Рӕстмӕгӕн колони

Юстицийы министр радта ног хӕслӕвӕрдтӕ ахӕстоны кусджытӕн

22
(ранӕуӕггонд 14:32 19.12.2019)
Хуссар Ирыстоны Юстицийы министрады сӕргълӕууӕг ауагъта рабадт рӕстмӕгӕнӕн колонийы кусджытимӕ, кӕцытӕ радзырдтой ахӕстоны уавӕры тыххӕй ӕмӕ райстой ног хӕслӕвӕрдтӕ уагдоны сӕргълӕууӕгӕй

ЦХИНВАЛ, 19 дек - Sputnik. Хуссар Ирыстоны юстицийы министр Лалыты Зӕлинӕ бахӕс кодта Цхинвалы ахӕстоны радгӕстӕн рацӕуын медицинон басгӕрст сӕ сменӕйы размӕ ӕмӕ йӕ фӕстӕ. Ахӕм мадзӕлттӕ уагъд цӕуынц, цӕмӕй ахӕсттӕм ма бахауой тобӕгонд буарадтӕ.

Афтӕ ма Лалыты Зӕлинӕ бахӕс кодта иудадзыг уадзын ныхас барадон фӕткты фӕдыл ахӕсттимӕ.

Уагдоны пресс-службӕ куыд хъусын кӕны, афтӕмӕй рӕстмӕгӕнӕн колонийы хайӕдты хистӕртӕ хыгъдлӕвӕрд радтой министрӕн къуырийы хатдзӕгты тыххӕй ӕмӕ бахахх кодтой, ацы период ахӕстоны сгарӕн мадзӕлттӕ кӕй нӕ уагътой. Нысангонд ӕрцыд, видеоцӕстдарды камерӕтӕ рӕстмӕгӕнӕн колонийы кӕй дӕттынц хорз фӕстиуджытӕ.

Ахӕстоны кусджытӕ бафтыдтой, зӕгъгӕ, цыбыр ӕмгъуыдмӕ кӕрӕдзифенды фатерты дӕр сӕвӕрдтой камерӕтӕ, авг ӕмӕ мидӕггагон телефон, кӕцыйы руаджы ахӕсттӕ ныхас кӕндзысты сӕ хиуӕттимӕ.

Юстицийы министрады рӕстмӕгӕн колонийы хистӕр Мӕргъиты Отар хатдзӕгтӕ скодта уагдоны куыстӕн ӕмӕ йын саргъ кодта куыд стабилон.

22
Хуссар Иры фæсивæдон организаци уарынц газет Правда -йы номыртæ æмæ Георгийы лентæтæ

Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"

7
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы

ЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".

"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.

Акци нæ республикæйы уагъд цæуы 2017 азæй.

Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.

"Газета Победы"-йы  уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.

Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.

7
Цхинвалы ацӕудзӕн ветренатӕн хисӕрмагонд парадтӕ

Цхинвалы ацӕудзӕн хисӕрмагонд парадтӕ ветренатӕн

15
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты раз

ЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.

Хисӕрмагонд парадтӕ ацӕудзысты сӕйраг парады генералон репетициимӕ иу бон.

"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.

Хисӕрмагонд парадтӕ ацӕудзысты Цхинвалы дыууӕ уынгтыл.

"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.

Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.

15
Харебаты Вадим

Харебаты Вадим: ныффыстон бирæ ног зарджытæ

13
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

13
Темӕтӕ:
Радио иронау