Хуссар Иры президент раарфӕ кодта Абхазӕн Уӕлахиз ӕмӕ хӕдбардзинады боны цытӕн

Хуссар Иры президент раарфӕ кодта Абхазӕн Уӕлахиз ӕмӕ хӕдбардзинады боны цытӕн

25
(ранӕуӕггонд 12:04 30.09.2019)
Абхаз къуырисӕры, 30 сентябры, нысан кӕны уӕлахиз Фыдыбӕстӕйон хӕсты 1992-93 ӕзты. Ацы бӕрӕгбоны фӕдыл ӕфсымӕрон республикӕйы къухдариуӕгад ӕмӕ адӕмӕн раарфӕ кодта Бибылты Анатолий

ЦХИНВАЛ, 30 сен - Sputnik. Хуссар Ирыстоны президент республикӕйы къухдариуӕгад ӕмӕ адӕмы номӕй раарфӕ кодта йӕ абхазаг коллегӕ Рауль Хаджимбайӕн Абхазы адӕмы Фыдыбӕстӕйон хӕсты Уӕлахизы боны цытӕн.

"Бирӕнусон историйы дӕргъы ӕфсымӕрон Абхаз бавзӕрста бирӕ зындзинӕдтӕ, ӕмӕ алыхатт дӕр сӕ сӕрты хызт намысджынӕй. Абхаз хӕсты фӕуӕлахиз йӕ адӕмы стыр патриотизм, иудзинад ӕмӕ ныфсджындзинады руаджы. Ацы бӕрӕгбон ӕрбаиу кодта алкӕйдӕр, чи кад кӕны йӕ Фыдыбӕстӕйы кадджын историйӕн ӕмӕ йӕ уырны ирд сомбон. Бӕрӕгбон ссис адӕмы хъайтардзинад, хъӕбатырдзинад ӕмӕ адӕмы стыр ныфсы фӕлгондз", - дзырдӕуы хъусинаджы.

Бибылты Анатолий куыд банысан кодта, афтӕмӕй Абхаз у размӕцыд бӕстӕ, кӕцы фидар кӕны йӕ паддзахадон хӕдбардзинад.

"Ныфс мӕ ис, нӕ бӕстӕты хсӕн хӕларадон ахастытӕ дарддӕр кӕй райтынг уыдзысты нӕ адӕмты хӕрзӕбонӕн", - бахахх кодта Бибылты Анатолий.

Абхазы 30 сентябры нысан кӕнынц Уӕлахиз ӕмӕ хӕдбардзинады бон. Ацы бон 26 азы размӕ абхазаг ӕфсӕдтӕ рахызтысты Ингуры донмӕ, Гуырдзыстонимӕ паддзахадон арӕнмӕ ӕмӕ сӕвӕрдтой хидыл абхазаг тырыса. Афтӕмӕй фӕцис Абхазы адӕмы Фыдыбӕстӕйон хӕст.

Гуырдзиаг-абхазаг хӕст цыд 413 боны, конфликты рӕстӕджы фӕмард сты 3,5 мин адӕймаджы.

25
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5