Хуссар Ирыстоны фыццаг хатт ацыд  ӕппӕтдунейон лабораторон куыст химийӕ

Ӕппӕтдунейон акци: Хуссар Ирыстоны фыццаг хатт ацыд лабораторон куыст химийӕ

5
(ранӕуӕггонд 17:43 11.10.2019)
Акци уагъд цӕуы викторинӕйы хуызы ӕмӕ райтынг кӕндзӕн зонӕдтӕм тырнындзинад, радзырдтой организатортӕ

ЦХИНВАЛ, 11 окт — Sputnik, Гӕбӕраты Элина. Хуссар Ирыстон ӕрбаиу ис Ӕппӕтдунейон химикон лабораторон куыстмӕ, кӕцы нывонд у Менделеевы периодикон таблицӕйыл 150 азы сӕххӕстӕн.

Ахуырады кусджыты квалификаци фӕбӕрзонд кӕныны институты химийы фӕдыл хистӕр методист Наталия Метревели радзырдта Sputnlk, акци ауадзыны датӕ равзӕрстой уымӕн, ӕмӕ 11-12 октябры Михаил Ломоносов бакодта химикон лаборатори Санкт-Петербурджы зонӕдты академийы.

  • Хуссар Ирыстоны фыццаг хатт ацыд  ӕппӕтдунейон лабораторон куыст химийӕ
    Хуссар Ирыстоны фыццаг хатт ацыд ӕппӕтдунейон лабораторон куыст химийӕ
    © Sputnik / Наталья Айриян
  • Хуссар Ирыстоны фыццаг хатт ацыд  ӕппӕтдунейон лабораторон куыст химийӕ
    Хуссар Ирыстоны фыццаг хатт ацыд ӕппӕтдунейон лабораторон куыст химийӕ
    © Sputnik / Наталья Айриян
  • Хуссар Ирыстоны фыццаг хатт ацыд  ӕппӕтдунейон лабораторон куыст химийӕ
    Хуссар Ирыстоны фыццаг хатт ацыд ӕппӕтдунейон лабораторон куыст химийӕ
    © Sputnik / Наталья Айриян
1 / 3
© Sputnik / Наталья Айриян
Хуссар Ирыстоны фыццаг хатт ацыд ӕппӕтдунейон лабораторон куыст химийӕ
"Ацы аз 150 азы ӕххӕст кӕны химикон элементты периодикон системӕйы бакондыл. Россотрудничествойы минӕварад Хуссар Ирыстоны уадзы акци "Химикон лаборатори". Акци уагъд цӕуы викторинӕйы хуызы ӕмӕ райтынг кӕндзӕн зонӕдтӕм тырнындзинад, радзырдтой организатортӕ", - радзырдта Наталия Метревели.

Уый ма банысан кодта, сывӕллӕттӕн кӕй радтой фарстыты цыппар хайы, кӕцытыл уыдон хъуамӕ сдзуапп кодтаиккой.

"Куысты фӕуды фӕстӕ банымайдзыстӕм баллтӕ. Уӕлахиздзаутӕн ратдзыстӕм "Сыгъзӕрин лаборантты" дипломтӕ. Лабораторон куыст ауадзынӕн нын ӕххуыс кӕнынц химийы ахуыргӕнджытӕ", - банысан кодта методист.

Лабораторон куысты хайад райстой 25 скъоладзауы Цхинвалӕй, афтӕ ма Дзау ӕмӕ Знауыры районӕй. Акци ацыд скъола-интернаты бӕстыхайы Цхинвалы.

5