Плиты Иссæйы уынг.

Хуссар Иры азы дæргъы сцалцæг кæндзысты 8 уынджы

37
(ранӕуӕггонд 20:01 16.01.2020)
Æмткæй 2020-2022 азты капиталонæй цалцæг æрцæудзæн 25 уынджы. Уыдон арæзтад фидаргонд æрцыд 2019 азы Æхсæнхицауадон къамисы рабадты

ЦХИНВАЛ, 16 янв — Sputnik, Дриаты Лейла. Хуссар Ирыстоны 2020 азы сырæздзæнис 8 уынджы Инвестпрограммæйы фæлгæтты,  фехъусын кодта арæзтад æмæ архитектурæйы пресс-службæ.

Æмткæй 2020-2022 азты капиталонæй цалцæг æрцæудзæн 25 уынджы. Фæлæ уал ацы аз рахицæн кодтой Белинскийы, Революцийы, Табуты Родионы, Базарады, Кимы, Нæузæххонты, Плиты Ароны æмæ Хъайтарты уынджы кæрон.

"Хъайтарты уынгæй Шанхайы районмæ цы уынг цæуы, уый фæстаг 30 азы цалцæг никуы æрцыд. Уынг бынтон æдзæллаг уавæры уыд, æмæ тыхстысты канд фистæгæй цæуджытæ нæ, фæлæ машинæты хицæуттæ дæр, уæлдай тынгдæр та йæ сабиты рæвдауæндон æмæ скъоламæ æрвылбон чи кодта, уыцы ныййарджытæ. Куыд иннæ уынгтыл, афтæ ам дæр коммуникацион хæххытæ 50 азы ивд никуы æрцыдысты", - банысан кодта агентады ныхасæмбал.

Къаддæр цин нæ кæнынц Нæузæххонты уынджы бирæуæладзыгон хæдзæртты цæрджытæ дæр. Уым æппыныдзух мыдыбындзытау змæлынц машинæтæ дæр æмæ фистæгæйцæуджытæ дæр. Фæндагæн йæ уæлцъар скалд, ранæй-рæтты дзыхъхъыты  машинæты цæлхытæ ныхауынц.

Арæзтад æмæ архитектурæйы министрады куыд зæгъынц, афтæмæй уырдæм канд сæйраг фæндаг не сырæздзæн, фæлæ ма хæрзарæзт æрцæудзысты корпусты рæзтæ дæр.

"Уый размæ горæты коммуналон кусджыты руаджы район ныссыгъдæг ис, цы мæнгагъуыстытæ дзы уыд, уыдонæй. Плиты Ароны уынг кæронмæ асфальт нæ уыд, ныр уый дæр арæзт æрцæудзæн автобусы æрлæууыны онг. Арæзт дзы æрцæудзæн тротуар дæр. Уымæн æмæ уым ивд нæма сты зæххыбын цы коммуникацитæ ис, уыдон. Газ æмæ доны хæтæлтæ реконструкци куы æрцæуой, уæд æм бавналдзæн горæты цæрæнуатон-коммуналон хæдзарад", - дзырдæуы хъусинаджы.

Арæзтад æмæ архитектурæйы министрады пресс-службæйы куыд зæгъынц, афтæмæй 2021 - 2022 æзты нывæзтмæ та хаст æрцыдысты ахæм уынгтæ: Гæззаты Валерийы, Къозоны фырты, Хъуылаты æмæ Санахъойы фыртты, Сланы фырты, Сабаны фырты, Плехановы, Мирная, Едысы, Саулохы фырты, Нарты уынгтæ, афтæ ма В. Путины уынджы кæронæй Хеиты хъæумæ цы фæндаг цæуы, уый. Хæрзарæзт æрцæудзæн Вокзалгæрон фæзуат дæр.

Ацы уынгты арæзтад фидаргонд æрцыд 2019 азы Æхсæнхицауадон къамисы рабадты.

37
Хуссар Ир нысан кӕны Паддзахадон тырысайы бон

Хуссар Ир нысан кӕны Паддзахадон тырысайы бон

16
(ранӕуӕггонд 10:16 18.09.2020)
Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы

ЦХИНВАЛ, 19 сен — Sputnik, Плиты Фатимæ. Хуссар Ирыстоны сабаты, 19 сентябры, нысан кӕнынц Паддзахадон тырысайы бон. Бӕрӕгбонӕн бындур ӕвӕрд ӕрцыд 31 азы размӕ.

Республикӕйы националон символ ссис хуссарирыстойнаг паддзахады сӕрибардзинадыл тохы нысан 1989 азы.

"Развæлгъау столицæйы административон бæстыхæйтты сфæлыстой паддзахаон тырысатæй. Къуырийы кæрон Хуссар Ирыстон нысан кæны дыууæ бæрæгбон – Тырысайы бон æмæ Республикæ расидыны бон, дыууæ нысаниуæгджын датæйы цытæн Цхинвалы бакодтой ног баннертæ æмбæлон тематикæйыл", - загъта Sputnik культурæйы министрады кусæг Остъаты Мæдинæ.

Уый ма банысан кодта, æхсæнады цытджын рабадт "Прописано в сердце Осетии" аргъæвтой 18-æм сентябрæй 20-мæ.

Паддзахадон тырысайы бон Хуссар Ирыстоны фыццаг хатт банысан кодтой 2013 азы, фæлæ националон символ ссис 1989 азæй фæстæмæ. 1990 азы ноябры республикæйы парламент сфидар кодта ирон триколор, куыд паддзахаддзинады символ.

Ирон тырыса у хæдбар æмæ сæрибар бæстæйы символ. Тырыса у ӕртӕхуызон, конд у урс, сырх ӕмӕ бур кӕттагӕй. Ацы ӕртӕ хуыз дӕр иттӕг хорз зындгонд сты суанг рагон Аланийы дугӕй. Урс хуыз нысан кӕны монондзинад, сыгъдӕгдзинад, зонд. Сырх — ӕхсар, хъӕбатырдзинад, рӕстдзинад. Бур — бӕркад, фарн, мулк. Тырыса разæнгард кæны ирон адӕмы ног цард аразынмæ, дидинæфтаугæ фидæны фæндæгтыл цæуынмæ.

16
Транскам

Фылдӕр адӕм фылдӕр рейстӕ: куыд фӕивта Цхинвалӕй Дзӕуджыхъӕумӕ автобусты график

5
(ранӕуӕггонд 15:18 18.09.2020)
Ӕхсӕнадон транспорт цӕуы уадзӕн пункт "Дӕллаг Зӕрӕмӕг"-ы уылты ӕнӕ зындзинӕдтӕй, уый фӕдыл дзы бирӕ адӕм пайда кӕнынц Уӕрӕсемӕ ацӕуынӕн

ЦХИНВАЛ, 18 сен — Sputnik, Гӕбӕраты Элина. Цхинвалӕй Дзӕуджыхъӕумӕ рейсон автобусты нымӕц фӕфылдӕр Уӕрӕсеимӕ паддзахадон арӕны баконды фӕстӕ, фехъусын кодта Sputnik Хуссар Ирыстоны автомобилон транспорты хайады сӕргълӕууӕг Дудайты Альберт.

Хуссар Ирыстон ӕмӕ Уӕрӕсе систой арӕны сӕрты хизыныл тобӕ дыццӕджы, 15 сентябры. Арӕн уыд ӕхгӕд фондз мӕйы дӕргъы, ныр уадзӕн пункт "Дӕллаг Зӕрӕмӕг"-ы ӕрмӕбырд сты километрон радтӕ.

Уыимӕ иумӕ, республикӕйӕ автобустӕ хизынц уадзӕн пункты уылты ӕнӕ зындзинӕдтӕй, уый фӕдыл бирӕ адӕм пайда кӕнынц ӕхсӕнадон транспортӕй Уӕрӕсемӕ ацӕуынӕн.

"Бирӕ адӕм дзы вӕййы, автобустӕ райдайынц цӕуын райсом раджы. Хӕдтулгӕты бирӕ бынат нӕй, ӕмӕ уайтагъд йедзаг кӕнынц. Ӕндӕрӕбон мах арвыстам рейсы ӕхсӕз автобусы, хуымӕтӕг рӕстӕджы та иу ӕрвыстам дыууӕ кӕнӕ ӕртӕ автобусы Цӕгат Ирыстонмӕ", - радзырдта Дудайты Альберт.

Дудайты Альберты хъуыдымӕ гӕсгӕ, ӕхсӕнадон транспортмӕ ажиотаж тагъд рӕстӕджы фӕкъаддӕр уыдзӕн ӕмӕ рейсон автобустӕ рахиздзысты куысты хуымӕтӕг режиммӕ.

5
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау