Владимир Путин сратификаци кодта Хуссар Ирмӕ ӕртаг ласыны протокол

Владимир Путин сратификаци кодта Хуссар Ирмӕ ӕртаг ласыны фӕдыл протокол

17
(ранӕуӕггонд 10:13 05.11.2019)
Протокол фӕхуымӕтӕг кодта уӕрӕсейаг ӕрдзон газӕй дарддӕр нефты продуктты ласыны процедурӕ

ЦХИНВАЛ, 5 ноя - Sputnik. Уӕрӕсейы президент Владимир Путин сратификаци кодта протокол Хуссар Ирыстонимӕ ӕхсӕнхицауадон бадзырдмӕ ӕртаг ласыны фӕдыл республикӕмӕ, ацы документ ныммыхуыр кодтой барадон информацийы официалон интернет-порталы.

Паддзахадон унитарон куыстуат Югосетнефтепродукт-ы ног ӕртаггӕнӕн станц
© Пресс-служба президента РЮО.

Протоколмӕ гӕсгӕ, Уӕрӕсейӕ Хуссар Ирыстонмӕ нефты продукттӕ ласыны рӕстӕджы таможнӕйон фиддонтӕй нӕ пайда кӕндзысты. Афтӕмӕй ӕрвылаз бӕрӕг кӕндзысты ахӕм ӕнӕфиддонон продукцийы бӕрцуат.

Бадзырды протокол бӕрӕг кӕны, Хуссар Ирыстоны территоримæ нефты продуктты экспорт цæудзæн æнæ периодикон рæстæгон таможнæйон декларацийæ. Протоколы реализаци райтынг кӕндзӕн базарадон-экономикон ӕмгуыстад Уӕрӕсе ӕмӕ Хуссар Ирыстоны хсӕн.

Таможнӕйон статистикӕмӕ гӕсгӕ, Уӕрӕсейӕ Хуссар Ирыстонмӕ 2017-2018 ӕзты экспорт скодтой 23,2 мин тонн нефты продукттӕ, кӕцыты иумӕйаг суммӕ уыд 20,5 милуан доллары. 2019 азы Хуссар Ирыстонмӕ иумӕйагӕй ӕрласдзысты 8 мин тонн Аи-92 маркӕ бензин – дизелон ӕртаг та 1,1 мин тонн.

17
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

2
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

2
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

2
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

2