Слестгæнæн изолятор

Цхинвалы æрцахстой дуканийæ æхца адавæджы

20
(ранӕуӕггонд 14:04 08.11.2019)
Нæлгоймаг басаст йæ фыдракæндыл, уымæ æнхъæлмæ кæсы дыууæйæ æхсæз азы онг ахæстоны баконд

ЦХИНВАЛ, 8 ноя – Sputnik, Козаты Диана. Хуссар Ирыстоны барадхъахъхъæнæг органтæ бакодтой уголовон хъуыддаг Цхинвалы цæрæджы ныхмæ, кæцы адавта столицæйы дуканитæй иуы, фехъусын кодта МХМ пресс-службæйы хистæр Бестауты Вида.

Фыдракæнд арæзт æрцыд 2 ноябры æхсæвы. Зианбаййафæджы ныхæстæм гæсгæ, къæрныхтæ бабырыдысты дуканимæ æмæ дзы адавтой 150 мин сомы.

"Оперативон-сгарæн мадзæлтты рæстæджы милицийы кусджытæ рабæрæг кодтой æмæ æрцахстой ацы фыдракæнды зæрдæхсайгæ адæймаджы. Уый разынд Цхинвалы 45-аздзыд цæрæг, кæцы ма раздæр дæр арæзта ахæм фадракæндтæ", - загъта Бестауты Вида.
Житель Цхинвала, задержанный за кражу денег из магазина
Пресс-служба МВД РЮО
Цхинвалы æрцахстой дуканийæ æхца адавæджы

Нæлгоймаджы бакодтой рæстæгмæдарæн изоляторы.

Пресс-службæйы хистæр банысан кодта, уый кæй басаст йæ фыдракæндыл, адавгæ æхцатæ та радтой сæ хицауæн.

МХМ слестгæнæн управлени бакодта уголовон хъуыддаг адавды фæдыл. Фыдгæнæгмæ æнхъæлмæ кæсы дыууæйæ æхсæз азы онг ахæстоны баконд. 

20
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

2
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

2
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

2
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

2