Республикӕйы бон

Уазджыты зӕрдӕмӕ фӕцыд: Хуссар Иры премьер раппӕлыд Республикӕйы бӕрӕгбоны ӕмвӕзадӕй

15
(ранӕуӕггонд 14:54 24.09.2019)
Хуссар Ирыстоны ивгъуыд къуыри банысан кодтой дыууӕ ахсджиаг паддзахадон бӕрӕгбоны – Паддзахадон тырысайы бон ӕмӕ Республикӕйы бон. Уыдон цытӕн республикӕйы уагъд цыдысты егъау мадзӕлттӕ, се хсӕн ӕфсӕддон парад ӕмӕ бӕгӕныйы фестиваль

ЦХИНВАЛ, 24 сен - Sputnik. Хуссар Ирыстоны хицауады сӕрдар Пухаты Эрик загъта бузныг культурӕйы министр Зассеты Жаннайӕн ӕмӕ Республикӕйы бӕрӕгбоны организатортӕн мадзӕлтты бӕрзонд ӕмвӕзады тыххӕй, фехъусын кодта президент ӕмӕ хицауады пресс-службӕйы кусӕг Дзуццаты Тамара.

"Зассеты Виссарионы чызг Жанна, фӕнды мӕ бузныг зӕгъын дӕуӕн активон ӕмӕ егъау куысты тыххӕй. Бӕрӕгбонон мадзӕлттӕ иууылдӕр ацыдысты бӕрзонд организацион ӕмвӕзадыл, уыдон фӕцыдысты уазджыты зӕрдӕмӕ", - загъта хицауады сӕрдар культурӕйы министримӕ фембӕлды рӕстӕджы.

Премьер-министр РЮО Эрик Пухаев на встрече с главой Минкультуры Жанной Зассеевой
Пресс-служба правительства РЮО
РХИ хицауады сӕрдар Пухаты Эрик культурӕйы министр Зассеты Жаннаимӕ фембӕлды рӕстӕджы

Пухаты Эрик бахахх кодта, кӕй нывӕнды дарддӕр кусын Зассеты Жаннаимӕ ӕндӕр нысаниуӕгджын датӕтӕм цӕттӕкӕнынады рӕстӕджы.

"Махӕн нырма уыдзӕн нысаниуӕгджын датӕтӕ. Ныфс мӕ ис, дӕ бӕрнон ахастимӕ куыстмӕ, уыдон дӕр ацӕудзысты ӕмбӕлон ӕмвӕзадыл", - загъта хицауады сӕрдар.

Фембӕлды рӕстӕджы куыд банысан кодтой, афтӕмӕй, Республикӕйы боны цытӕн мадзӕлтты хайад райстой 200 уазӕгмӕ ӕввахс ДАР, ЛАР, Днестыргӕрон, Абхазӕй, афтӕ ма Цӕгат ирыстон ӕмӕ Уӕрӕсейы ӕндӕр регионтӕй.

Зассеты Жанна фехъусын кодта, министрады кӕй цӕттӕ кӕнынц мадзӕлттӕм, кӕцытӕ нывонд сты Хетӕгкаты Къостайыл 160 азы сӕххӕстӕн, афтӕ ма цӕттӕ кӕнынц ӕндӕр къӕлиндарон датӕтӕм.

15
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0