Паддзахадон тырысайæн Хуссар Иры снывонд кодтой автозгъорд

Паддзахадон тырысайæн Хуссар Иры снывонд кодтой автозгъорд

31
(ранӕуӕггонд 16:46 19.09.2019)
Автозгъорд старт систа Цхинвалы центры æмæ фæцис горæты сæрмæ, цы ран ис сагъд дынджыр тырыса. Уым ма уагъд æрцыд митинг дæр, раныхас дзы кодтой республикæйы парламентаризмы ветерантæ

ЦХИНВАЛ, 19 сен - Sputnik, Гæбæраты Ян. Цхинвалы дæсгай цæрджытæ цыппæрæмы райсомæй банысан кодтой Паддзахадон тырысайы бон автозгъордæй.

Къорд хæдтулгæйы национ триколортимæ райдыдтой мадзал Цхинвалы Пушкины цырты цурæй æмæ афæндараст сты, æнæхъæн горæтыл æрзилгæйæ, Присы хъæуы рдæм, цы ран бæрзæндыл сагъд ис егъау тырыса.

Автопробег в честь Дня осетинского флага
© Sputnik / Наталья Айриян
Автопробег в честь Дня осетинского флага

Тырысайы бынмæ æрымбырд сты адæм, кæцытæ амадтой хуссарирыстойнаг паддзахад - Хуссар Ирыстоны фыццаг депутаттæ, парламентаризмы ветерантæ.

Парламенты раздæры депутат, ХИПУ ахуыргæнæг Дзугаты Къоста банысан кодта, Хуссар Ирыстоны паддзахадон тырыса кæй у адæмон иудзинад æмæ хиæмбарынады символ. Уый ма бахахх кодта, зæгъгæ, хорз уаит, Ирыстоны хуссар æмæ цæгаттаг фырсытæ куы саразиккой иу националон атрибутикæ.

"Хъæуы саразын иу символикæ, уыимæ иу кады зарæг дæр. Мæ хъуыдымæ гæсгæ, æрцæудзæн рæстæг, æмæ афтæ дæр уыдзæн", - бафтыдта Дзугаты Къоста.

Парламенты цыппар æрсидтыты депутат  Кокойты Тарзан, национ тырысайы нысаны тыххæй дзургæйæ, банысан кодта, уым комкоммæ дæр æвдыст кæй æрцыд адæмы характер.

"Нæ тырысайы хуызты мах уынæм æртæ стыр сæйраг хæзнайы, кæцытыл бындуриуæг кæны нæ адæм", - загъта уый.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ, афтӕ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

31
Уӕрӕсейы бон

Хуссар Иры цӕрджытӕм ӕнхъӕлмӕ кӕсы цыбыр кусӕгон къуыри

2
(ранӕуӕггонд 12:45 04.06.2020)
Республикӕйы уыдзӕн ӕртӕ улӕфт боны июны райдайӕны бӕрӕгбонтӕ ӕмӕ зӕрдылдарӕн датӕты къӕлиндармӕ гӕсгӕ

ЦХИНВАЛ, 4 июн - Sputnik. Хуссар Ирыстоны фидӕн къуыри уыдзӕн цыбыр Уӕрӕсейы боны фӕдыл.

Хуссар Ирыстоны бӕрӕгбонтӕ ӕмӕ зӕрдылдарӕн датӕты къӕлиндармӕ гӕсгӕ, афтӕ ма республикӕйы уӕвӕг фӕллойадон законады нормӕтӕм гӕсгӕ, бӕрӕгбоны цытӕн республикӕйы уыдзӕн ӕртӕ улӕфт боны.

Хуссар Ирыстоны цӕрджытӕ улӕфдзысты майрӕмбоны, сабаты ӕмӕ хуыцаубоны, 12-ӕй 14-ӕм июньмӕ.

Уӕрӕсейы бон, кӕцы нысан кӕнынц 12 июны, нымайынц Уӕрӕсейы иууыл ӕвзонгдӕр паддзахадон бӕрӕгбонтӕй сӕ иу. Нысан ӕй кӕнынц 1990 азӕй фӕстӕмӕ, Бӕстӕйы хӕдбардзинады фӕдыл деклараци куы бафыстой, уӕд.

2
Хуссар Ирыстоны Æфнайæн банк бакодта йӕ уæлæмхас филиал

Джиоты Жанна: республикӕйы райрӕзтимӕ рӕзынц банчы лӕггӕдтӕ дӕр

14
(ранӕуӕггонд 12:43 04.06.2020)
Офисы кусджытæ бангон лæггæдтæ кæндзысты Цæрæн массивы, Гафезы уынджы, Гудзабары хъæуы цæрджытæ æмæ №12 астæуккаг скъолайы районы цы цæрджытæ ис, уыдонӕн дæр

ЦХИНВАЛ, 4 июн — Sputnik, Дриаты Лейла. Цхинвалы хуссайраг фарс, базарадон центры "Хурзæрин"-ы Хуссар Ирыстоны Æфнайæн банк бакодта йӕ уæлæмхас филиал. Ам арæзт æрцыд комфортон уавæртæ куыд кусджытӕн, афтӕ клиенттӕн дӕр. Хайад ифтонг æрцыд нырыккон домæнтæм гæсгæ видеоцæстдард æмæ компьютерон системæйæ. Ныр ацы офисы кусджытæ бангон лæггæдтæ кæндзысты Цæрæн массивы, Гафезы уынджы, Гудзабары хъæуы цæрджытæ æмæ №12 астæуккаг скъолайы районы цы цæрджытæ ис, уыдонӕн дæр.

Хуссар Ирыстоны Æфнайæн банк бакодта йӕ уæлæмхас филиал
© Sputnik / Дриаты Лейла
Хуссар Ирыстоны Æфнайæн банк бакодта йӕ уæлæмхас филиал

Йӕ сæргълæууæг Джиоты Жанна куыд банысан кодта, афтӕмӕй банчы сӕйраг офисы цæрджытæн лæггад кæнынæн кæд цалдæр рудзынг ис, уæддæр дзы алы хатт дæр вæййы стыр радтæ. Уæлдайдæр та пенситæ дæттыны афон.

"Ныры дуджы бирæ социалон фарстытæ аскъуыддзаг кæнын у зын æнæ банчы лæггæдтæй. Уымæ гæсгæ æндæр фадгуыты райрæзтимæ хъуамæ рæзой банчы лæггæдтæ дæр. Йӕ структурæтæ та цæрджытæн хъуамæ уой æнцонвадат. Цы филиал бакодтам, уым райсæн уыдзæн пенситæн дӕр, æххæст ма цæудзысты æндæр операцитæ дæр", - радзырдта Джиоты Жанна.

Кредиттæ райсын цы æмбæстæгты фæнды, уыдонæн дæр гæххæттытæ райсæн уыдзæн ам. Банджы сæргълæууæджы ныхæстæм гæсгæ, раздæр кредит дæттыны хъуыддаджы уыд хæццæдзинад, ныр уыцы куыст дӕр ӕрнывыл.

 "Банчы ис кредитон хайад, кæцымæ бадæттын хъæуы куырдиат, цæмæй рады слæууа. Кредиттæ райсæн ис куыд æфснайæн, афтæ национ банчы дæр. Махмæ куырдиæттæ æрбацæуы куыд хицæн адæймæгтæй, афтæ фермертæ, амалиуæггæнджытæй, Стæй раздæрау кредит райсыны тыххæй нал ис радтæ, кæд æмæ бавдисой æмбæлон гæххæттытæ, уæд цалдæр бонмæ райсдзысты цы финанстæ домынц, уыдон", - банысан кодта уый.

Æфснайæн лагъзы кредитон хайад цы схемæ саразы, уымæ гæсгæ æнæмæнг хъæуы хæссын æхцайы хайгай.

Дунейыл цы пандеми апарахат ис, уый аххосæй Хуссар Ирыстоны банг дæр кредиттӕ дæттын æрурæдта фæстаг цалдæр мæйы. Фæлæ, Джиоты Жаннайы ныхӕстӕм гӕсгӕ, июны райдианы кредит дæттыны фæтк фæстæмæ йæ гаччы сбадт.

"Ивгъуыд аз та нæ бæстæйы сæргълæууæджы амындмæ гæсгæ фæкъаддæр кредитты афæдзон процент æмæ уый адыл бæрæг фæфылдæр сты кредитортæ дæр. Æндæр хатт та куы хъæуа кредиторы æхца, уæд та йын банг сæрибарæй ратдзæн кредит. Уымæн æмæ махмæ алы адæймагæн дæр ис йæхи кредитон истори", - зæгъы Жанна.

Йæ ныхæстæм гæсгæ ма банг фæнд кæны æндæр дæрддзæф районты дæр ахæм филиалтæ бакæнын.

14

Цæгат Иры райдыдтой дæттын фиддонтæ медиктæн

0
(ранӕуӕггонд 15:54 04.06.2020)
Фиддонтæ райсдзысты коронавирусы инфекцийæ рынчын пациенттимæ чи архайы,уыцы медиктæ

ЦХИНВАЛ, 4 июн – Sputnik. Цæгат Ирыстоны коронавирусы инфекци парахат кæныны рæстæг чи фæллой кæны, уыцы медицинон кусджытæ райдыдтой æхцайы компенсацитæ исын, хъусын кæны 15 регион.

Иу хаттæн фиддонты бæрц у 68 мины 800 сомы

"Фиддонтæ æмбæлынц, инфекци лабораторон уагæй кæмæ раиртæстой, уыдонæн. Уымæй дарддæр, æхца исдзысты, сæрмагондæй коронавирусæй рынчын пациентты чи дзæбæх кодта, уыцы медицинон кусджытæ", - дзырдæуы хъусинаджы.

Хъусинаджы ма нысан æрцыд, медицинон кусæг кæд коронавирусы инфекцийæ амарди, уæд компенсаци бафиддзысты йæ бинонтæн.

0