Президент балæвар кодта Мидхъуыддæгты министрады дæлхайæдтæн ног хæдтулгæтæ

Президент балæвар кодта Мидхъуыддæгты министрады дæлхайæдтæн ног хæдтулгæтæ

21
(ранӕуӕггонд 13:51 08.11.2019)
Хуссар Ирыстоны сæргълæууæг банысан кодта, мидхъуыддæгты министрады кусджытæ æнтыстджынæй кæй æххæст кæнынц сæ размæ лæууæг хæстæ æмæ ацы аз фыдракæндты нымæц кæй фæкъаддæр

ЦХИНВАЛ, 8 ноя - Sputnik. Хуссар Ирыстоны президент Бибылты Анатолий радта ног автотранспорты дæгъæлтæ мидхъуыддæгты министрады дæлхайæдтæн, хъусын кæны бæстæйы сæргълæууæджы пресс-секретарь Гасситы Дина.

Бибылта Анатолий банысан кодта, кæй фæхуыздæр сты техникон фадæттæ æмæ барадхъахъхъæнæг органты куысты эффективондзинад.

"Абон республикæйы фæтк хъахъхъæнынад иууылдæр æвæрд ис уæ уæхсджытыл. Фæнды мæ банысан кæнын, уæ хæстæ хорз кæй æххæст кæнут. Ацы аз фæкъаддæр фыдракæндтæ æмæ фæткхæлдты нымæц. Ныфс мæ ис, уæ тох фыдгæнджытимæ дарддæр дæр кæй уыдзæн фæстиуæгджын", - банысан кодта президент.

Бибилов вручил ключи от нового автотранспорта МВД Южной Осетии
© Пресс-служба президента РЮО.
Президент балæвар кодта Мидхъуыддæгты министрады дæлхайæдтæн ног хæдтулгæтæ

Мидхъуыддæгты министр Наниты Игорь бузныг загъта президентæн йе 'ххуысы тыххæй уагдонæн æмæ банысан кодта, ног автотранспортæй кæй пайда кæндзысты сæ службæйон хæслæвæрдтæ æххæст кæнынæн.

21
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1