Хуссар Ирыстоны хицауады ӕрдзырдтой Санкт-Петербурджы минӕварады баконды афӕдзы боны мадзӕлтты нывӕзтыл

Эрмитажы банысан кӕндзысты Ирыстоны фыццаг минӕварадыл 270 азы сӕххӕст

27
(ранӕуӕггонд 12:08 26.09.2019)
Хуссар Ирыстоны хицауады ӕрдзырдтой Санкт-Петербурджы минӕварады баконды афӕдзы боны мадзӕлтты нывӕзтыл

ЦХИНВАЛ, 26 сен - Sputnik. Санкт-Петербурджы уагъд цӕудзысты бӕрӕгбонон мадзӕлттӕ, кӕцытӕ нывонд сты Уӕрӕсейы цӕгаттаг столицӕйы Ирыстоны фыццаг минӕварады бакондыл 270 азы сӕххӕсты цытӕн. Президент ӕмӕ хицауады пресс-службӕйы кусӕг Дзуццаты Тамара куыд фехъусын кодта, афтӕмӕй бӕрӕгбонон мадзӕлттӕ ацӕудзысты 22 октябры Эрмитажы, цы ран хайад райсдзысты президент Бибылты Анатолий, хицауады уӕнгтӕ, культурӕйы уагдӕтты разамонджытӕ ӕмӕ сфӕлдыстадон коллективтӕ.

Мадзӕлтты нывӕзтыл ӕрдзырдтой хицауады рабадтыл премьер-министр Пухаты Эрикы къухдариуӕгады бын.

Культурӕйы министр Зассеты Жанна куыд фехъусын кодта, афтӕмӕй бацӕттӕ кодтой бӕрӕгбоны иумӕйаг нывӕзт Цӕгат Ирыстонимӕ.

"Уӕрӕсейы фыццаг ирон минӕварадыл 270 азы сӕххӕсты цытӕн бацӕттӕ кодтам иумӕйаг мадзӕлтты нывӕзт, кӕцымӕ гӕсгӕ цӕгат ӕмӕ хуссар бавдисдзысты Ирыстоны историйы тыххӕй ӕрмӕджытӕ. Нӕ хӕслӕвӕрд у равдисын уӕрӕх публикӕйӕн археологион ӕмӕ историкон ӕрмӕджытӕ ацы темӕйы фӕдыл, Уӕрӕсеимӕ ахастыты райрӕзты истори, Ирыстоны культурӕ ӕмӕ традицитӕ", - загъта министр.

Бӕрӕгбонон мадзӕлтты рӕстӕджы байгом уыдзӕн мультимедийон историкон парк "Уӕрӕсе – Мӕ истори", кӕцыйы фӕлгӕтты уагъд цӕудзысты концерттӕ, документалон кинонывты равдыст, сорганизаци кӕндзысты национ амалиуӕгты мастер-класстӕ ӕмӕ ӕндӕртӕ.

Рабадты хайадисджытӕм банхъардтой, цӕмӕй ӕввахс бонты бавдисой культурӕйы министрадмӕ информаци мадзӕлтты ӕрмӕджыты тыххӕй.

27
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0