Ирон театр

Æххæст аншлаг: "Фатима" равдыстой фестиваль "Сцена без границ"-ы

58
(ранӕуӕггонд 13:34 07.11.2019)
Театры аивадон къухдариуæггæнæг Дзудцаты Тамерланы ныхæстæм гæсгæ, сæ равдысты адæмæй къухбавæрæн дæр нæ уыд

ЦХИНВАЛ, 7 ноя — Sputnik, Плиты Фатимæ. Хетӕгкаты Къостайы номыл Хуссар Ирыстоны паддзахадон драмон театр бавдыста Цӕгат Кавказы националон театрты IX ӕхсӕнадӕмон фестиваль "Сцена без границ"-мӕ спектакль "Фатима". Трагедийы æвæрæг-режиссер, театры аивадон къухдариуæггæнæг Дзудцаты Тамерланы ныхæстæм гæсæ, равдыст ацыд æххæст аншлагимæ.

Фестиваль цæуы Дзæуджыхъæуы, балхынцъ уыдзæн æстæм ноябры. Паддзахадон драмон театр у ацы культурон мадзалы æдзух архайæг, хицæн æзты фæхайджын ис фестивалы сæрмагонд призтæй дӕр.

"Фатима"-йы хуызæн аншлагимæ никæцы спектакль ацыд, хъазыд йæ дыккаг сконд, кæсæг уыд зæрдæскъæфты. Залы къухбавæрæн нæ уыд. Хатдзæгтæ уыдзысты 8 ноябры, æнхъæлмæ кæсæм фестивалы кæронмæ", - загъта Дзудцаты Тамерлан.

Фестивалы архайынц Цæгат Кавказы республикæты театртæ, стæй ма Абхаз æмæ Хуссар Иры сфæлдыстадон коллективтæ. Мадзалы фæлгæтты уыдзӕн фембæлд ирон режиссер Гуæцæлты Маратимæ æмæ мастер-класстæ зындгонд ирон режиссер Сæлбиты Акимæй.

Цӕгат Кавказы националон театрты IX ӕхсӕнадӕмон фестиваль "Сцена без границ" аразынц Уæрæсейы æмæ Цæгат Ирыстоны культурæйы министрадтæ.

58
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

7
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

7

КТ

Компьютерон томограф Цхинвалы скусдзӕн цыппӕрӕмы

3
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

3