Хуссар Ир хайад исы фӕсивӕдон инновациты кейс-чемпионаты

Хуссар Ир хайад исы фӕсивӕдон инновациты кейс-чемпионаты

14
(ранӕуӕггонд 14:25 03.10.2019)
Хъырымы фӕсивӕдон инновациты кейс-чемпионаты орагнизаторты нысаниуӕг у раттын сывӕллӕттӕн фадат фехъусын кӕнын сӕ хъуыдытӕ горӕты цард фӕхуыздӕр кӕныны хъуыддаджы

ЦХИНВАЛ, 3 окт - Sputnik. Фӕсивӕдон инновациты ӕхсӕнадӕмон кейс-чемпионат хъырымаг Ласпийы ӕрӕмбырд кодта хайадисджыты Уӕрӕсейы 30 регионӕй, Хуссар ӕмӕ Цӕгат Ирыстонӕй, Белоруси, Молдова ӕмӕ Казахстанӕй. Уыдонӕй бирӕтӕ сты технопарк "Кванториум"-ы ахуыргӕнинӕгтӕ, олимпиадӕты уӕлахиздзаутӕ ӕмӕ фӕсивӕдон инновациты инитиативон хайадисджытӕ – уый у ног уӕрӕсейаг проект, кӕцыйы уӕлахиздзаутӕ ссисты авд сывӕллоны Ирыстонӕй, сӕ нымӕцы цыппар Хуссар Ирыстонӕй: Гуыцмӕзты Андрей, Остъаты Сӕрмӕт, Джиоты Константин ӕмӕ Зассеты Максим.

Кейс-чемпионат ӕрӕмбырд кодта 300 сывӕллоны 12-18 азы кары ӕмӕ ссис уникалон эксперименталон фӕзуат.

Дӕс боны дӕргъы, 1-ӕй 10-ӕм октябрмӕ, хайадисджытӕ хъуамӕ ссарой горӕт Севастополы актуалондӕр проблемӕтӕ ӕнӕниздзинад хъахъхъӕнынад, ахуырад, туризм ӕмӕ экосистемӕйы фадыджы.

Организаторты фӕнды бакусын проблемӕтыл сывӕллӕттимӕ иумӕ, уымӕн ӕмӕ уыдонӕн ис ног хъуыдытӕ ӕмӕ сӕ бон у ссарын проблемӕтӕн оригиналон скъуыддзӕгтӕ.

Уӕлахиздзауты фехъусын кӕндзысты "Технофест" фестивалы рӕстӕджы, кӕцыйӕ балхынцъ уыдзӕн кейс-чемпионат Севастополы.

14
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

9
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

9
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0