Хуссар Иры дарддӕр уагъд цӕуы вакцинаци гриппы ныхмӕ

Хуссар Иры дарддӕр уагъд цӕуы вакцинаци гриппы ныхмӕ

19
(ранӕуӕггонд 16:13 07.11.2019)
Ӕнӕниздзинад хъахъхъӕнынады министрады банысан кодтой, гриппӕй рынчынкӕнынады иууыл хуыздӕр рагфӕдзӕхст у вакцинаци

ЦХИНВАЛ, 7 ноя - Sputnik. Хуссар Ирыстоны дарддӕр уагъд цӕуы вакцинаци гриппы ныхмӕ, кӕцыйы нысаниуӕг у фӕкъаддӕр кӕнын рынчынкӕнынад, хъусын кӕны республикӕйы Ӕнӕниздзинад хъахъхъӕнынады министрады пресс-службӕ.

Профилактикон прививкӕты националон къӕлиндары фӕлгӕтты 1 ноябрмӕ гриппы ныхмӕ вакцинӕтӕ сарӕзтой 4,5 мин адӕймаджы, сӕ нымӕцы 1,8 мин сывӕллоны.

Прививкӕ гӕнӕн ис саразын Республикон бирӕпрофилон медицинон центры амбулаторон-поликлиникон центры, Сывӕллӕтты рынчындоны поликлиникон хайады ӕмӕ республикӕйы централон районон рынчындӕтты поликлиникон хайӕдты.

Ӕнӕниздзинад хъахъхъӕнынады министрады банысан кодтой, гриппы вирустӕ иудадзыг кӕй мутаци кӕнынц ӕмӕ вакцинаци хъӕуы аразын ӕрвылаз.

Афтӕ ма министрады бахахх кодтой, гриппӕй уӕлдай хи хизын хъӕуы хистӕр адӕмы, сывӕллӕтты ӕмӕ адӕмы, кӕцытӕ рынчын сты алыгъуызон низтӕй, куыд астма, диабет ӕмӕ ӕндӕртӕ.

Рынчынкӕнынад ӕмӕ вакцинацийы кампанийы уавӕр ис министрады цӕстдарды бын, бафтыдтой пресс-службӕйы.

19
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1