Хуссар Ирыстоны президент хайад райста Абхазы сӕргълӕууӕг Рауль Хаджимбайы инаугурацийы

Хуссар Иры президент: Хаджимбайы ӕнтыст - Абхазы паддзахаддзинады сфидар

15
(ранӕуӕггонд 14:22 09.10.2019)
Хуссар Ирыстоны президент хайад райста Абхазы президент Рауль Хаджимбайы инаугурацийы церемонийы

ЦХИНВАЛ, 9 окт - Sputnik. Хуссар Ирыстоны президент Бибылты Анатолий хайад райста Абхазы президент Рауль Хаджимбайы инаугурацийы церемонийы, хъусын кӕны хуссарирыстойнаг лидеры пресс-секретарь Гасситы Дина. Паддзахады сӕргълӕууӕджы инаугураци ацыд ӕртыццӕджы Министрты Кабинеты актон залы Сухумы.

Адӕмон ӕмбырды спикер Валерий Кварчияйы раныхасы фӕстӕ, Рауль Хаджимбайы фӕхуыдтой ард бахӕрынмӕ. Уымӕ радтой президенты атрибуттӕ – штандарт ӕмӕ печать Абхазы паддзахадон гербы хуызӕгимӕ. Афтӕ ма Хаджимбамӕ радтой ӕхсаргард ӕмӕ националон абхазаг лæдзæг – алабашья.

Абхазы равзӕрстгонд президент йӕ раныхасы загъта бузныг, йӕ фарсмӕ ӕвзӕрстыты чи балӕууыд, уыдонæй алкӕмӕн дӕр.

Бибылты Анатолий раарфӕ кодта йӕ абхазаг коллегӕйӕн ӕмӕ бахахх кодта, ӕвзӕрстытӕ кӕй равдыстой, ӕвзарджыты фылдӕр хай нырма дӕр ӕууӕндынц Хаджимбайыл бӕстӕйы дарддӕры райрӕзт.

"Рауль Хаджимба ӕмӕ ӕппӕт республикӕйы ӕнтыст ссис абхазаг паддзахаддзинады сфидар", - банысан кодта Бибылты Анатолий.

Афтӕ ма уый фехъусын кодта, Абхаз ӕмӕ Ирыстоны адӕмы кӕй ӕрбаиу кодта бирӕæнусон хӕларад.

"Нӕ бӕстӕтӕ иумӕ цӕуынц ӕхсӕнадӕмон банымад райсыны фӕндагыл. Мӕн фӕнды банысан кӕнын Рауль Хаджимбайы хайбавӕрд нӕ бӕстӕты хсӕн ӕфсымӕрон ахастыты райрӕзтмӕ", - бахахх кодта Хуссар Ирыстоны президент.

Бибылты Анатолийы цӕст бауарзта Абхазы президентӕн ӕнтыстытӕ йӕ куысты бынаты, абхазаг адӕмӕн та сабырдзинад ӕмӕ хӕрзӕбон.

Президент Южной Осетии на инаугурации главы РА Рауля Хаджимба
© Пресс-служба президента РЮО.
Хуссар Ирыстоны президент хайад райста Абхазы сӕргълӕууӕг Рауль Хаджимбайы инаугурацийы

Уымӕй дарддӕр ма Рауль Хаджимбайӕн раарфӕ кодтой Цӕгат Кавказы хъуыддӕгты фӕдыл министр Сергей Чеботарев, ДАР сӕргълӕууӕг Денис Пушилин, арӕнгӕрон ӕмгуыстады фӕдыл УФ президенты хайады хистӕр Алексей Филатов бафарста УФ президенты ӕххуысгӕнӕг Владислав Сурковы арфӕ.

Абхазы президентон ӕвзӕрстытӕ ацыдысты 8 сентябры. Рауль Хаджимба райста хъӕлӕсты 47,39%.

15
Цхинвалы авд уынгыл цæуынц цалцæггæнæн куыстытæ

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

7
(ранӕуӕггонд 13:21 04.08.2020)
Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ

ЦХИНВАЛ, 4 авг – Sputnik, Дриаты Лейла. Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты ацы аз Цхинвалы цы аст уынджы хъуамӕ ӕрцӕуой цалцӕг, уыдонӕй авдыл ныртӕккӕ активонӕй уагъд цӕуынц куыстытӕ

Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ.

"Авд уынгыл активонæй кусынц зæххы бын коммуникацитæ ивыныл. Газы хæтæлтæ ивыныл кусы паддзахадон унитарон куыстуат "Энергоресурс", доны æмæ канализацийы хæххытæ ивыныл та – "Водоканал", - банысан кодта Гаглойты Сергей.

Цхинвалы Белинскийы уынджы ныртæккæ аразджытæ кусынц газ уадзыныл, магистралон трубæтæ æвæрыны фæдыл куыстытæ æххæст æрцыдысты 75 процентæй. Доны æмæ канализацийы фæдыл куыстытæ та – 80 процентæй.

"Газуадзæн куыстытæ ныртæккæ фесты Хъайтарты æмæ Кимы уынгты. Ныртæккæ Кимы уынджы цæуынц хæрзарæзтадон куыстытæ – калынц ыл ставд цъæлдур æмæ лыстæг хуырдур. Тротуарты та цæттæ кæнынц плиткæ сæвæрынмæ. Табуйы фырты уынджы уадзынц магистралон газы хахх, хæдзæрттæм бауагътой газ, æвæрд цæуынц газнымайæнтæ. Æвæрд æрцыдысты магистралон канализацион трубæтæ дæр æмæ аразджытæ хæдзæрттæм уадзынц канализацион æмæ донуадзæн хæххытæ", - ранымадта Гаглойты Сергей.

Йæ ныхæстæм гæсгæ, Революцийы уынджы дæр цæуынц газуадзæн куыстытæ, фæуд кæны канализацион хахх, кусынц доны хахх уадзыныл æмæ цъайтæ аразыныл дæр.

Базарадон уынджы æвæрынц магистралон газуадзæн, газ уадзынц хæдзæрттæм, æвæринаг ма сты газынымайæнтæ, доны æмæ канализацийы фæдыл куыстытæ фесты.

Нæузæххонты уынджы фæуд кæнынц газуадзæн куыстытæ, монтаж кæнынц газрегуляторгæнæн пункттæ. Куыст цæуы дон æмæ канализацийы хæххытæ хæдзæрттæм уадзыныл.

Гаглойты Сергей ма куыд зæгъы, афтæмæй Плиты Ароны уынджы дæр аразджытæ рæхджы æрывналдзысты хæрзарæзтадон куыстытæм.

Инвестпрограммæмæ хаст объекттæй дарддæр ма "Водоканал"-æн хæсгонд у, цæмæй Джиоты Аланы проспекты кæрон 130, 130 а, 128, 128 а æмæ 128 б бирæфатерон корпусты территорийыл раивой зæронд канализацион хæтæлтæ.

Азы райдианæй ма Сталины уынджы 96 æмæ 98-æм хæдзæрттæ, Фидауынгæнджыты уынджы 5, 6, 8 æмæ 10-æм хæдзæрттæ, Путины уынджы 2-æм хæдзары дæр ма цалцæг æрцыдысты канализацион хæххытæ.

7
Хуссар Иры музейы ацыд мысӕн изӕр

Геноциды темӕ скъоладзауты сфӕлдыстады: Хуссар Иры музейы ацыд мысӕн изӕр

15
(ранӕуӕггонд 12:32 04.08.2020)
Изӕрмӕ хуынд ӕрцыдысты Ирыстоны Фысджыты цæдисы уæнгтæ, литературæйы фадыджы фыццаг къахдзæфтæ чи аразы, ахӕм скъоладзаутæ ӕмӕ ӕндӕртӕ

ЦХИНВАЛ, 4 авг– Sputnik, Дриаты Лейла. "Ирон адæмы геноциды 100 азы" – ахӕм темӕйыл Хуссар Национ музейы уагъд æрцыд мадзал скъоладзаутӕн. Бацӕттӕ йӕ кодта Цхинвалы 3-аг скъолайы ирон æвзаг æмæ литературæйы ахуыргæнæг Бекъойты Майа.

Изӕрмӕ хуынд ӕрцыдысты  Ирыстоны Фысджыты цæдисы уæнгтæ, литературæйы фадыджы фыццаг къахдзæфтæ чи аразы, ахӕм скъоладзаутæ ӕмӕ ӕндӕртӕ.

Мадзалы райдианы йæ раныхасы музейы директор Зассеты Мераб банысан кодта, зæгъгæ, æнæ истори зонгæйæ нæй фидæнмæ фæндаг.

"Бирæ фыст æрцыд нæ ирон адæмы хъизæмæрттыл. Цал æмæ цал геноцид бавзæрстам Гуырдзыстоны æрдыгæй, куынæг нын кодтой нæ раззагон адæймæгты æнæаххосæй, ирæттæ кæй уыдысты, æрмæстдæр уый тыххæй. Нæ ирон адæмы размæцыдæн Гуырдзы æвæрдтой алыгъуызон ныхдуртæ. Махæй алчидæр хæсджын у, цæмæй агура æрмæджытæ ацы темæйыл æмæ сæ гæххæттыл фыстæй адæттæм нæ кæстæртæм - уадзмӕ зоной, цы тухитæ бавзæрстой сæ адæм", - загъта музейы директор.

Уый банысан кодта, геноциды тыххæй музейы кӕй сарӕзтой сæрмагонд къуым, цы ран æвæрд цæудзысты ацы геноцидимæ баст экспонаттæ.

Хуссар Иры музейы ацыд мысӕн изӕр
© Sputnik / Дриаты Лейла
Хуссар Иры музейы ацыд мысӕн изӕр

Мадзалы организатор Бекъойты Майа бакаст йæхи фыст æмдзæвгæтæ æмæ радзырдта, геноциды азарæй йæ бинонтыл цы фыдтæ æрцыд, уыдоны тыххæй.

"Мæ фыд-иу мын дзырдта, йæ фыды фыд Джеры комы зындгонд кæй уыд. Дардта бирæ фос, уыд æм æхца дæр. Гуры цы æлдар бадт, уый дзы айста хæс, фæлæ йын сæ фæстæмæ нал лæвæрдта æмæ йæ амардта.Уыцы цау уыд 1920 азтæм хæстæг, мæ дадайы фыды, кæй зæгъын æй хъæуы, æрцахстой. Йæ бинонтæ та сæхи бааууон кодтой. Джогъелийы æфсад схæццæ сты нæ хъæумæ дæр, ахастой сын сæ мулк. Мæ фыд-иу арæх æрымысыд, къаннæг дам уыдтæн мæхæдæг дæр, фæлæ йæхицæй къаннæгдæр хойыл цыд иу мæй, афтæмæй йæ йæ мад фæхаста хæхты сæрты", - радзырдта ахуыргӕнӕг.

Бекъойты Майа ма ӕрхаста ноджы цалдæр хабары йæ хæдзарвæндаджы историйæ. Уыдон иууылдæр уыдысты трагикон æмæ зæрдæмæхъаргæтæ.

Поэтессæ Чехойты Оля дæр бакаст йæхи фыст æмдзæвгæтæ. Уый канд 1920 азы геноцидыл нæ дзырдта йе ‘мдзæвгæты, фæлæ ма уый фæстæ азты дæр куыд цагътой æнæаххос адæмы, Хуссар Ирыстоны территорийæ "сыгъдæг быдыр" саразынмæ куыд хъавыдысты, уыдӕттыл.

Публицист Наниты Асиат та куыд загъта, афтæмæй уый æппынæдзух архайы, цæмæй йæ иувæрсты ма аирвæрза иунæг цау дæр, кæцыйы дзырдæуы ирон адæмы геноцидыл. Уыцы цаутæ чиныджы æмбырдгондæй сæ рæстæджы рацыдысты 2 томæй.

Бекъойты Майайы ахуыргæнинӕгтӕ бакастытсты куыд сӕхи фыст, афтӕ ӕндӕр ӕмдзӕвгӕтӕ, сæххæст кодтой гитарæимӕ ирон зарæг.

15