Махачкала

Гастрольтæ æмæ æмгуыстады бадзырд: Хуссар Иры театр цæуы Дагестанмæ

68
(ранӕуӕггонд 14:09 10.10.2019)
Дагестанмæ балц уыдзæн Цæгат Кавказы гастролон туры фæлгæтты, уый агъоммæ та труппæ ралæудзæн Ирон театры сценæйыл

ЦХИНВАЛ, 10 окт — Sputnik, Плиты Фатимæ. Хетæгкаты Къостайы номыл Хуссар Иры паддзахадон драмон театр дыууæ бонмæ фæуазæг уыдзæн Дагестаны республикæмæ. Сфæлдыстадон къорд Махачкалайы Авайраг музыкалон-драмон театры сценæйыл равдисдзæн дыууæ комеди æмæ аргъау, фехъусын кодта Sputnik ПДТ директор Уалыты Мæдинæ.

Дагестанмæ балц уыдзæн Цæгат Кавказы гастролон туры фæлгæтты, уый агъоммæ та труппæ ралæудзæн Ирон театры сценæйыл.

"31 октябры Дзæуджыхъæуæй афæндараст уыдзыстæм Дагестаны Авайраг музыкалон-драмон театрмæ. Уым нывæндæм фыццæгæм æмæ дыккæгæм ноябры равдисын дыууæ комеди æмæ иу аргъау", - загъта уый.

Директоры ныхæстæм гæсгæ, сæ балцы фæлгæтты фысым театримæ фæнд кæнынц срæвдз кæнын æмгуыстады бадзырд.

"Сразыдзинады фæлгæтты Цхинвалмæ фæуазæг уыдзæн дагестайнаг сфæлдыстадон къорд", - бафтыдта уый.

Цыппæрæм ноябры Цæгат Иры йæ дуæрттæ æрбакæндзæн Цæгат Кавказы культурæйы фадыджы гуырахстджын мадзал "Сцена без границ". Цæугæ фестивалы æдзух архайæг у Хетæгкаты Къостайы номыл Хуссар Иры паддзахадон драмон театр, кæцыдæр æзты йæ саккаг кодтой хорзæхтæй дæр.

"Фыццаг бон фестивалы уыдзæн нæ труппæйы ралæуд. Сфæлдыстадон къорд жюрийы æркастмæ бавдисдзæн театралон сезоны аккагдæр спектакль "Фатимæ", - балхынцъ кодта директор.

68
Коронавирус

Югосетпотребнадзор фехъусын кодта коронавирусимӕ уавӕры тыххӕй республикӕйы

2
(ранӕуӕггонд 14:51 04.08.2020)
Майы райдайӕнӕй республикӕйы сбӕрӕг кодтой 89 фӕрынчынуӕвӕджы, уыдонӕй 88 сӕнӕниз сты

ЦХИНВАЛ, 4 авг– Sputnik, Хъуылымбегты Азӕмӕт. Хуссар Ирыстоны иу суткӕмӕ не сбӕрӕг кодтой коронавирусӕй ног рынчынты, карантины сты сӕдӕ адӕймагӕй фылдӕр, фехъусын кодта Югосетпотребнадзоры сӕргълӕууӕджы хӕдивӕг Гаглойты Анна.

Стационары хоскӕнынад цӕуы иу медицинон кусӕг, кӕцыйӕн уый размӕ рабӕрӕг кодтой коронавирус.

"Хуссар Ирыстоны ног рынчынтӕ нӕй. Алыгъуызон организациты карантиныл сты 107 адӕймаджы", - загъта Гаглойты Анна.

Майы райдайӕнӕй республикӕйы сбӕрӕг кодтой 89 фӕрынчынуӕвӕджы, уыдонӕй 88 сӕнӕниз сты.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

Ацы схемӕйы руаджы фыццаг ӕмбӕстӕгтӕ ӕрцӕудзысты дыууӕджы.

2
Цхинвалы авд уынгыл цæуынц цалцæггæнæн куыстытæ

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

12
(ранӕуӕггонд 13:21 04.08.2020)
Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ

ЦХИНВАЛ, 4 авг – Sputnik, Дриаты Лейла. Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты ацы аз Цхинвалы цы аст уынджы хъуамӕ ӕрцӕуой цалцӕг, уыдонӕй авдыл ныртӕккӕ активонӕй уагъд цӕуынц куыстытӕ

Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ.

"Авд уынгыл активонæй кусынц зæххы бын коммуникацитæ ивыныл. Газы хæтæлтæ ивыныл кусы паддзахадон унитарон куыстуат "Энергоресурс", доны æмæ канализацийы хæххытæ ивыныл та – "Водоканал", - банысан кодта Гаглойты Сергей.

Цхинвалы Белинскийы уынджы ныртæккæ аразджытæ кусынц газ уадзыныл, магистралон трубæтæ æвæрыны фæдыл куыстытæ æххæст æрцыдысты 75 процентæй. Доны æмæ канализацийы фæдыл куыстытæ та – 80 процентæй.

"Газуадзæн куыстытæ ныртæккæ фесты Хъайтарты æмæ Кимы уынгты. Ныртæккæ Кимы уынджы цæуынц хæрзарæзтадон куыстытæ – калынц ыл ставд цъæлдур æмæ лыстæг хуырдур. Тротуарты та цæттæ кæнынц плиткæ сæвæрынмæ. Табуйы фырты уынджы уадзынц магистралон газы хахх, хæдзæрттæм бауагътой газ, æвæрд цæуынц газнымайæнтæ. Æвæрд æрцыдысты магистралон канализацион трубæтæ дæр æмæ аразджытæ хæдзæрттæм уадзынц канализацион æмæ донуадзæн хæххытæ", - ранымадта Гаглойты Сергей.

Йæ ныхæстæм гæсгæ, Революцийы уынджы дæр цæуынц газуадзæн куыстытæ, фæуд кæны канализацион хахх, кусынц доны хахх уадзыныл æмæ цъайтæ аразыныл дæр.

Базарадон уынджы æвæрынц магистралон газуадзæн, газ уадзынц хæдзæрттæм, æвæринаг ма сты газынымайæнтæ, доны æмæ канализацийы фæдыл куыстытæ фесты.

Нæузæххонты уынджы фæуд кæнынц газуадзæн куыстытæ, монтаж кæнынц газрегуляторгæнæн пункттæ. Куыст цæуы дон æмæ канализацийы хæххытæ хæдзæрттæм уадзыныл.

Гаглойты Сергей ма куыд зæгъы, афтæмæй Плиты Ароны уынджы дæр аразджытæ рæхджы æрывналдзысты хæрзарæзтадон куыстытæм.

Инвестпрограммæмæ хаст объекттæй дарддæр ма "Водоканал"-æн хæсгонд у, цæмæй Джиоты Аланы проспекты кæрон 130, 130 а, 128, 128 а æмæ 128 б бирæфатерон корпусты территорийыл раивой зæронд канализацион хæтæлтæ.

Азы райдианæй ма Сталины уынджы 96 æмæ 98-æм хæдзæрттæ, Фидауынгæнджыты уынджы 5, 6, 8 æмæ 10-æм хæдзæрттæ, Путины уынджы 2-æм хæдзары дæр ма цалцæг æрцыдысты канализацион хæххытæ.

12