Цхинвалы уагъд цӕуы тымбыл фынг РХИ ӕмӕ УФ Генпрокуратурӕты минӕвӕртты хайадистӕй

Уӕрӕсейы прокуратурӕ кусы Хуссар Иры ӕмбӕстӕгтӕй цалдӕры экстрадицийыл

14
(ранӕуӕггонд 14:54 24.09.2019)
Цхинвалы уагъд цӕуы тымбыл фынг РХИ ӕмӕ УФ Генпрокуратурӕты минӕвӕртты хайадистӕй, уыдон дих кӕнынц сӕ фӕлтӕрддзинад ӕмӕ информаци актуалон проблемӕты фӕдыл

ЦХИНВАЛ, 24 сен - Sputnik, Козаты Диана. Уӕрӕсейы генералон прокуратурӕ кусы цалдӕр хуссарирыстойнаг куырдиатыл, цӕмӕй сын радтой республикӕйы ӕмбӕстӕгты, кӕцытӕ фыдракӕндтӕ сарӕзтой Хуссар Ирыстоны территорийыл ӕмӕ расттӕрхонӕй ӕмбӕхсынц Уӕрӕсейы, загъта УФ прокуратурӕйы эктрадицийы хайады сӕргълӕууӕджы хӕдивӕг Сергей Горленко.

Цхинвалы уагъд цӕуы тымбыл фынг РХИ ӕмӕ УФ Генпрокуратурӕты минӕвӕртты хайадистӕй. Мадзал арӕзт ӕрцыд барадхъахъхъӕнӕг органты ӕгуыстады нывӕзты фӕлгӕтты, йӕ хайадисджытӕ дих кӕнынц сӕ фӕлтӕрддзинад ӕмӕ информаци актуалон проблемӕты фӕдыл.

Горленко лыстӕггай радзырдта хуссарирыстойнаг коллдегӕтӕн, куыд цӕуы Уӕрӕсейы экстрадицийы процесс ӕндӕр бӕстӕтӕм, афтӕ ма цавӕр сӕйраг аххосӕгтӕ цӕуынц нымад фыдгӕнӕджы ма раттынӕн.

"Фӕстаг дыууӕ азы махмӕ ӕрбацыд цалдӕр куырдиаты Хуссар Ирыстонӕй йе 'мбӕстӕгты раттыны тыххӕй. Иуы фӕдыл - Джиотӕй иу лӕппу - мах не сразы стӕм, уымӕн ӕмӕ йын уыд уӕрӕсейаг ӕмбӕстагад дӕр", - радзырдта Горленко.

Йӕ ныхӕстӕм гӕсгӕ, ныртӕккӕ уынаффӕтӕ цӕуынц ноджы иу куырдиатыл - Плиты Леониды фӕдыл, кӕцы аххосджын цӕуы амарды ӕмӕ ахӕстонӕй алыгъды. Ахуыр цӕуынц хабары лыстӕг хӕйттӕ ӕмӕ уый фӕстӕ ист ӕрцӕудзӕн скъуыддзаг.

УФ Генпрокуратурӕйы минӕвар ма банысан кодта, августы Уӕрӕсе кӕй не сразы Гуырдзыстонӕн дыууӕ адӕймаджы раттын, уымӕн ӕмӕ сын уыд уӕрӕсейаг ӕмбӕстагад.

Дзырд цӕуы Хуссар Иры барадхъахъхъӕнӕг органты дыууӕ кусӕгыл - Табуты Алик ӕмӕ Гуырцыты Давидыл, кӕцыты фарон Гуырдзыстон фӕсаууонмӕ фӕазымджын кодта Арчил Татунашвилийы амӕлӕты ӕмӕ сӕ радта ӕхсӕнадӕмон агуырдмӕ.

14
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6
Цхинвал

Иу ФТЦ ӕмӕ дыууӕ фыдракӕнды: Хуссар Иры МХМ ивгъуыд къуырийы уавӕры тыххӕй

3
(ранӕуӕггонд 15:03 06.07.2020)
Хуссар Ирыстоны барадхъахъхъӕнӕг уагдоны фехъусын кодтой республикӕйы криминогенон уавӕры тыххӕй 29 июнӕй 6 июлы онг

ЦХИНВАЛ, 6 июл - Sputnik. Хуссар Ирыстоны ивгъуыд къуыри ӕрцыд иу фӕндагон-транспортон-цау (ФТЦ). Аварийы фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Афтӕ ма республикӕйы фӕндӕгтыл сбӕрӕг кодтой фӕндагон змӕлды 159 фӕткхалды. Авд шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй.

Уымӕй дарддӕр республикӕйы территорийыл ӕрцыд дыууӕ фыдракӕнды, кӕцытӕ раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй ЦХинвалы мидхъуыддӕгты хайады кусджытӕ ӕрурӕдтой дыууӕ адӕймаджы, кӕцыты тӕрхондон ӕрбаздахта административон бӕрнмӕ.

3