Хуыбылты Валерий

"Хъуыды йæ кæнын стыр æмæ тыхджынæй": куыд мысынц Хубулы йе ʻмгæрттæ æмæ фырт

23
(ранӕуӕггонд 10:24 07.11.2019)
Хуыбылты Валерийы тыххæй сæ мысинæгтæ Sputnik радзырдтой йæ фырт Сослан, йе мгæрттæ Шадян Вадим æмæ Бестауты Бала

ЦХИНВАЛ, 6 ноя — Sputnik, Плиты Фатимæ. Хуссар Ирыстоны æртыццæджы мысынц бæстæйы ирддæр гоймагтæй иу Хуыбылты Валерийы рухс ном. Уымæн æртын дыууæ азы уыд æгъгъæд, цæмæй йæхицæн скæна уæлæрдзон æнæкъæм адæймаджы фæлгонц.

Хъайтары ном хæссынц столицæйы парк, гимнази æмæ уынг. Æрвылаз йæ райгуырæн бон йæ ингæнмæ ссæуынц æввахс æмгæрттæ æмæ бинонтæ.

"Авд аз мыл цыд уæд, мæ фыды бахъуыды кодтон стыр æмæ тыхджынæй. Мæ царды æдзух дæн уыимæ абарсты уæзы бын", - загъта Sputnik Хуыбылты Валерийæн йæ фырт Сослан.

Æдзард хъайтарыл дыццæджы, 6 ноябры сæххæст уыдаид 53 азы. Хуыбылты Валерийы мæнгардæй амардтой Дзæуджыхъæуы уынгтæй иуыл 21 азы размæ. Хубул историмæ бацыд куыд Хъахъхъæнынады министрады бындурæвæрджытæй иу, Гуырдзыстоны агрессийы ныхмæ активон тохгæнæг, Абхазы хæсты архайæг æмæ дзырддзæугæ политик, æнтыст ын скъуыддзаг кæнын канд мидæггагон проблемæтæ нæ, фæлæ цæгаткавказаг хъаугъатæ дæр.

"Афтæ цæсгомджын, сыгъдæг æмæ намысджын уыд æмæ мын зын у ныхæстæй йæ бамбарын кæнын. Хатгай-иу хъуыды  кодтон – æцæг Хуыцау ахæм æнæкъæм адæймаджы сфæлдыста. Йæ бон æнæраст хъуыддаджы иувæрсты ацæуын нæ уыд", - мысы йæ æмгар Вадим Шадян.

Йæ хæлар ма мысы Хуыбылты Валерий æрвылбон дæр архайдта Ирыстоны хæрзæбонæн. Дыууæ лæппуйы базонгæ кодтой 90 æзты Хуссар Иры змæстытæ. Вадим Шадяны цæсты Хуыбылты Валерий бахаудта Транскамы трассайыл проблематæ скуыддзаг кæнгæйæ.

Хуыбылты Валерий
Пресс-служба Минобороны РЮО

"90-æм æзты Уанелы лæсæн куы рцыд, уæд уыдыстæм фæндагыл. Валера та Хуссар Ирмæ ласта уæд хæцæнгарз. Тæрккъæвда уыд, не ʻппæт дæр бадтыстæм хæдтулгæты. Уалынмæ уый иунæгæй рахызт машинæйæ, хуызæй æмæ асæй дæр хауд цæсты. Алчидæр æнхъæл уыд зæй арфдæр кæй у, уый къахæй цыд æмæ фæндаггонтæн къухæй æвдыста ацæуæн дзы кæй ис. Ахæм миниуджытæй конд уыд Валера - къуымаутæй агуырдта фæндаг", - мысы йе ʻмгар.

Йæ аннæ æмгар Бестауты Бала нымайы, цæрын йæ куы бауагътаиккой, уæд Ирыстонæн сарæзтаид тынг бирæ.

"Политикæйы æмæ Ирыстоны сæрибардзинадæн сарæзта æнæкæрон бирæ, фæлæ ма йæ уымæй дарддæр фæндыд скусын кæнын æрзæткъахæнтæ, саразын æрмадзтæ. Тынг бирæ йæ фæндыд саразын, нæ йæ бауагътой цæрын", - загъта Sputnik Бестауты Бала.

23
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1