Хуссар Иры президент æрдзырдта ветеранты проблемæтыл змæлд Адæмы ныфс-ы уæнгтимæ

Хуссар Иры президент æрдзырдта ветеранты проблемæтыл змæлд "Адæмы ныфс"-ы уæнгтимæ

20
(ранӕуӕггонд 11:56 14.01.2020)
Ветеранты санаторон-курортон хоскæнынад æмæ иунæг чырон операторы æвзæр тарифон политикæйыл æруынаффæ кодтой паддзахады сæргълæууæг æмæ æхсæнадон организацийы уæнгтæ

ЦХИНВАЛ, 14 янв - Sputnik. Хуссар Ирыстоны президент Бибылты Анатолий æрдзырдта  ветераны санаторитæм æрвитыны уавæртæ æмæ æндæр актуалон фарстытыл æхсæнадон организаци "Адæмы ныфс"-ы уæнгтимæ.Уый тыххæй хъусын кæны бæстæйы сæргълæууæджы пресс-службæ.

Змæлды сконды сты 1989-1992 æзты хæстон архæйдтыты ветерантæ, политологтæ, Хуссар Иры æхсæнады минæвæрттæ. Йæ сæргълæууæг Гæджиты Радик куыд банысан кодта, афтæмæй "Адæмы ныфс" æххуыс кæны республикæйы цæрджытæн сæ проблемæтæ скъуыддзаг кæныны хъуыддаджы.

"Мах дзурæм æмæ тырнæм нæ фадæттæм гæсгæ скъуыддзаг кæнын не 'мбæстæгты проблемæтæ. Не змæлды сты адæм, кæцытæ тох кодтой Хуссар Ирыстоны сæрибардзинадыл", - загъта уый.

Фембæлды рæстæджы Бибылты Анатолий фехъусын кодта, кæй фæзынд фадат æрвылмæй дæр фондз ветераны санаторон-курортон хоскæнынадмæ æрвитынæн. Президент бамбарын кодта, уыцы фадат кæй фæзынд, "кæддæр æнæпроцентон кредиттæй цы фæрæзтæ фæистой адæм, уыдон раздахыны руаджы".

Паддзахады сæргълæууæджы ма бафарстой "Остелеком"-ы тарифон политикæйы проблемæйæ. Уый банысан кодта, æввахс рæстæджы кæй ацæудзæн йæ фембæлд компанийы къухдариуæгад æмæ йæ акционертимæ, цы ран æруынаффæ кæндзысты ног тарифон æмæ аргъон политикæйыл. 

  • Хуссар Иры президент æрдзырдта ветеранты проблемæтыл змæлд Адæмы ныфс-ы уæнгтимæ
    Хуссар Иры президент æрдзырдта ветеранты проблемæтыл змæлд "Адæмы ныфс"-ы уæнгтимæ
    © Пресс-служба президента РЮО.
  • Хуссар Иры президент æрдзырдта ветеранты проблемæтыл змæлд Адæмы ныфс-ы уæнгтимæ
    Хуссар Иры президент æрдзырдта ветеранты проблемæтыл змæлд "Адæмы ныфс"-ы уæнгтимæ
    © Пресс-служба президента РЮО.
  • Хуссар Иры президент æрдзырдта ветеранты проблемæтыл змæлд Адæмы ныфс-ы уæнгтимæ
    Хуссар Иры президент æрдзырдта ветеранты проблемæтыл змæлд "Адæмы ныфс"-ы уæнгтимæ
    © Пресс-служба президента РЮО.
  • Хуссар Иры президент æрдзырдта ветеранты проблемæтыл змæлд Адæмы ныфс-ы уæнгтимæ
    Хуссар Иры президент æрдзырдта ветеранты проблемæтыл змæлд "Адæмы ныфс"-ы уæнгтимæ
    © Пресс-служба президента РЮО.
1 / 4
© Пресс-служба президента РЮО.
Хуссар Иры президент æрдзырдта ветеранты проблемæтыл змæлд "Адæмы ныфс"-ы уæнгтимæ

Бибылты Анатолий ма бузныг загъта организацийы минæвæрттæн сæ куысты тыххæй. 

"Уырны мæ, уæ куыст кæй у хуссарирыстойнаг æхсæнады хæрзæбонæн. Уæлдай бузныг змæлды уæнгтæн, кæцытæ республикæйæн уæззау рæстæджыты хъахъхъæдтой йæ сæрибардзинад", - загъта уый.

Фембæлды рæстæджы ма дзырд цыд политикон æмæ социалон фадгуыты актуалон проблемæтыл.

 

20
Цхинвалы авд уынгыл цæуынц цалцæггæнæн куыстытæ

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

8
(ранӕуӕггонд 13:21 04.08.2020)
Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ

ЦХИНВАЛ, 4 авг – Sputnik, Дриаты Лейла. Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты ацы аз Цхинвалы цы аст уынджы хъуамӕ ӕрцӕуой цалцӕг, уыдонӕй авдыл ныртӕккӕ активонӕй уагъд цӕуынц куыстытӕ

Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ.

"Авд уынгыл активонæй кусынц зæххы бын коммуникацитæ ивыныл. Газы хæтæлтæ ивыныл кусы паддзахадон унитарон куыстуат "Энергоресурс", доны æмæ канализацийы хæххытæ ивыныл та – "Водоканал", - банысан кодта Гаглойты Сергей.

Цхинвалы Белинскийы уынджы ныртæккæ аразджытæ кусынц газ уадзыныл, магистралон трубæтæ æвæрыны фæдыл куыстытæ æххæст æрцыдысты 75 процентæй. Доны æмæ канализацийы фæдыл куыстытæ та – 80 процентæй.

"Газуадзæн куыстытæ ныртæккæ фесты Хъайтарты æмæ Кимы уынгты. Ныртæккæ Кимы уынджы цæуынц хæрзарæзтадон куыстытæ – калынц ыл ставд цъæлдур æмæ лыстæг хуырдур. Тротуарты та цæттæ кæнынц плиткæ сæвæрынмæ. Табуйы фырты уынджы уадзынц магистралон газы хахх, хæдзæрттæм бауагътой газ, æвæрд цæуынц газнымайæнтæ. Æвæрд æрцыдысты магистралон канализацион трубæтæ дæр æмæ аразджытæ хæдзæрттæм уадзынц канализацион æмæ донуадзæн хæххытæ", - ранымадта Гаглойты Сергей.

Йæ ныхæстæм гæсгæ, Революцийы уынджы дæр цæуынц газуадзæн куыстытæ, фæуд кæны канализацион хахх, кусынц доны хахх уадзыныл æмæ цъайтæ аразыныл дæр.

Базарадон уынджы æвæрынц магистралон газуадзæн, газ уадзынц хæдзæрттæм, æвæринаг ма сты газынымайæнтæ, доны æмæ канализацийы фæдыл куыстытæ фесты.

Нæузæххонты уынджы фæуд кæнынц газуадзæн куыстытæ, монтаж кæнынц газрегуляторгæнæн пункттæ. Куыст цæуы дон æмæ канализацийы хæххытæ хæдзæрттæм уадзыныл.

Гаглойты Сергей ма куыд зæгъы, афтæмæй Плиты Ароны уынджы дæр аразджытæ рæхджы æрывналдзысты хæрзарæзтадон куыстытæм.

Инвестпрограммæмæ хаст объекттæй дарддæр ма "Водоканал"-æн хæсгонд у, цæмæй Джиоты Аланы проспекты кæрон 130, 130 а, 128, 128 а æмæ 128 б бирæфатерон корпусты территорийыл раивой зæронд канализацион хæтæлтæ.

Азы райдианæй ма Сталины уынджы 96 æмæ 98-æм хæдзæрттæ, Фидауынгæнджыты уынджы 5, 6, 8 æмæ 10-æм хæдзæрттæ, Путины уынджы 2-æм хæдзары дæр ма цалцæг æрцыдысты канализацион хæххытæ.

8
Хуссар Иры музейы ацыд мысӕн изӕр

Геноциды темӕ скъоладзауты сфӕлдыстады: Хуссар Иры музейы ацыд мысӕн изӕр

15
(ранӕуӕггонд 12:32 04.08.2020)
Изӕрмӕ хуынд ӕрцыдысты Ирыстоны Фысджыты цæдисы уæнгтæ, литературæйы фадыджы фыццаг къахдзæфтæ чи аразы, ахӕм скъоладзаутæ ӕмӕ ӕндӕртӕ

ЦХИНВАЛ, 4 авг– Sputnik, Дриаты Лейла. "Ирон адæмы геноциды 100 азы" – ахӕм темӕйыл Хуссар Национ музейы уагъд æрцыд мадзал скъоладзаутӕн. Бацӕттӕ йӕ кодта Цхинвалы 3-аг скъолайы ирон æвзаг æмæ литературæйы ахуыргæнæг Бекъойты Майа.

Изӕрмӕ хуынд ӕрцыдысты  Ирыстоны Фысджыты цæдисы уæнгтæ, литературæйы фадыджы фыццаг къахдзæфтæ чи аразы, ахӕм скъоладзаутæ ӕмӕ ӕндӕртӕ.

Мадзалы райдианы йæ раныхасы музейы директор Зассеты Мераб банысан кодта, зæгъгæ, æнæ истори зонгæйæ нæй фидæнмæ фæндаг.

"Бирæ фыст æрцыд нæ ирон адæмы хъизæмæрттыл. Цал æмæ цал геноцид бавзæрстам Гуырдзыстоны æрдыгæй, куынæг нын кодтой нæ раззагон адæймæгты æнæаххосæй, ирæттæ кæй уыдысты, æрмæстдæр уый тыххæй. Нæ ирон адæмы размæцыдæн Гуырдзы æвæрдтой алыгъуызон ныхдуртæ. Махæй алчидæр хæсджын у, цæмæй агура æрмæджытæ ацы темæйыл æмæ сæ гæххæттыл фыстæй адæттæм нæ кæстæртæм - уадзмӕ зоной, цы тухитæ бавзæрстой сæ адæм", - загъта музейы директор.

Уый банысан кодта, геноциды тыххæй музейы кӕй сарӕзтой сæрмагонд къуым, цы ран æвæрд цæудзысты ацы геноцидимæ баст экспонаттæ.

Хуссар Иры музейы ацыд мысӕн изӕр
© Sputnik / Дриаты Лейла
Хуссар Иры музейы ацыд мысӕн изӕр

Мадзалы организатор Бекъойты Майа бакаст йæхи фыст æмдзæвгæтæ æмæ радзырдта, геноциды азарæй йæ бинонтыл цы фыдтæ æрцыд, уыдоны тыххæй.

"Мæ фыд-иу мын дзырдта, йæ фыды фыд Джеры комы зындгонд кæй уыд. Дардта бирæ фос, уыд æм æхца дæр. Гуры цы æлдар бадт, уый дзы айста хæс, фæлæ йын сæ фæстæмæ нал лæвæрдта æмæ йæ амардта.Уыцы цау уыд 1920 азтæм хæстæг, мæ дадайы фыды, кæй зæгъын æй хъæуы, æрцахстой. Йæ бинонтæ та сæхи бааууон кодтой. Джогъелийы æфсад схæццæ сты нæ хъæумæ дæр, ахастой сын сæ мулк. Мæ фыд-иу арæх æрымысыд, къаннæг дам уыдтæн мæхæдæг дæр, фæлæ йæхицæй къаннæгдæр хойыл цыд иу мæй, афтæмæй йæ йæ мад фæхаста хæхты сæрты", - радзырдта ахуыргӕнӕг.

Бекъойты Майа ма ӕрхаста ноджы цалдæр хабары йæ хæдзарвæндаджы историйæ. Уыдон иууылдæр уыдысты трагикон æмæ зæрдæмæхъаргæтæ.

Поэтессæ Чехойты Оля дæр бакаст йæхи фыст æмдзæвгæтæ. Уый канд 1920 азы геноцидыл нæ дзырдта йе ‘мдзæвгæты, фæлæ ма уый фæстæ азты дæр куыд цагътой æнæаххос адæмы, Хуссар Ирыстоны территорийæ "сыгъдæг быдыр" саразынмæ куыд хъавыдысты, уыдӕттыл.

Публицист Наниты Асиат та куыд загъта, афтæмæй уый æппынæдзух архайы, цæмæй йæ иувæрсты ма аирвæрза иунæг цау дæр, кæцыйы дзырдæуы ирон адæмы геноцидыл. Уыцы цаутæ чиныджы æмбырдгондæй сæ рæстæджы рацыдысты 2 томæй.

Бекъойты Майайы ахуыргæнинӕгтӕ бакастытсты куыд сӕхи фыст, афтӕ ӕндӕр ӕмдзӕвгӕтӕ, сæххæст кодтой гитарæимӕ ирон зарæг.

15