Чысиаты Тамазы хæдзар Хелцуайы

11 аз æнхъæлмæ кæсгæйæ: Хелцуайы цæрæг "рæстæгмæ" æрцард скъæты

86
(ранӕуӕггонд 11:58 09.10.2019)
Чысиаты Тамазæн йæ хæдзары æмбис 2008 азы хæсты рæстæджы срæмыгъды улæнæй ракалд, уæдæй нырмæ уый скъæты къæсæрыл арвылбондæр æнхъæлмæ кæсы аразджыты æрбацыдмæ

ЦХИНВАЛ, 8 окт – Sputnik, Плиты Фатимæ. Цхинвалы районы Хелцуайы хъæуы цæрæг Чысиаты Тамаз ныр 11 азы - 2008 азы хæстæй фæстæмæ хицауады хæрзиуæджы æнхъæлмæгæс цæры скъæты. Йæ хæдзары æмбис æм къуыппæй æрдæгкалдæй фæлгæсы, ныккæнд та дæлдзырæтты бын æмбийы.

Тамаз Кисиев
© Sputnik / Наталья Айриян
Чысиаты Тамаз

Хелцуайы хъæу ис столицæйæ 15 километры дæрддзæф, Цхинвалы районы фæз зæххыты. Йæ центры донхæрисы аууоны æрбынат кодта хæрзæфснайд скъола, йæ иунæг аипп - чысыл контингент, æдæппæтæй цыппар ахуырдзауы.

  • Хелчуа
    Хелцуайы скъолайы ахуыргæнæг
    © Sputnik / Наталья Айриян
  • Хелцуайы скъола
    Хелцуайы скъола
    © Sputnik / Наталья Айриян
  • Ахуырдзау
    Ахуырдзау
    © Sputnik / Наталья Айриян
1 / 3
© Sputnik / Наталья Айриян
Хелцуайы скъолайы ахуыргæнæг

Сывæллæтты чысыл нымæцмæ æнæкæсгæйæ хъæу у цæргæ – цæхæрæдæттæ хорз куыст, хъæуы уынгты змæлы адæм. Ам ныр дæр ис 70 хæдзары бæрц. Фосдардæй арæхдæр у зæххы куыст, дыргъдæттæ ныр дæр йедзаг сты фæззæджы хуынтæй. Чысиаты Тамазы, æвзæр цардуагон уавæртæм æнæкæсгæйæ, йæ райгуырæн хъæуæй æддæмæ йæ къах нæ хæссы.

"2008 азы хæсты рæстæджы мæ хæдзарыл нæмыг не ʻсæмбæлд , фæлæ йæм хæстæг æрхауд дыууæ срæмудзæн æрмæджы, уыдон улæн ын йæ иу фарс фæхаста. Бахъыгдард ис йæ агъуыст дæр. Уæдæй нырмæ æнхъæлмæ кæсæм йæ æндидзынмæ", - дзуры Тамаз.

Лæг рæстæгмæ цæрынæн бацалцæг кодта скъæт æмæ уым æрцард, фæлæ "рæстæгмæ" ахаста 11 аз бæрц.

"Скъæт бацалцæг кодтон æмæ уым цæрын. Фæстаг хатт ма мын ныфс радтой иннæ аз саразынæй, фæлæ афтæ азæй–аз æнхъæлмæ кæсын. Уазæг дæр мæм нæ цæуы, æхсæв йæ бавæрыны фадат мын нæй", - бафтыдта уый.

Хелчуа
© Sputnik / Наталья Айриян
Лæг рæстæгмæ цæрынæн бацалцæг кодта скъæт æмæ уым æрцард

Нæлгоймаг бафæллæд ныфсæвæрæн ныхæстæ æмæ æнхъæлмæ кæсынæй, ныридæгæн тыллæгæфснайæн куыстытимæ иумæ уый срæвдз кодта арæзтад дæр. Кредитон фæрæзтæй амайы йæ хæдзармæ хæстæг чысыл бæстыхай, фæлæ ма йæ хæдзары сæндидзыныл дæр йæ къух нæ систа.

"Ныфс ма мæ ис, кæй мын æй бацараздзысты. Йæ быны та мæ ныккæндтæ сты - мæ сæн, мæ мулк уым дарын, къæвдайы сыл дон тæдзы æмæ тæрсын, куы ныккæла бынтондæр. Ног хæдзары арæзтадмæ дæр бавнæлдтон, фæлæ дзы кæд цы уыдзæн", - дзуры хъæуы цæрæг.

Селение Хелчуа
© Sputnik / Наталья Айриян
Лæг ныридæгæн тыллæгæфснайæн куыстытимæ иумæ срæвдз кодта арæзтад дæр

Хуссар Иры президент Бибылты Анатолийы хъæппæрисæй 2019 азы кусы сæрмагонд нывæзт, кæцыйы фæлгæтты хæсты рæстæджы бахъыгдард æрцæуæг фатертæ æмæ хæдзæрттæ цæуынц арæзт. Паддзахады сæргълæууæджы пресс-службæ амæй размæ куыд хъусын кодта, афтæмæй ацы нысанæн бюджетæй хицæн æрцыд 35 милуан сомы, сæ нымадмæ гæсгæ уыдон аххæсдзысты 130 цæрæнуаты арæзтад æмæ цалцæгыл. Чизоны, Чысиаты Тамазы хæдзар дæр уыцы нывæзтмæ бахауа...

86
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1