацыд æппæтнацион диктант

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ, афтӕ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

81
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

5
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
5
Уӕрӕсейы ӕфсӕддон-быдырон госпиталь коронавирусӕй рынчынтӕн

Хуссар Ир ракуырдта Уӕрӕсейӕ ӕфсӕддон-быдырон госпиталь коронавирусӕй рынчынтӕн

5
(ранӕуӕггонд 10:00 22.10.2020)
Республикӕйы къухдариуӕгад ракуырдта Уӕрӕсейы хъахъхъӕнынадон уагдонӕй сӕвӕрын Хуссар Иры территорийыл госпиталь 150 бынат ӕмӕ профилон специалисттимӕ

ЦХИНВАЛ, 22 окт - Sputnik. Президент Бибылты Анатолийы уынаффӕйӕ Хуссар Ирыстоны Хъахъхъӕнынады министрад арвыста фыстӕг Уӕрӕсейы Хъахъхъӕнынады министрадмӕ, цӕмӕй республикӕйы сӕвӕрой ӕфсӕддон-быдырон госпиталь коронавирусӕй рынчынтӕн, хъусын кӕны паддзахады сӕргълӕууӕджы пресс-секретарь Гасситы Дина.

"Уӕрӕсейы хъахъхъӕнынады министр Сергей Шойгуйы номыл фыстӕджы Хуссар Ирыстоны хъахъхъӕнынады министр Гассеты Ибрагим банысан кодта, республикӕйы кӕй фылдӕр кӕны коронавирусӕй рынчынты нымӕц ӕмӕ ракуырдта, цӕмӕй ӕввахс рӕстӕджы республикӕйы территорийыл сӕвӕрой госпиталь 150 бынатимӕ, афтӕ ма профилон специалисттӕ ӕмӕ ӕмбӕлон медицинон ифтонггарзимӕ", - банысан кодта Гасситы Дина.

Афтӕ ма Хъахъхъӕнынады министрад ракуырдта радиацион, химикон ӕмӕ биологон хъахъхъӕнынады ӕфсӕдтӕй биолаборатори коронавирусы фӕдыл тесттӕ уадзынӕн, ӕфсӕддон дӕлхайӕдты ӕмӕ социалон объектты дезинфекци ауадзынӕн.

Хуссар Ирыстоны майы райдайӕнӕй сбӕрӕг кодтой коронавирусӕй 305 рынчыны, уыдонӕй 215 адӕймагыл низ бахӕцыд Уӕрӕсеимӕ арӕны баконды фӕстӕ. Дыууы рынчыны амардысты.

Республикӕйы сӕхгӕдтой карантиныл скъолатӕ, ХИПУ ӕмӕ цалдӕр сабидоны, ӕдасдзинады мадзӕлттӕ райстой бюджетон организациты, кӕцыты ис коронавирусӕй рынчынтӕ.

5