Хуссар Иры скъолаты фылдæр хайы бакодтой карантин

8
(ранӕуӕггонд 09:44 24.01.2020)
Ахуырадон процесс столицæйы æппæт скъолаты сæхгæдтой грипп æмæ КРВИ-йы аххосæй. Уагдæттæ скусдзысты 3 февралы

ЦХИНВАЛ, 23 янв - Sputnik, Гæбæраты Ян. Цхинвалы æппæт скъолатæ, скъола-интернат æмæ скъола "Эрудит"-æй дарддæр, сæхгæдтой карантиныл, фехъусын кодта Sputnik сæйраг санитарон дохтыр Коцты Марина.

"Ацы ахуырадон уагдæтты рынчынты нымæц ахызт 20 процентæй, æмæ аскъуыддзаг кодтой уыдоны бакæнын карантин", - загъта уый.

Дохтыр ма банысан кодта, аннæ азтæм абаргæйæ, ацы аз низ кӕй цæуы уæлæнгайдæр.

"Гриппы фæстиуæгæн пневмони фæзынд æрмæстдæр дыууæ хатты", - загъта Коцты Марина.

Амæй размæ ма хъусын кодтам, грипп æмæ КРВИ-йы аххосæй Хуссар Иры кӕй сæхгæдтой цалдæр скъола æмæ сабидоны. Ахуыр æрлæууын кодтой скъолатæ № 1, 2, 5 æмæ 10, афтæ ма Аивæдты лицейы. Карантин бакодтой Цхинвалы æртæ сабидоны – № 14, 17 æмæ 18.

8