Хуссар Иры бӕгӕны бавдисдзысты ӕхсӕнадӕмон фестивалы Ирон бӕгӕны – 2019

Хуссар Иры бӕгӕны бавдисдзысты ӕхсӕнадӕмон фестивалы "Ирон бӕгӕны 2019"

18
(ранӕуӕггонд 15:59 03.10.2019)
Хуссар Ирыстоны иууыл хуыздӕр бӕгӕныхсидӕджы рабӕрӕг кодтой Республикӕйы бӕрӕгбоны рӕстӕджы – уӕлахиздзау ссис Цхинвалы районы Къуернеты хъӕуы цӕрӕг сылгоймаг Козаты Рита

ЦХИНВАЛ, 3 окт — Sputnik. "Ирон бӕгӕны – 2019"-ы хуссарирыстойнаг ӕвзарӕн этапы уӕлахиздзау Козаты Рита хайад райсдзӕн ирон бӕгӕныйы ӕхсӕнадӕмон националон-культурон фестивалы финалы, кӕцы ацӕудзӕн майрӕмбоны Цӕгат Ирыстоны, хъусын кӕны Градус Осетии.

Мадзал ацӕудзӕн Тӕбӕхсауты Балойы номыл Цӕгат Ирыстоны паддзахадон академион театры – Дзӕуджыхъӕуы Театралон фӕзуатыл Цӕгат ӕмӕ Хуссар Ирыстон, Самара, Санкт-Петербург, Бельги, Франци ӕмӕ Турчы ӕвзарӕн этапты уӕлахиздзаутӕ бавдисдзысты уазджытӕн ӕмӕ конкурсы жюрийӕн рагон ирон нозты хуызӕгтӕ.

Хуссар Ирыстоны иууыл хуыздӕр бӕгӕныхсидӕджы ном рабӕрӕг кодтой 20 сентябры, Республикӕйы бӕрӕгбоны рӕстӕджы - уӕлахиздзау ссис Цхинвалы районы Къуернеты хъӕуы цӕрӕг сылгоймаг Козаты Рита.

Ирон бӕгӕныйы конкурс уагъд цӕуы цалдӕр азы, традицимӕ гӕсгӕ, жюрийы уӕнгтӕ фыццаг равзарынц уӕлахиздзауты республикӕты районты, финалы та равзарынц иууыл хуыздӕры сӕ нымӕцӕй. Фестиваль "Ирон бӕгӕны – 2019" уадзынц Цӕгат Ирыстоны культурӕ ӕмӕ дзыллон коммуникациты министрад ӕмӕ республикӕйы традицион культурӕ ӕмӕ этнотуризмы центр "Фарн". Конкурсы генералон спонсор у компани "Бавария".

18
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

4
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

4
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0