Хуссарирыстойнаг богалтӕ ахызтысты дунейы чемпионатмӕ ӕмхӕццӕ ӕмтохӕдтӕй

Хуссарирыстойнаг богалтӕ ахызтысты дунейы чемпионатмӕ ӕмхӕццӕ ӕмтохӕдтӕй

12
(ранӕуӕггонд 14:32 01.10.2019)
Ерыстӕ, кӕцытӕ цыдысты Анапайы, ӕрӕмбырд кодтой 700 хайадисӕгӕй фылдӕр Уӕрӕсейы регионтӕй, Узбекистанӕй ӕмӕ Хуссар Ирыстонӕй

ЦХИНВАЛ, 1 окт — Sputnik. Хуссарирыстойнаг спортсментӕ рамбылдтой фондз хорзӕхы ӕмхӕццӕ ӕмтохӕдты VII дунейы чемпионаты ӕвзарӕн этапыл, хъусын кӕны республикӕйы фӕсивӕдон политикӕ, спорт ӕмӕ туризмы комитеты пресс-службӕ.

Ерыстӕ, кӕцытӕ цыдысты Анапайы, ӕрӕмбырд кодтой 700 хайадисӕгӕй фылдӕр Уӕрӕсейы регионтӕй, Узбекистанӕй ӕмӕ Хуссар Ирыстонӕй.

"Кады пьедесталы уӕлдӕр къӕпхӕнмӕ 60 килограмм уӕзы категорийы схызт Бестауты Азӕмӕт. Турниры ӕвзист призертӕ ссисты Бестауты Арсен ( 51 килограмм), Алан Генгеури (48 килограмм) ӕмӕ Алексей Чеботарев (31 килоограмм). Бронзӕйон майданы хицау ссис Мамыттаты Роман (65 килограмм)", - дзырдӕуы хъусинаджы.

Уагдоны бафтыдтой, зӕгъгӕ, спортсменты ерыстӕм бацӕттӕ кодта тренер Хъуылымбегты Мамед.

12