Хицауад

Бӕллиццаг бадзырдты бон: Хуссар Ир ӕмӕ Луганскы республикӕ тох кӕндзысты фыдракӕндтимӕ

12
(ранӕуӕггонд 15:43 04.10.2019)
Дыууӕ республикӕйы уагдӕттӕ майрӕмбоны бафыстой ӕмгуыстады фӕдыл документтӕ. Бадзырдтӕм гӕсгӕ иумӕйаг тох кӕндзысты фыдракӕндты ныхмӕ

ЦХИНВАЛ, 4 окт - Sputnik, Гӕбӕраты Ян. Хуссар Ирыстон ӕмӕ Луганскы Адӕмон Республикӕ (ЛАР) бахахх кодтой сӕ цӕттӕдзинад райтынг кӕнын ахастытӕ ӕмӕ ӕххуыс кӕнын кӕрӕдзийӕн фыдракӕндты ныхмӕ тохы, фехъусын кодта документ бафыссыны фӕстӕ Хуссар Ирыстоны мидхъуыддӕгты министр Наниты Игорь.

Бон, кӕцымӕ дыууӕ фарс дӕр рагӕй ӕнхъӕлмӕ кастысты, рауад ӕнтыстджын: майрӕмбоны райсомӕй ЛАР делегаци бафыста хуссарирыстойнаг коллегӕтимӕ ӕртӕ бадзырды.

Фыццаг бадзырдтӕ бафыстой Уӕлвӕткон уавӕрты министрӕдты сӕргълӕуджытӕ Цоциты Азӕмӕт ӕмӕ Евгений Кацавалов.

Подписание соглашений между республикой Южная Осетия и Луганской Народной Республикой
© Sputnik / Наталья Айриян
Хуссар Ирыстоны ӕмӕ Луганскы Адӕмон Республикӕйы УУМ бафыстой бадзырд ӕмгуыстады фӕдыл

"Мах уымӕ цыдыстӕм цалдӕр азы, ӕмӕ абон радтам нӕ уагдӕтты хсӕн ахастытӕн юридикон статус", - фехъусын кодта Кацавалов.

Колллегӕтӕ ӕрӕвӕрдтой сӕ къухфысттӕ, уый фӕстӕ Евгений Кацавалов радта Цоциты Азӕмӕтӕн зӕрдылдарӕн маркӕ Луганск ӕмӕ Хуссар Ирыстоны тырысаты хуызӕгтимӕ.

Подписание соглашений между республикой Южная Осетия и Луганской Народной Республикой
© Sputnik / Наталья Айриян
Хуссар Ирыстоны ӕмӕ Луганскы Адӕмон Республикӕйы УУМ бафыстой бадзырд ӕмгуыстады фӕдыл

Уый фӕстӕ бадзырд бафыстой РХИ Мидхъуыддӕгты министрады (МХМ)сӕргълӕууӕг Наниты Игорь ӕмӕ луганскаг уагдоны разамонӕг Игорь Корнет.

Фарсыты хъуыдымӕ гӕсгӕ, бадзырды фӕлгӕтты ӕххӕст цӕудзӕн активон ӕххуыс фыдракӕндтимӕ тохы.

"Абон мах сарӕзтам стыр къахдзӕф. Райтынг кӕндзыстӕм нӕ ахастытӕ ӕмӕ иумӕ тох кӕндзыстӕм фыдракӕндты ныхмӕ", - бахахх кодта Наниты Игорь.

Подписание соглашений между республикой Южная Осетия и Луганской Народной Республикой
© Sputnik / Наталья Айриян
Хуссар Ирыстоны ӕмӕ Луганскы Адӕмон Республикӕйы МХМ бафыстой бадзырд ӕмгуыстады фӕдыл

Афтӕ ма фыдракӕндты ныхмӕ тох кӕныныл бадзырдтой Хуссар Ирыстоны генералон прокурор Дзӕгъиаты Уырызмӕг ӕмӕ ЛАР генералон прокуроры хӕстӕ ӕххӕстгӕнӕг Сергей Горенко.

"Ацы бадзырд цӕттӕ кодтам иу азы дӕргъы ӕмӕ аскъуыддзаг кодтам, кӕй йӕ хъӕуы бафыссын.Скуыддзаг кӕндзыстӕм проблемӕтӕ ацы документты бындурыл", - загъта Дзӕгъиаты Уырызмӕг.

Подписание соглашений между республикой Южная Осетия и Луганской Народной Республикой
© Sputnik / Наталья Айриян
Хуссар Ирыстоны ӕмӕ Луганскы Адӕмон Республикӕйы генералон прокуратурӕтӕ бафыстой бадзырд ӕмгуыстады фӕдыл

Хуссар Ирыстон 2014 азы банымадта ДАР ӕмӕ ЛАР хӕдбардзинад, республикӕтимӕ фидар ӕрцыдысты дипломатон ахастытӕ. Донецк ӕмӕ Луганскы кусынц Хуссар Ирыстоны минӕварадтӕ, Цхинвалы та — ДАР ӕмӕ ЛАР минӕварадтӕ.

2017 азы майы РХИ ӕмӕ ДАР бафыстой ӕмгуыстады бадзырд, документы бын сӕ къухфысттӕ ӕрӕвӕрдтой республикӕйы лидертӕ - Бибылты Анатолий ӕмӕ Александр Захарченко. 2018 азы декабры Цхинвалы бафыстой аналогион бадзырд Луганскы АДӕмон Республикӕимӕ.

12
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

9
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

9
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

9
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

9
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0