Хуссар Иры телеуынынад рауадздзӕн ног алӕвӕрдтӕ

Ток-шоу ӕмӕ аналитикон программӕтӕ: Хуссар Иры телеуынынад рауадздзӕн ног алӕвӕрдтӕ

18
(ранӕуӕггонд 15:10 26.09.2019)
Фӕфылдӕр уыдзӕн телерадиокомпанийы куысты рӕстӕг. Эфиры фӕзындзӕн ног алӕвӕрдтӕ, кӕцытӕ ауӕрӕх кӕндзысты аудитори, радзырдта ПТРК сӕйраг редактор

ЦХИНВАЛ, 26 сен - Sputnik, Гӕбӕраты Элина. Ног телеуынынадон сезоны паддзахадон телерадиокомпани "Ир"-ы эфир суыдзӕн цымыдисондӕр ӕмӕ хъӕздыгдӕр, радзырдта Sputnik компанийы сӕйраг редактор Козаты Дзерассӕ.

Йӕ ныхӕстӕм гӕсгӕ, ивындзинӕдтӕй иу уыдзӕн эфиры куысты: кӕд 2010 азӕй фӕстӕмӕ националон телеуынынад ӕрвылбон хызт эфирмӕ 15.00 сахатӕй, уӕд ныр та райсомӕй.

"Ӕртӕ мӕйы дӕргъы мах куыстам алӕвӕрдты проекттыл, цӕмӕй ауӕрӕх кӕнӕм ӕрмӕст эфирон рӕстӕг нӕ, фӕлӕ ма аудитори дӕр", - банысан кодта Козаты Дзерассӕ.

Уый бахахх кодта, алӕвӕрдтӕ нырма кӕй сты пилотонтӕ, уыдоныл кусдзысты онлайн-режимы.

"Эфиры рацӕудзысты ног хиирхӕфсӕн, аналитикон, афтӕ ма цымыдисон программӕтӕ. Мах бафӕлвӕрдтам рахизын кӕнын телеуынынады куыст ног ӕмвӕзадмӕ", - загъта Козаты Дзерассӕ.

Ног графикы тыххӕй националон телеуынынады нал кусдзӕн телеканал "Моя планета". 

Афтӕ ма кӕсджытӕн бавдисдзысты зындгонд программӕтӕ ног форматы.

"Ног хабӕртты рауагъды фӕстӕ эфиры рацӕудзӕн ног программӕ "Дӕ райсом хорз", уый кусдзӕн радиойы дӕр комкоммӕ эфиры дыууӕ сахаты дӕргъы. Махмӕ уыдзӕн фӕсивӕдон проекттӕ ӕмӕ ток-шоутӕ дӕр. Тынг популярон ссисты кулинарон программӕтӕ – махмӕ дӕр фӕзындзӕн ахӕм алӕвӕрд", - загъта сӕйраг редактор.

Козаты Дзерассӕ банысан кодта, алӕвӕрдтӕй дарддӕр паддзахадон телерадиокомпанийы командӕ кæй систа документалон кинонывтӕ, уыдонӕй фыццаг тагъд рӕстӕджы рацӕудзӕн ПТРК "Ир"-ы эфиры.

18
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

9
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

9
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0