Дзиццойты Юрий

Алантӕ алкӕйдӕр хъӕуынц: ирон ахуыргонд аланты фарстыл не сразы йӕ коллегӕтимӕ

354
(ранӕуӕггонд 13:15 02.10.2019)
Дзиццойты Юрий зонадон журнал "Вопросы ономастики"-йы йæ уацы иртасы терминтæ "алан" æмæ "аллоны" этимологи

ЦХИНВАЛ, 1 окт– Sputnik, Плиты Фатимæ. Хуссар Ирыстоны паддзахадон университеты ирон æмæ иумæйаг æвзагзонынады кафедрӕйы сæргълæууæг, филологон зонæдты кандидат, доцент Дзиццойты Юрий критикӕйы бын фӕкодта йӕ уӕрӕсейаг коллегӕты уац, цы ран дзырдӕуы, алантӕ кӕй сты мӕхъӕл ӕмӕ цӕцӕны фыдӕлтӕ.

Аланты бынтыл фæстаг æзты цæуы тох Кавказы, уæлдай активондӕр ацы фарсты сты мæхъæлæттæ. Сæ сæйраг горæтæн уыдон радтой астæуккаг æнусты Аланийы столицæйы ном Магас, фæстæ нæ лæууынц ахуыргæндтæ дӕр.

"Зындгонд уæрæсейаг журнал "Вопросы ономастики"-мæ уац ныффысстой уæрæсейаг ахуыргӕндтæ Аликбер Аликберов æмæ Олег Мудрак. Сæ куыстæй афтæ зыны, цыма алантæ сты цæцæйнæгты æмæ мæхъæлæтты фыдæлтæ. Уымæн рецензи ныффыссынмæ банхъардтой мæн. Рецензийы бæсты æз бацæттæ кодтон темӕйыл уац "К вопросу об этимологии этнонимов алан и аллон" æмæ дыууæтæ дæр иу номыры мыхуыр ӕрцыдысты", - загъта Дзиццойты Юрий.

Ахуыргонд йæ уацы иртасы терминтæ "алан" æмæ "аллоны" этимологи ӕмӕ бӕрӕг кӕны, уыдон кӕй сты ирон адӕмы фыдӕлтӕ.

Дзиццойты Юрий ма æрæджы хайад райста IV Ӕхсæнадæмон зонадон конференцийы "Этнолингвистика. Ономастика. Этимология" Екатеринбурджы. Уый сарæзта доклад Ирыстоны бæрзонддæр хæхтæй иу - Бурхохы тыххæй мифтыл.

354
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0