Хуссар Иры парламенты сесси ӕрурӕдтой министртӕн ӕнӕууӕнчы вотум рахӕссы фарсты тыххӕй

© Sputnik / Наталья АйриянРХИ парламенты сесси
РХИ парламенты сесси - Sputnik Хуссар Ирыстон
Рафыссын
Фракци "Ныхас"-ы депутаттӕ ӕрдомдтой бахӕссын боны фӕткмӕ МХМ ӕмӕ Юстицийы министрады сӕргълӕуджытӕн ӕнӕууӕнчы вотум рахӕссыны фарст. Парламенты спикер уыйимӕ не сразы ис закондӕттӕг органы регламентыл ӕнцойгӕнгӕйӕ

ЦХИНВАЛ, 15 ноя - Sputnik, Хъуылымбегты Елена. Хуссар Ирыстоны парламенты рабадт майрӕмбоны ӕрурӕдтой спикер ӕмӕ депутатты къорды ныхмӕдзырды тыххӕй.

Тадтаты Алан - Sputnik Хуссар Ирыстон
Парламенты спикер загъта йӕ хъуыды дыууӕ министрӕн ӕнӕууӕнчы вотум рахӕссыны тыххӕй

Октябры депутатты къорд бадзырдта спикер Тадтаты Аланмӕ Мидхъуыддӕгты министрад (МХМ) ӕмӕ Юстицийы министрады сӕргълӕуджытӕн – Наниты Игорь ӕмӕ Лалыты Зӕлинӕйӕн ӕнӕууӕнчы вотум рахӕссыны фӕдыл цхинвайлаг рӕстмӕгӕнӕн колонийы цауы тыххӕй. Фӕстӕдӕр парламенты президиум ӕркаст ацы куырдиатмӕ ӕмӕ аскъуыддзаг кодта ма рахӕссын фарст сессимӕ. Иннӕ бон депутаттӕ парламентон сессийы рабадтыл аивтой президиумы скъуыддзаг.

Абоны рабадтыл Фракци "Ныхас"-ы депутат Санахъоты Давид банхъардта бахӕссын боны фӕткмӕ ноджы дыууӕ фарсты, кӕцытӕ баст сты министртӕн ӕнӕууӕнчы вотум рахӕссынимӕ.

Спикер банысан кодта, законмӕ гӕсгӕ ацы фарст нӕй гӕнӕн рахӕссын сессийы рабадтмӕ дыккаг хатт.

"Ацы фарсты фӕдыл ис РХИ парламенты уынаффӕ РХИ парламенты президиумы скъуыддзаг аивыны фӕдыл, кӕцы баст уыд РХИ дыууӕ министрӕн ӕнӕууӕнчы вотум рахӕссынимӕ. Депутаттӕ схъӕлӕс кодтой ацы уынаффӕ райсыныл, ӕмӕ уынаффӕмӕ гӕсгӕ мӕнӕн мӕ бон нӕу рахӕссын ацы дыууӕ фарсты сессийы рабадтмӕ", - загъта Тадтаты Алан.

Парламенты спикер бадзырдта депутаттӕм, цӕмӕй сӕ куырдиат саразой законмӕ гӕсгӕ – уӕд закондӕттӕг органӕн бар нӕ уыдзӕн аиуварс кӕнын сӕ куырдиат.

Ацы фарстыл ӕрныхасы рӕстӕджы депутаттӕ ракуырдтой 15-минутон фӕурӕд, цӕмӕй ногӕй ӕркӕсой президиум ӕмӕ сессийы уынаффӕты тексттӕм, фӕлӕ фӕурӕды фӕстӕ уыдон рабадтмӕ нал ӕрбацыдысты.

Парламенты спикер ӕрсидт депутаттӕм кусын иумӕ цӕрджыты ӕрвылбонон проблемӕтыл.

Ног хабӕртты лентӕ
0