Хуссар Иры Хъахъхъӕнынады министрады делегаци хайад райста Абхазы бӕрӕгбонон мадзӕлтты

Хуссар Иры Гарзджын тыхты делегаци хайад райста Абхазы бӕрӕгбонон мадзӕлтты

19
(ранӕуӕггонд 11:36 02.10.2019)
Абхазы Хӕдбардзинад ӕмӕ Уӕлахизы боны цытӕн мадзӕлттӕ уагъд цыдысты Сухум ӕмӕ республикӕйы ӕндӕр горӕтты

ЦХИНВАЛ, 2 окт — Sputnik. Хъахъхъӕнынады министрады делегаци министр, инӕлар-лейтенант Гассеты Ибрагимы сӕргълӕудӕй хайад райста бӕрӕгбонон мадзӕлтты, кӕцытӕ нывонд сты Абхазы адӕмы уӕлахизыл 1992-1993 ӕзты Фыдыбӕстӕйон хӕсты 26 азы сӕххӕсты цытӕн. Уый тыххӕй фехъусын кодта уагдоны пресс-секретарь Чехойты Инга.

Ахсджиаг датӕйы цытӕн мадзӕлттӕ ацыдысты Сухум ӕмӕ республикӕйы ӕндӕр горӕтты, цы ран хайад райстой Абхазы куъхдариуӕгад президент Раль Хаджимбайы сӕргълӕудӕй, хӕсты ветерантӕ, ӕхсӕнадон архайджытӕ, республикӕйы цӕрджытӕ ӕмӕ фӕсарӕйнаг делегацитӕ.

"Республикӕмӕ балцы рӕстӕджы делегацийы минӕвӕрттӕ Абхазы Хъахъхъӕнынады министрады сӕргълӕууӕг Мираб Кишмарияимӕ сӕвӕрдтой дидинджытӕ Кады Мемориалмӕ Сухумы центры, афтӕ ма хайад райстой мысӕн ӕмӕ бӕрӕгбонон мадзӕлтты", - банысан кодта Чехойты Инга.

Абхазы 30 сентябры нысан кӕнынц Уӕлахиз ӕмӕ хӕдбардзинады бон. Ацы бон 26 азы размӕ абхазаг ӕфсӕдтӕ рахызтысты Ингуры донмӕ, Гуырдзыстонимӕ паддзахадон арӕнмӕ ӕмӕ сӕвӕрдтой хидыл абхазаг тырыса. Афтӕмӕй фӕцис Абхазы адӕмы Фыдыбӕстӕйон хӕст.

Гуырдзиаг-абхазаг хӕст цыд 413 боны, конфликты рӕстӕджы фӕмард сты 3,5 мин адӕймаджы.

19
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

2
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

2
ХИПУ

ХИПУ-йы йӕ куыст райдыдта исӕн къамис

5
(ранӕуӕггонд 12:28 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

5