Хуссар Иры МХМ дӕлхайӕдты марш-бросок

Хуссар Иры МХМ сӕргълӕууӕг сарæзта йæ кусджытимæ 8-километрон марш-бросок

11
(ранӕуӕггонд 13:30 14.01.2020)
Хӕстон экипировкӕйы марш-бросоктӕ сӕххӕст кодтой милицийы сӕрмагонд нысаниуӕджы къорд ӕмӕ ӕндӕр дӕлхайӕдтӕ. Уагдоны банысан кодтой, кусджытӕн афтӕмӕй кӕй сгарынц сӕ физикон цӕттӕдзинад

ЦХИНВАЛ, 14 янв - Sputnik. Хуссар Ирыстоны Мидхъуыддӕгты министрады (МХМ) хицӕн нысаниуӕджы къорды кусджытӕ сӕххӕст кодтой 8-километрон марш-бросок Зонкъар-Дменис маршрутыл. Къордимӕ дистанци иууылдӕр басаста уагдоны сӕргълӕууӕг Наниты Игорь дӕр, хъусын кӕны дыццӕджы МХМ пресс-службӕйы хистӕр Бестауты Вида.

"Мидхъуыддӕгты министрады хицӕн нысаниуӕджы къорды кусджытӕ иууылдӕр уыдысты хӕстон экипировкӕйы ӕмӕ сӕ хӕслӕвӕрдтӕ иууылдӕр сӕххӕст кодтой. Сӕ физикон цӕттӕдзинадӕй кусджытӕ равдыстой, цӕттӕ кӕй сты оперативон-службӕйон хӕстӕ ӕххӕст кӕнынмӕ", - банысан кодта Бестауты Вида.
Марш-бросок подразделений МВД Южной Осетии
Хуссар Иры МХМ дӕлхайӕдты марш-бросок

Марш-бросоктӕ сӕххӕст кодтой МХМ ӕндӕр дӕлхайӕдтӕ дӕр. Цхинвалы мидхъуыддӕгты хайады 90 кусӕгӕй фылдӕр сӕххӕст кодтой 6-километрон марш-бросок Къусреты хъӕумӕ, Милицийы сӕрмагонд нысаниуӕджы къорды (МСНК) кусджытӕ та экипировкӕ ӕмӕ хӕцӕнгӕрзтимӕ басастой 10-километрон дистанци Хеиты хъӕумӕ. Афтӕ ма Ленингоры районы мидхъуыддӕгты хайады кусджытӕ сӕххӕст кодтой 6-километрон марш-бросок Ленингор-Канчавет маршрутыл.

Марш-бросок подразделений МВД Южной Осетии
Хуссар Иры МХМ дӕлхайӕдты марш-бросок

Марш-бросокы хайадисджытӕ иууылдӕр бахӕццӕ сты финишмӕ нысангонд ӕмгъуыдмӕ, банысан кодтой МХМ.

"Мидхъуыддӕгты министрады сӕрмагонд хайӕдтӕ ӕмӕ дӕлхайӕдты разамонджытӕ басгӕрстой кусджыты хӕстон ӕмӕ мобилизацион цӕттӕдзинад, афтӕ ма хицӕнӕй басгӕрстой радгӕсон къордты цӕттӕдзинад бабырсты рӕстӕджы. Афтӕ ма кусджытӕ сӕххӕст кодтой марш-бросоктӕ хӕстон экипировкӕ ӕмӕ хӕцӕнгӕрзтимӕ", - радзырдтой уагдоны.

МХМ дӕлхайӕдтӕ иудадзыг ӕххӕст кӕнынц марш-бросоктӕ, цӕмӕй басгарой кусджыты физикон цӕттӕдзинад.

11
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

3
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

3
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

3
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

3
Цӕгат Иры райдыдтой Ног азмӕ цӕттӕ кӕнын

Цӕгат Иры райдыдтой Ног азмӕ цӕттӕ кӕнын

0
(ранӕуӕггонд 09:21 04.12.2020)
Дзæуджыхъæуы фæнд кæнынц Ног азы 20 фæзы байгом кæнын. 1-æм декабры уал горæты фæзындысты фыццаг аив цырæгътæ

ЦХИНВАЛ, 4 дек - Sputnik. Цӕгат Ирыстоны райдыдой Ног азмæ цæттæ кæнын. Бæлвырддæр та — аив кæнынц уæнгтæ, хъусын кӕны ПТРК "Алания".

Дзæуджыхъæуы фæнд кæнынц Ног азы 20 фæзы байгом кæнын. 1-æм декабры уал горæты фæзындысты фыццаг аив цырæгътæ.

"Ног азмæ саив кæндзысты Сæрибары, Адæмы хæттыты хæлардзинады, Фонтанты, Хетæгкаты Къостайы номыл парчы фæзтæ. Стæй Кировы, Цæнгæт æмæ Пожарскийы уынджы хидтæ. Уымæй уæлдай аив цырæгътæй сæрттивдзысты горæты бирæ уынгтæ", - дзырдӕуы хъусинаджы.

Столицӕйы Центрон парчы уыдзæнис бæрæгбоны сæйраг зонæ, Митын Дадайы ног хæдзаримæ. Уым ма уыдзæн хуызистытæн сæрмагонд бынат дæр. Ног азы бæрæгбæтты фæзтæ байгом кæныны тыххæй горæты администраци хъусын кæндзæни рагагъоммæ.

0