Хуссар Иры хицауад сӕххӕст кодта финансон ӕххуыс дыууӕ инвестпроектӕн

Хуссар Иры хицауад бакӕндзӕн финансон ӕххуыс дыууӕ инвестпроектӕн

30
(ранӕуӕггонд 11:56 30.09.2019)
Паддзахады ӕххуыс райсдзысты нуазыны доны завод ӕмӕ сӕндуцӕн куыстуат

ЦХИНВАЛ, 30 сен - Sputnik, Козаты Диана. Хуссар Ирыстоны хицауад равзӕрста дыууӕ инвестпроекты, цӕмӕй сын бакӕна паддзахадон ӕххуыс республикӕйы социалон-экономикон инвестицион программӕйы фӕлгӕтты. Ахӕм уынаффӕ рахастой къуырисӕры хицауады рабадтыл.

Финансон ӕххуыс бюджетӕй райсдзысты нуазыны доны завод "Натурплант" ӕмӕ Присы хъӕуы сӕндӕтты проект.

Паддзахадон ӕххуысы кӕроны лимит "Натурплант"-ӕн уыдзӕн 5,7 милуан сомы, сӕндӕттӕн та 2,5 милуан сомы.

"Фӕрӕзтӕ "Натурплант"-ӕн ацӕудзысты арӕзтадон-монтажон куыстытӕн, сӕйраджыдӕр, дыууӕ трансформаторон дӕлстанцы арӕзтадӕн Едыс ӕмӕ Ручъы хъӕуты", - банысан кодта вице-премьер – экономикӕйы министр Бекъойты Геннадий.

Уый бафтыдта, паддзахадон ӕххуыс "Сӕндуцӕн Иронсӕн"-ӕн ацӕудзӕн хӕрдзтӕн, кӕцытӕ баст сты зайӕгойтӕ ныссадзыны фӕлгӕтты мадзӕлттимӕ.

Внеочередное заседание правительства Южной Осетии
© Sputnik / Диана Козаева
Хуссар Ирыстоны хицауады рабадт

Хицауады сӕрдар Пухаты Эрик банысан кодта, "Сӕндуцӕн Иронсӕн" кӕй фӕнд кӕны ӕлхӕнын сӕнӕфсир, ӕмӕ кӕд цӕрджытӕм ис базайраг, уӕд ӕй сӕ бон у ауӕй кӕнын куыстуатӕн.

Хицауады уӕнгтӕ хорзыл банымадтой инвестицион проекттӕн фӕрӕзтӕ рахицӕн кӕнын фарст.

30
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5