Фӕткъуытӕ

Фыццаг тыллӕг сывӕллӕттӕн: егъау фирмӕ Хуссар Иры ауадздзӕн хӕрзаудӕн акци

16
(ранӕуӕггонд 12:39 25.09.2019)
Хӕдзарад сарӕзтӕуыд ацы аз уалдзӕджы Цъунары хъӕуы. Йӕ фӕзуат у 50 гектары, цы ран сагъд сты италиаг фӕткъуыбӕлӕсты ӕртӕ сорты

ЦХИНВАЛ, 25 сен - Sputnik. Хуссар Ирыстоны иууыл егъаудӕр дыргъы хӕдзарад аскъуыддзаг кодта раттын фыццаг тыллӕг сывӕллӕттӕ ӕмӕ хистӕр кары адӕмӕн.

"Инвесторты уынаффӕмӕ гӕсгӕ фыццаг тыллӕг ратдзыстӕм Цхинвалы интернат, ӕвӕгӕсӕг адӕмы хӕдзар "Забота"-йӕн ӕмӕ сывӕллӕтты хӕдзарӕн Ленингоры", - фехъусын кодта компани "Южный сад"-ы директор Бекъойты Леван.

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд ацы аз уалдзӕджы Хуссар Ирыстоны Цхинвалы районы Цъунары хъӕуы.

Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл. Хӕдзарады архайы 30 кусӕджы, минималон мызд та 25 мин сомы.

Дыргътӕ нывӕндынц реализаци кӕнын бынӕттон базары, афтӕ ма сӕ экспорт кӕнын Уӕрӕсемӕ.

Хуссар Ирыстоны президент Бибылты Анатолий куыд банысан кодта, зӕгъгӕ, кӕд уӕрӕсейаг бизнес активон архайд кӕны Хуссар Ирыстоны базарыл ӕмӕ инвестици кӕны фӕрӕзтӕ республикӕйы экономикӕмӕ, уӕд ын арӕзт ӕрцыд ӕнцонвадат уавӕр, кӕцы фидаргонд у дыууӕварсон бадзырдты.

Уӕрӕсейы Хуссар Ирыстоны минӕвар Гасситы Знауыры ныхӕстӕм гӕсгӕ, республикӕйы арӕзт ӕрцыдысты хорз уавӕртӕ базарадон-сӕудӕджерадон ӕмӕ хъӕууон хӕдзарадон фадгуыты райрӕзты фӕдыл инвестицион программӕты реализацийӕн.

 "Республикӕйы къухдариуӕгад уӕрӕсейаг коллегӕтимӕ иумӕ ӕххӕст кӕнынц мадзӕлттӕ, кӕцыты руаджы фидар кӕны экономикон ӕмгуыстад нӕ бӕстӕты хсӕн", загъта дипломат.

16
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

4
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

4
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0