Гуырдзиаг полици

Хуссар Ир ӕмӕ Гуырдзыйы арӕныл блокпостыл ногӕй ӕрдзурдзысты ИӔАМ фембӕлдыл

31
(ранӕуӕггонд 14:29 30.09.2019)
Баныхасы темӕ фӕндзӕм хатт уыдзӕн гуырдзиаг тыхон структурӕты ӕнӕзаконон блокпост Уисты хъӕуы районы

ЦХИНВАЛ, 30 сен - Sputnik. Хуссар Ирыстон ӕмӕ Гуырдзыстоны минӕвӕрттӕ ӕрныхас кӕндзысты дыццӕджы, 1 октябры, бӕстӕты хсӕн уавӕрыл Уисты (Цънелис) хъӕуы районы, цы ран гуырдзиаг тыхон структурӕтӕ августы сӕвӕрдтой сӕ блокпост. Уый тыххӕй фехъусын кодта РХИ президенты ӕххӕстбарджын минӕвар Джиоты Мурӕт.

Йӕ ныхӕстӕм гӕсгӕ, Инциденттӕ ма ӕруадзыны ӕмӕ сӕ аиуварс кӕныны фӕдыл механизмты (ИӔАМ) форматы фембӕлд ацӕудзӕн арӕнгӕрон хъӕу Эргнеты ӕмӕ йын уыдзӕн техникон характер. Баныхасы иунӕг темӕ фӕндзӕм хатт уыдзӕн гуырдзиаг полицийы блокпост, кӕцы сӕвӕрдтой хуссарирыстойнаг территорийыл.

"Хуссар Ирыстоны позици ацы фарсты фӕдыл нӕ фӕивта – пост ӕнӕзаконон ӕвӕрд скодтой республикӕйы территорийыл ӕмӕ йӕ хъуамӕ сисой", - загъта Джиоты Мурӕт.

ИӔАМ форматы ивгъуыд, цыппӕрӕм, фембӕлд ацыд 13 сентябры. Уӕд фарсытӕн радон хатт нӕ бантыст ӕрцӕуын компромиссмӕ.

Уавӕр арӕныл

Хуссар Ирыстоны арӕныл уавӕры эскалаци райдыдта 23 августы, гуырдзиаг полици куы бавнӕлдта блокпосты арӕзтадмӕ Уистӕйы хъӕуы цур, уӕд.

Хуссар Ирыстоны делегаци Инциденттӕ ма ӕруадзыны ӕмӕ сӕ аиуварс кӕныны фӕдыл механизмты форматы фембӕлды рӕстӕджы 29 августы ӕрдомдта Гуырдзыстоны минӕвӕрттӕй айсын блокпост ӕмӕ сын куы нӕ сразы тсы, уӕд ацыдысты фембӕлдӕй. Уый фӕстӕ ацыд ноджы фембӕлды ИӔАМ форматы, фӕлӕ сӕ хайадисджытӕ не рцыдысты компромиссмӕ. Хуссар Ирыстоны къухдариуӕгад уадзы мадзӕлттӕ, цӕмӕй сӕххӕст кӕна ӕдасдзинад Уистӕйы районы арӕны хайыл.

31
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

4
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

4