Дзауаг скъоладзаутӕ равдыстой хӕрзаудӕн концерт ацӕргӕ иунӕг адӕмӕн

Дзауаг скъоладзаутӕ равдыстой хӕрзаудӕн концерт ацӕргӕ иунӕг адӕмӕн

27
(ранӕуӕггонд 15:17 17.12.2019)
Зарджытӕ ӕмӕ кӕфтытӕ, цымыдисон хиирхӕфсӕн программӕ тынг фӕцыдысты центры цӕрджыты зӕрдӕмӕ, уыдон фыр цинӕй сӕ цӕстысыгтӕ дӕр нӕ урӕдтой

ЦХИНВАЛ, 17 дек – Sputnik, Годжысаты Анна. Хуссар Ирыстоны Дзауы поселочы астӕуккаг скъолайы ахуырдзаутӕ ауагътой хӕрзаудӕн концерт Цхинвалы Медико-социалон центры цӕрджытӕн. Сывӕллӕттӕ сӕххӕст кодтой зарджытӕ ӕмӕ кӕфтытӕ, районы сӕргълӕууӕджы номӕй байуӕрстой ацӕргӕ адӕмӕн лӕвӕрттӕ, фехъусын кодтой Sputnik администрацийы пресс-службӕйы.

"Зарджытӕ ӕмӕ кӕфтытӕ, цымыдисон хиирхӕфсӕн программӕ тынг фӕцыдысты центры цӕрджыты зӕрдӕмӕ, уыдон фыр цинӕй сӕ цӕстысыгтӕ дӕр нӕ урӕдтой, ӕмдзӕгъд кодтой скъоладзаутӕн. Сывӕллӕттӕ фыццах хатт уыдысты ахӕм бынаты,  фыццаг хатт федтой царды ацы фарс, уый та сӕ уазалӕнгасӕй нӕ ныууагъта", - радзырдта агентады дзырдӕмбал.Пресс-службӕйы ма банысан кодтой, сывӕллӕтыл тынг кӕй фӕцин кодтой куыд центры цӕрджытӕ, афтӕ персонал дӕр.

"Рӕзгӕ фӕлтӕртӕ ахӕм мадзӕлтты хайад куы исой, уӕд уый хорзӕрдӕм ӕндавы сӕ монон-фӕткӕвӕрдон хъомыладыл. Уыдон сӕ цайдагъ кӕнынц химӕ бӕрндзинад исын ӕмӕ тӕригъӕд кӕныныл. Ирыстоны кӕдфӕнды дӕр стыр кад кодтой хистӕртӕн, фӕлӕ, хъыгагӕн, дуг ивы ӕмӕ бирӕтӕ сӕ ныййарджыты дӕр ферох кӕнынц", - бафтыдтой пресс-службӕйы.
Благотворительный концерт в медико-социальном центре
Пресс-служба Дзауского района
Дзауаг скъоладзаутӕ равдыстой хӕрзаудӕн концерт ацӕргӕ иунӕг адӕмӕн

Хуссар Иры зæрæтты хæдзар 2019 азы уалдзæджы  рацарæзтой Хуссар Иры медико-социалон центрмæ, ног статусимæ объект райста ног бæстыхай дæр. Иунæг æмæ низæфхæрд адæмы ног хæдзар æрбынат кодта столицæйы цæгатфарс микрорайонтæм хæстæг.

27
Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

Хуссар Иры ӕрцахстой арӕнсӕттӕджы Гуырдзыстонӕй ӕмӕ йӕ бакодтой карантины

4
(ранӕуӕггонд 16:01 10.07.2020)
Республикӕйы ПӔК Арӕнгӕрон службӕ ӕрцахста Гуырдзыстоны Горийы муниципалитеты цӕрӕджы къуырийы размӕ, радзырдтой комитеты

ЦХИНВАЛ, 10 июл - Sputnik. Хуссар Ирыстоны ӕрцахстой Гуырдзыстонимӕ арӕн фехалӕджы, нӕлгоймаджы бакодтой карантины, хъусын кӕны республикӕйы Паддзахадон ӕдасдзинады комитеты (ПӔК) пресс-службӕ.

Горийы муниципалитеты Меджврисхевийы хъӕуы цӕрӕджы ӕрцахстой арӕн хъахъхъӕнджытӕ Хуссар Ирыстоны паддзахадон арӕны режим фехалыны тыххӕй майрӕмбоны, 3 июлы, республикӕйы Цхинвалы районы цӕрӕг пункт Адзысӕры цур.

"Ныртӕккӕ арӕнсӕттӕджы сизоляци кодтой ӕмӕ йӕ арвыстой карантинмӕ, цӕмӕй ма ’руадзой коронавирусы апарахат", - банысан кодтой Паддзахадон ӕдасдзинады комитеты пресс-службӕйы.

Уагдоны бафтыдтой, Арӕнгӕрон службӕ кӕй уадзы равзӕрстытӕ ацы цауы фӕдыл.

4
Гӕн

Хуссар Ирыстоны цӕрӕг йӕ цӕхӕрадоны зайын кодта наркотикон кӕрдӕджытӕ

6
(ранӕуӕггонд 13:48 10.07.2020)
Гӕн ӕмӕ зырзыраджы 200 къутӕры ссардӕуыд Залдайы хъӕуы цӕрӕджы цӕхӕрадоны. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй

ЦХИНВАЛ, 10 июл - Sputnik. Хуссар Ирыстоны Залдайы хъӕуы 52-аздзыд цӕрӕджы цӕхӕрадоны ссардӕуыд наркотикон зайӕгойты - гӕн ӕмӕ зырзыраджы къутӕртӕ.

Территори басгӕрстой Цхинвалы районы милицийы  ӕмӕ наркотикон буарӕдтӕм хъусдарды хайады кусджытӕ, хъусын кӕны республикӕйы МХМ.

"Басгӕрсты рӕстӕджы оперативон кусджытӕ ссардтой ӕмӕ скуынӕг кодтой гӕны 34 къутӕры ӕмӕ зырзыраджы 164 къутӕры", - дзырдӕуы хъусинаджы.

Зӕрдӕхсайгӕ нӕлгоймаджы архӕйдтытӕ хауынц УФ УК 231 статьяйы 1-аг хаймӕ. Нӕлгоймаг ма раздӕр дӕр уыд ахст бабырст ӕмӕ хӕцӕнгарз ӕнӕзакононӕй дарыны тыххӕй. Уымӕ ныр ӕнхъӕлмӕ кӕсы уголовон бӕрндзинад.

Цауы тыххӕй ӕрмӕджытӕ ӕрвыст ӕрцыдысты Хуссар Иры МХМ слестгӕнӕн управленимӕ.

6
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0