Хуссар Ирмæ цæуынц Европæ æмæ Америкæйæ

Туризм фæзынд: Хуссар Ирмæ цæуынц Европæ æмæ Америкæйæ

72
(ранӕуӕггонд 23:08 27.09.2019)
Фирмæ "Карсан-тур"ы хицау Карсанты Гурам нымайы, хуыздæр фæстиуджытæ кæй равдисит инфраструктурæйы размæцыд æмæ этнохъæуты фæзынд

ЦХИНВАЛ, 27 сен — Sputnik, Плиты Фатимæ. Нæ республикæйы культурæ, æрдз æмæ æгъдæуттæ цымыдисон сты канд уæрæсейаг бæлцæттæн нæ, фæлæ ма Европæ æмæ АИШ-ы цæрджытæн дæр, туризмы размæцыд къуыхцы кæны мæгуырау инфраструктурæ, загъта Sputnik Хуссар Иры туристон фирма "Карсан-тур"-ы бардарæг Карсанты Гурам.

Туризмы æппæтдунейон бон нысан цæуы 27 сентябры. Хуссар Иры туризмы фадыджы иууыл зындгонддæр у фирмæ "Карсан-тур". Уый балцытæ аразы Ирыстоны хуссары æмæ цæгаты.

"Фæстаг æзты уавæр фенкъуыст. Туризм фæзынд. Ӕрмæст Уæрæсейы æмбæстаг нæ цæуы Хуссар Ирмæ балцы, фæлæ ма Европæйы бæстæтæ æмæ АИШ-ы цæрджытæ дæр. Нырма нæй фаг уазæгдæттæ, хъæуы кæцыдæр историон цыртдзæвæнтæ сцалцæг кæнын æмæ сцæттæ кæнын культурон нывæзт, скæнын этнохъæутæ, цы ран уазджытæн фадат уаид архайын национ къæбицы хæринæгтæ кæнын æмæ мигæнæнтæ аразын", - загъта Карсанты Гурам.

Карсанты Гурамы ныхæстæм гæсгæ, Хуссар Ир нырма туристтæй кæй не ʻсфæлмæцыд, уымæй дæр æлхæны бæлцæтты зæрдæтæ.

"Хуссар Иры цæрæг æрцæуæгмæ "æхцадоны" цæстæнгасæй кæй нæ кæсы, фæлæ йыл уазæгау кæй æмбæлы, уый сын сæ зæрдæ тынг æлхæны. Уыимæ иумæ ахæм хъуыды, ома горæты тыхзмæлдæй цы адæм бафæллайынц, уыдоны уавæртæ нæ хъæуы, уый дæр раст нæу", - дзуры уый.

Хуссар Иры туризм фæстаг æзты æрмæст сæрдыгон фæзынд нæу, фæлæ ссис æрвылафон, бафтыдта ма хуссарирыстойнаг гид.

"Архайын туризм скæнын æрвылафонон æмæ мын цадæггай æнтысы. Октябры æнхъæлмæ кæсын æхсæннационалон къордмæ – уыдзысты Латви, Швеци æмæ Словакийы минæвæрттæ", - бафтыдта Карсанты Гурам.

Туризмы размæцыдыл дзурæг у, экскурсоводы гуырахст куыд фылдæр кæны, уый дæр. "Карсан-тур" æнхъары балцытæ æмæ экскурсоводты лæггæдтæ. Уыимæ иумæ ма йæ хицау архайы бакæнын лæггæдтæ "все включено" - сæ нымæцы уазæгдон, балцытæ, экскурсовод æмæ тæлмацгæнæг.

72
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0