Пресс-конференци

ХИПУ æмæ ЛНУ ректортæ радзырдтой сæ фемблæлды фæстиуджыты тыххæй Цхинвалы

13
(ранӕуӕггонд 20:10 16.01.2020)
Луганскаг Адæмон республикæйы Национ университеты минæвæрттæ æрцыдысты Цхинвалмæ кусæгон балцы, уыдон ныридæгæн бафыстой æмгуыстады фæдыл сразыдзинад ХИПУ-имæ

ЦХИНВАЛ, 16 янв - Sputnik, Гæбæраты Ян. Дыууæ сæйраг аххосаджы ис Хуссар Ирыстонмæ æрцæуынæн - куыстуарзаг адæм æмæ диссаджы æрдз, загъта Sputnik-ы пресс-конференцийы Луганскаг национ университеты (ЛНУ) ректор Елена Трегубенко.

ЛАР национ университет ацы аз марты нысан кæны йæ 99 азы - уый у ХИПУ-йы æмкар. Абон ЛНУ ис авд ахуырадон корпусы, фондз æмдзæрæндоны, спортивон корпус, 20 компьютерон къласы, обсерватори æмæ музейтæ.

Елена Трегубенко
© Sputnik / Наталья Айриян
Елена Трегубенко

Елена Трегубенко, йæ хæдивæг Галина Сорокина æмæ ХИПЙ-йы сæргълæууæг Тедеты Вадим фембæлдысты журналисттимæ Sputnik пресс-центры.

Тедеты Вадим университетты хсæн æмгуыстадæн саргъ кодта куыд "эфективон". Уый банысан кодта, фарсытæ кæй ауагътой кусæгон æмбырд ХИПУ-йы æмæ бафыстой æмгуыстады бадзырд. Уазджытимæ ма фембæлд президент Бибылты Анатолий дæр.

"Фидарæй мæ бон у зæгъын, уыцы бадзырдæн кæй уыдзæн фæстиуджытæ", - загъта Тедеты Вадим.
Вадим Тедеев
© Sputnik / Наталья Айриян
Тедеты Вадим

ЛНУ ректор дæр бахахх кодта, хуссарирыстойнаг коллегæтимæ сын кæй ис куысты стыр фронт.

Афтæ ма ректортæ банысан кодтой, кæй бадзырдтой куыстыты иумæйаг æмбырдгонд уадзын., кæрæдзи ахуырадон уагдæтты лекцитæ кæсын, диссертацитæ хъахъхъæнын.

ЛНУ проректор Галина Сорокина ХИПУ-йæ йæ тæлмæнты тыххæй дзургæйæ, банысан кодта студентты "судзгæ цæстытæ" æмæ сæ энтузиазм.

"Мах фембæлдыстæм ХИПУ-ТВ журналисттимæ, радзырдтам сын нæ студийы тыххæй æмæ сын банхъардтам иумæйаг передачæтæ уадзын", - балхъынцъ кодта проректор.

Галина Сорокина
© Sputnik / Наталья Айриян
Галина Сорокина
13
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7