Зынгсирвӕзт Хуссар Ирыстоны

Галуанты хъӕуы ссыгъд хус кӕрдӕг, зынгфӕдисонтӕ бахӕццӕ сты рӕстӕгыл

20
(ранӕуӕггонд 14:34 02.10.2019)
Зынгфӕдисон къорд рӕстӕгыл аиуварс кодта зынгсирвӕзт ӕмӕ нӕ бауагъта, цӕмӕй арт ма аххӕсса цӕхӕрадоныл

ЦХИНВАЛ, 2 окт - Sputnik. Уӕлвӕткон уавӕрты министрады (УУМ) радгӕсон хайадмӕ ӕртыццӕджы райсомӕй бацыд информаци хус кӕрдӕджы ссыгъды фӕдыл Цхинвалы районы Галуанты хъӕуы – зынгфӕдисон къорд уайтагъд ахуыссын кодта арт. Уый тыххӕй Sputnik фехъусын кодта уагдоны пресс-секретарь Тедеты Роза.

"Арт аххӕссыд цӕхӕрадоныл. Зынгфӕдисонтӕ ӕрцыдысты цауы бынатмӕ ӕмӕ аиуварс кодтой зынгсирвӕзт", - банысан кодта уый.

Уагдоны бӕрӕггӕнӕнтӕм гӕсгӕ, Хуссар Ирыстоны ивгъуыд дыууӕ къуыри ӕрцыд хус кӕрдӕджы ӕхсӕз зынгсирвӕзты – сӕ фылдӕр хай Цхинвалы районы.

20
Ирон хъазт

Сног кӕндзысты традици: Цхинвалы райдайдзысты уадзын "Ирон хъазт"

1
(ранӕуӕггонд 10:11 07.07.2020)
Ирон кафты изӕртӕ райдайдзысты 7 июлӕй ӕмӕ уагъд цӕудзысты ӕнӕхъӕнӕн сӕрдыгон сезоны дӕргъы

ЦХИНВАЛ, 7 июл – Sputnik, Гӕбӕраты Элина. Цхинвалы сног кӕндзысты националон кафты изӕртӕ "Ирон хъазт", фехъусын кодтой столицӕйы администрацийы пресс-службӕйы.

Ивгъуыд ӕзты уагъд цыдысты ахӕм кафӕн изӕртӕ, кӕцытӕ уыдысты тынг популярон Цхинвалы фӕсивӕды хсӕн.

"Столицӕ ӕмӕ районты фӕсивӕдӕн уыдзӕн фадат равдисын сӕ кафыны курдиат", - банысан кодтой пресс-службӕ.

Администрацийы бафтыдтой, зӕгъгӕ, националон кафты изӕртӕ райдайдзысты 7 июлы ӕмӕ уагъд цӕудзысты ӕнӕхъӕн сӕрдыгон сезоны дӕргъы. Изӕрты организатор у горӕты администрацийы культурӕйы хайад.

Цхинвалы карантинон мадзӕлттӕ сисыны фӕстӕ ацыд ацы аз фыццаг "Ирон хъазт", уый снывонд кодтой Фӕсивӕды бонӕн, мадзал сорганизаци кодта горӕты администраци фӕсивӕдон организаци "Иугонд Алани"-йы ӕмархайдӕй.

1

ХИПУ-йы йӕ куыст райдыдта исӕн къамис

4
(ранӕуӕггонд 12:07 07.07.2020)
Уӕлдӕр ахуыргӕнӕн уагдон цы 12 факультеты ис, уыдонмӕ ма бафтыд ацы аз ноджы иу - театралон

ЦХИНВАЙЛ , 7 июл — Sputnik, Плиты Фатимӕ. Хуссар Ирыстоны паддзахадон университеты йӕ куыст срӕвдз кодта исӕн къамис. Бӕстӕйы сӕйраг уӕлдӕр ахуыргӕнӕндон абитуриенттӕн ӕнхъары равзарын 13 дӕсныйадӕй боны хайады, ахуырад райсӕн ис фӕсаууонмӕ хайадты дӕр, хъусын кӕны вузы пресс-службӕ.

Ацы аз ХИПУ-йы уӕлӕмхасӕй бакодтой ног факультет - театралон хаххыл.

Уӕлдӕр ахуыргӕнӕн уагдоны ис боны хайады ис 13 дӕсныйады, фӕсаууонмӕ хайады ис 7 хаххӕй равзарӕн, ноджы ма ацы формӕйы уӕлдӕр ахуырад райсӕн ис коммерцион бындурыл - ам та ис фарст профессийы.

Уагдоны хъусинагмӕ гӕсгӕ, майданимӕ ахуыр чи фӕцис, уыдон дӕттынц фыццаг фӕлварӕн, кӕд ӕй фондзыл ратта, уӕд сӕрибар у иннӕ фӕлварӕнтӕй.

Исӕн къамис йӕ куыст срӕвдз кодта июлы райдайӕны ӕмӕ гӕххӕтытӕ ист цӕудзысты 15 июльмӕ.

4