Ӕхсӕнадӕмон турнир Дзауы рабӕрӕг кодта Ирыстоны тыхджындӕр шахматистты

Ӕхсӕнадӕмон турнир Дзауы рабӕрӕг кодта Ирыстоны тыхджындӕр шахматистты

25
(ранӕуӕггонд 14:41 30.09.2019)
Ӕрвылазон турниры шахматтӕй, кӕцы ссис иууыл популярондӕртӕй иу Ирыстоны, хайад райстой дӕс командӕйы

ЦХИНВАЛ, 30 сен — Sputnik. Хуссар Ирыстоны Дзауы районы балхынцъ ис Х Ӕхсӕнадӕмон турнир шахматтӕй ирон энциклопедийы автор, националон преми "Нарты фӕткъуы"-йы лауреат Челехсаты Хъазбеджы призтыл. Уый тыххӕй хъусын кӕны фӕсивӕдон политикӕ, спорт ӕмӕ туризмы комитеты пресс-службӕ.

Ӕрвылазон турнир, кӕцы ссис иууыл популярондӕртӕй иу Ирыстоны, райста 10 командӕйы Ирыстоны хуссар ӕмӕ цӕгатӕй. Цӕгат Ирыстоны кад хъахъхъӕдтой шахаматисттӕ Горӕтгӕрон район, Дзӕуджыхъӕу ӕмӕ Алагирӕй.

"Финалон фембӕлдмӕ ахызтысты командӕтӕ, кӕцытӕ бацахстой фыццаг бынӕттӕ – уыдон сты ПТРК "ИР" ӕмӕ Дзӕуджыхъӕуы шахматисттӕ, кӕцыты командӕйы сконды архайдтой Теделеты хъӕуӕй рацӕугӕтӕ Танделаты бинонтӕ. Ацы фембӕлды уӕлахиздзаутӕ ссисты Цӕгат Ирыстоны минӕвӕрттӕ. ПТРК "ИР" командӕ бацахста дыккаг бынат, бронзӕйон майдантӕ та райстой Цӕгат Ирыстоны Горӕтгӕрон районы шахматисттӕ", - дзырдӕуы хъусинаджы.

Турниры уӕлахиздзаутӕ ӕмӕ призерты схорзӕхджын кодтой грамотатӕ ӕмӕ зӕрдылдарӕн лӕвӕрттӕй.

25
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1