Ирон кафт

Националон кафты аивад: Хуссар Иры фӕуд кӕны телепроект "Кафт"

25
(ранӕуӕггонд 14:30 16.12.2019)
Телеуынынадон конкурс националон кафтытӕй "Кафт" райдыдта Хуссар Ирыстоны иу мӕйы размӕ – ӕвзарӕн этапы хайад райстой сӕдӕ адӕймагӕй фылдӕр

ЦХИНВАЛ, 15 дек - Sputnik, Плиты Фатимӕ. Цхинвалы фӕуд кӕны ПТРК "Ир"-ы телеуынынадон конкурс "Кафт". Конкурсы рӕстӕджы сбӕрӕг кодтой 12 ӕрдӕгфиналистты 18-ӕй, фехъусын кодта проекты автортӕй иу Мамиты Григорий.

Телеуынынадон конкурс "Кафт" райдыдта Хуссар Ирыстоны иу мӕйы размӕ, сӕ курдиат равдисын бафӕлвӕрдтой сӕдӕ адӕймагӕй фылдӕр, уыдонӕй ӕвзарӕн этап ахызтысты се ‘рдӕгӕй цъусдӕр.

Конкурсон алӕвӕрдтӕ цӕудзысты эфиры Ног азы онг, уӕлахиздзауы ном рабӕрӕг уыдзӕн 28 декабры. Иууыл хуыздӕр кафӕг райсдзӕн приз – 100 мин сомы.

Сывӕллӕттимӕ кусынц паддзахадон ансамбль "Симд"-ы кусджытӕ Хуыгаты Диана, Санахъоты Жанна ӕмӕ Чилӕхсаты Георгий. Жюрийы сконды сты зындгонд хореографтӕ – Ӕлборты Гемир, Быценты Геннадий, Тедеты Валентина ӕмӕ Медея Гугутишвили.

"Чысыл арӕнӕвӕрдтӕ ис ӕрмӕг равзарыны – ралӕуд хъуамӕ баст уа националон культурӕ ӕмӕ хореографиимӕ, фӕлӕ уый ӕнӕмӕнг хъуамӕ симд ӕмӕ хонгӕ ма уа. Ахуыргӕнджыты хӕслӕвӕрд у рауӕрӕх кӕнын сывӕллӕтты курдиат, сахуыр сӕ кӕнын ӕмбарын кафты мидис ӕмӕ ма тӕрсын камерӕтӕ ӕмӕ кӕсджытӕй", - радзырдта Sputnik Мамиты Григорий ӕмӕ бафтыдта, призтӕ кӕй райсдзысты финалисттӕ иууылдӕр.

Телеуынынадон конкурс реализаци цӕуы националон телеуынынады базӕйыл, проекты автортӕ сты Бестауты Юлия ӕмӕ Мамиты Григорий.

25
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

3
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

3
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0