Цӕмӕн дзырдтой Хуссар Иры цӕрджытӕм Африкӕйӕ

Алло, дзуры Бурунди! Цӕмӕн дзырдтой Хуссар Иры цӕрджытӕм Африкӕйӕ

25
(ранӕуӕггонд 11:43 25.09.2019)
Республикӕйы цӕрджытӕм дзырдтой ӕхсӕвы ӕртӕ-цыппар сахатыл. "Мегафон-Хуссар Ирыстон" куыд хъусын кӕны, афтӕмӕй фыдгӕнджытӕн бантыст сфыссын ӕхцатӕ ӕрмӕстдӕр уыцы ӕмбӕстӕгтӕй, кӕцытӕ фӕстӕмӕ фӕдзырдтой ӕнахуыр номырмӕ

ЦХИНВАЛ, 25 сен – Sputnik, Козаты Диана. Дыццӕджы ӕхсӕвы Хуссар Ирыстоны цӕрджытӕм телефонӕй дзырдтой ӕнахуыр номырӕй. Адӕм уайтагъд сбӕрӕг кодтой Интернеты, кӕцӕй сӕм дзырдтой. Уый разынд Бурунди, Скӕсӕн Африкӕйы бӕстӕ.

"Хъуыды кодтон, ӕрмӕст мӕнмӕ кӕй дзырдтой ахӕм ӕнахуыр номырӕй. Нӕдӕр ӕй басгӕрстон, кӕцӕй дзырдтой, уыымӕн ӕмӕ арӕх заказ кӕнын базайрӕгтӕ Интернетӕй ӕмӕ хъуыды кодтон, уый тыххӕй мӕм кӕй дзырдтой", - загъта Мария.

Чызг куыстмӕ куы ӕрбацыд, уӕд базыдта, йӕ коллегӕтӕм дӕр кӕй дзырдтой уыцы номырӕй.

Бирӕтӕ ӕрдӕгфынӕйӕ не ркастысты цифрӕтӕм ӕмӕ сдзуапп кодтой. Социалон хызӕг Facebook-ы бирӕтӕ нысан кодтой, кӕй "балӕвар" кодтой фыдгӕнджытӕн фӕйнӕ 150 сомы. Цас адӕймаг баййӕфтой хӕрдзтӕ, уый нырма бӕрӕг нӕу.

Кӕцыдӕр абоненттӕ дарынц юморимӕ ахаст ацы цаумӕ.

Иу абонент банхъардта, Бурундийы кӕй фӕндыд банымайын Хуссар Ирыстоны хӕдбардзинад, фӕлӕ сын ничи сдзуапп кодта.

Кӕцыдӕр абоненттӕ та хъусын кӕнынц, кӕй сӕм дзырдтой ӕндӕр африкайаг бӕстӕйӕ – Либерийӕ. Уыцы бӕстӕ нымайынц иууыл мӕгуырдӕрыл Ныгуылӕны Африкӕйы.

Социалон хызӕгты уайтагъд фӕзынд мемтӕ ӕмӕ нывтӕ ацы цауы фӕдыл.

25
Коронавирус

Югосетпотребнадзор фехъусын кодта коронавирусы фӕдыл тестты фӕстиуджытӕ

6
Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр

ЦХИНВАЛ, 7 июл - Sputnik, Козаты Диана. Ивгъуыд суткӕйы Югосетпотребнадзоры лабораторийы ауагътой иу сӕдӕ ӕмӕ ӕрдӕгмӕ ӕввахс тесты. Басгӕрсттӕй иу дӕр нӕ равдыста вирусы уӕвынад, загъта уагдоны сӕргълӕууӕджы хӕдивӕг Гаглойты Анна.

Хуыцаубоны инфекцион рынчындонӕй рафыстой коронавирусӕй фӕстаг рынчыны, Хуссар Ирыстоны ног рынчынты нӕ бӕрӕг кӕнынц къуырийӕ фылдӕр.

"Ног рынчынтӕ нӕй. Иу суткӕмӕ мах ауагътам 141 тесты, уыдонӕй иу дӕр нӕ равдыста вирусы уӕвынад", - радзырдта Гаглойты Анна.

Медикты хъусдарды бын сты 250 адӕймаджы, кӕцытӕ ӕрцыдысты Уӕрӕсейӕ ӕмӕ сты карантины медицинон уагдӕтты ӕмӕ уазӕгдон "Алан"-ы.

Хуссар Ирыстоны пандемийы рӕстӕджы сбӕрӕг кодтой коронавирусон инфекцийӕ 85 фӕрынчынуӕвӕджы, сарӕзтой 2,7 мин тесты вирус рабӕрӕг кӕныны фӕдыл.

6
Цхинвал

Иу ФТЦ ӕмӕ дыууӕ фыдракӕнды: Хуссар Иры МХМ ивгъуыд къуырийы уавӕры тыххӕй

3
(ранӕуӕггонд 15:03 06.07.2020)
Хуссар Ирыстоны барадхъахъхъӕнӕг уагдоны фехъусын кодтой республикӕйы криминогенон уавӕры тыххӕй 29 июнӕй 6 июлы онг

ЦХИНВАЛ, 6 июл - Sputnik. Хуссар Ирыстоны ивгъуыд къуыри ӕрцыд иу фӕндагон-транспортон-цау (ФТЦ). Аварийы фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Афтӕ ма республикӕйы фӕндӕгтыл сбӕрӕг кодтой фӕндагон змӕлды 159 фӕткхалды. Авд шофыры фӕдыл сарӕзтой административон протоколтӕ хӕдтулгӕ нозтджынӕй скъӕрыны тыххӕй.

Уымӕй дарддӕр республикӕйы территорийыл ӕрцыд дыууӕ фыдракӕнды, кӕцытӕ раргом кодтой мидхъуыддӕгты органтӕ. Ӕхсӕнадон фӕтк фехалыны тыххӕй ЦХинвалы мидхъуыддӕгты хайады кусджытӕ ӕрурӕдтой дыууӕ адӕймаджы, кӕцыты тӕрхондон ӕрбаздахта административон бӕрнмӕ.

3