Хуссарирыстойнаг коньяк райдайдзысты ласын Уæрæсемæ

© Sputnik / Ramil SitdikovБокалы на винодельческом заводе
Бокалы на винодельческом заводе - Sputnik Хуссар Ирыстон
Рафыссын
Компани "Сӕндуцӕн Иронсӕн" йæ карз нозты фæлварæн партийы экспорт фæнд кæны срæвдз кæнын азы кæрон . Фыццаг уал уæрæсеаг базар сæттынмæ ацæудзæн "Аланский резерв", уый фæстæ та "Цард"

ЦХИНВАЛ, 13 ноя — Sputnik, Плиты Фатимæ. Хуссарирыстойнаг компани "Сӕндуцӕн Иронсӕн" райдайдзæн йæ коньякы продукцийы фæлварæн партийы экспорт Уæрæсемæ, фехъусын кодта Sputnik компанийы генералон директор Алекей Цопанов.

"Ацы мæй сцæттæ уыдзæн фыццаг фæлварæн парти æмæ йæ арвитдзыстæм Уæрæсемæ. Нырма уал срæвдз кодтам фыццаг хуыз – сери "Аланский резерв"-ы рауагъдад. Коньяк балхæнæн уыдзæн бынæттон базары дæр", - загъта Алекей Цопанов.

Уый ма банысан кодта, коньяк арæзт цæуы классикон технологимæ гæсгæ.

Присаг сæндуцæг радзырдта, куыд аразы йæ шампайнаг сæн - Sputnik Хуссар Ирыстон
Присаг сæндуцæг радзырдта, куыд аразы йæ "шампайнаг" сæн

"Хомæг у сæн, стæй ма йæ гъæдыл бандавы тулдзы ад. Коньяк уыдзæн æртæ æмæ фондзазон", - бафтыдта уый.

Компанийы разамонæджы ныхæстæм гæсгæ, фæстæдæр сæм фæзындзæн ног лини "Цард" дæр.

Хуссарирыстойнаг компани "Сӕндуцӕн Иронсӕн" нырмæ уагъта цалдæр хуызы сæн. Азы фыццаг хай йæ сæны продукцийы 300 мин авг "Аланский резерв", "Цард", "Арвы дуар" æмæ "Бурсамдзел" ацыд Уæрæсемæ. Сæнуадзæн заводæн бындур æвæрд æрцыд 2017 азы. Амалиуæгады кусы 30 адæймаджы бæрц. Ацы аз завод райста сæнæфсир цæрджытæй дæр.

© Винодельня "Ирон сан"Коньяк "Аланский резерв"
Хуссарирыстойнаг коньяк райдайдзысты ласын Уæрæсемæ - Sputnik Хуссар Ирыстон
Коньяк "Аланский резерв"
Ног хабӕртты лентӕ
0