Тадтаты Алан

Тадтаты Алан загъта йӕ хъуыды Хуссар Иры парламенты ӕхгӕд рабадты тыххӕй

23
Хуссар Ирыстоны парламенты спикер Тадататы Алан радзырдта Sputnik, цӕуыл ныхас кодтой РХИ ӕмӕ Гуырдзыстоны хсӕн паддзахадон арӕны фӕдыл ӕхгӕд парламентон рабадтыл

ЦХИНВАЛ, 3 окт - Sputnik. Хуссар Ирыстоны парламент сарӕзта депутатон къорд, кӕцы ӕркӕсдзӕн Гуырдзыстонимӕ паддзахадон арӕны демаркаци ӕмӕ делимитацийы фӕдыл къамисы куыстмӕ, радзырдта Sputnik закондӕттӕг органы сӕргълӕууӕг Тадтаты Алан.

"Хуссар Ирыстоны парламенты ацыд рабадт, кӕцыйы рӕстӕджы ӕрдзырдтой арӕн ӕмӕ къамисты уавӕрыл, кӕцытӕ куыстой 2009 азӕй фӕстӕмӕ – хицауадон къамис ӕмӕ ивгъуыд ӕрсидты парламентон къамис. Рабадты рӕстӕджы ӕрдзырдтам иппӕрдтыл, кӕцытӕ уыдысты дыууӕ къамисы куысты ", - загъта Тадтаты Алан.

Спикер банысан кодта, ӕрӕмӕбырдуӕвджытӕ кӕй байхъуыстой ацы къамисты уӕнгтӕм, кӕцытӕ сдзаупп кодтой депутатты фарстыл, фӕлӕ уыдоныл дарддӕр дӕр хъӕуы ныхас кӕнын.

Тадтаты Алан бафтыдта, зӕгъӕ, дарддӕр дӕр уадздзысты рабадттӕ, уымӕн ӕмӕ парламентмӕ не рбацыдысты ӕрхонгӕ адӕм иууылдӕр.

"Мах фӕнды фехъусын сӕ хъуыды. Махӕн хъуамӕ уа бӕрӕг позици РХИ ӕмӕ Гуырдзыстоны хсӕн паддзахадон арӕны фӕдыл. Фидӕны рабадты датӕ фехъусын кӕндзыстӕм парламенты абоны сессийы рӕстӕджы", - бахахх кодта парламенты спикер.

Уавӕр арӕныл

Хуссар Ирыстоны арӕныл уавӕры эскалаци райдыдта 23 августы, гуырдзиаг полици куы бавнӕлдта блокпосты арӕзтадмӕ Уистӕйы хъӕуы цур, уӕд.

Хуссар Ирыстоны делегаци Инциденттӕ ма ӕруадзыны ӕмӕ сӕ аиуварс кӕныны фӕдыл механизмты форматы фембӕлды рӕстӕджы 29 августы ӕрдомдта Гуырдзыстоны минӕвӕрттӕй айсын блокпост ӕмӕ сын куы нӕ сразы тсы, уӕд ацыдысты фембӕлдӕй. Уый фӕстӕ ацыд ноджы фембӕлды ИӔАМ форматы, фӕлӕ сӕ хайадисджытӕ не рцыдысты компромиссмӕ. Хуссар Ирыстоны къухдариуӕгад уадзы мадзӕлттӕ, цӕмӕй сӕххӕст кӕна ӕдасдзинад Уистӕйы районы арӕны хайыл.

 

23
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

8
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

8
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0