Хуссар Иры уадзынц рейдтӕ ӕнӕзаконон гуырдзыстойнаг продукци рабӕрӕг кӕныны тыххӕй

Хуссар Иры уадзынц рейдтӕ ӕнӕзаконон гуырдзыстойнаг продукци рабӕрӕг кӕныны тыххӕй

11
(ранӕуӕггонд 09:41 24.01.2020)
Хуссар Иры Генералон прокуратурӕйы фехъусын кодтой, фӕстаг рӕстӕджы кӕй сарӕх сты республикӕйы территорийыл тобӕгонд продукцийы реализайы цаутӕ

ЦХИНВАЛ, 23 янв - Sputnik. Хуссар Ирыстоны барадхъахъхъӕнӕг органтӕ ӕнӕхъӕн 2020 азы уадздзысты рейдтӕ ӕнӕзаконон гуырдзыстойнаг продукци уӕй кӕныны цаутӕ рабӕрӕг кӕныны фӕдыл, хъусын кӕны Генпрокуратурӕйы пресс-службӕ.

Хуссар Ирыстоны 2006 азӕй фӕстӕмӕ тобӕгонд у Гуырдзыстонӕй ставд фос, дзидза ӕмӕ урсаджы продукци, алкоголон продукци, ӕнӕалкоголон нозт ӕмӕ минералон доны ӕрбаласт ӕмӕ реализаци.

"Хуссар Иры генпрокуроры барамындмӕ гӕсгӕ 2019 азы Ленингоры районы уагъд цыдысты басгӕрсттӕ, куыд ӕххӕст цӕуынц ацы домӕнтӕ, уый фӕдыл. Ленингоры районы хӕлцадон дуканиты рабӕрӕг кодтой Гуырдзыстонӕй ӕрбаласгӕ бӕгӕны, ӕнӕалкоголон нозт ӕмӕ минералон дон. Авд амалиуӕггӕнӕджы райстой фӕдзӕхстытӕ", - фехъусын кодтой Генералон прокуратурӕйы.

Республикӕйы Генералон прокуратурӕ бахӕс кодта районон прокурортӕн адарддӕр кӕнын басгӕрсттӕ, цӕмӕй ацы фадыджы ӕххӕст цӕуой законы домӕнтӕ.

11
Дзӕуджыхъӕу

Иумӕйаг проекттӕ: Иры дыууæ хайы Ӕхсæнадон палатæтæ сфидар кодтой бадзырд

2
Бадзырд фидар ӕрцыд 22 сентябры Дзӕуджыхъӕуы ӕхсӕнадон палатӕты сӕргълӕууджытӕ Куыдзеты Сергей ӕмӕ Чиплакова Ирина къухфысттӕй

ЦХИНВАЛ, 19 сен — Sputnik, Плиты Фатимæ. Хуссар Ирыстон ӕмӕ Цӕгат Ирыстоны ӕхсӕнадон палатӕтӕ бафыстой ӕмгуыстады бадзырд. Суагъӕйы фӕлгӕтты дыууӕ республикӕйы уагдӕттӕ ӕххӕст кӕндзысты иумӕйаг проекттӕ, цайадагъ кӕндзысты кӕрӕдзи фӕлтӕрддзинадыл, фехъусын кодта Sputnik баиугонды разамонӕг Куыдзеты Сергей.

"Уый нӕ фыццаг ӕмгуыстады бадзырд цӕгатирыстойнаг коллегатимӕ. Уый фӕлгӕтты ӕххӕст цӕудзысты иумӕйаг проекттӕ, кӕрӕдзийӕн ӕххуыс, стӕй ма исдзыстӕм уыдон фӕлтӕрддзинад. Хуссар Ирыстоны ӕхсӕнадон палатӕ фӕзынд ӕрмӕст 2009 азы кӕрон, уыдонӕн та сты фӕтӕрддӕр", - загъта ӕхсӕнадон палатӕйы хистӕр.

Йӕ ныхӕстӕм гӕсгӕ, уыдонӕн сӕ нывӕзты ис ӕнгӕс документтӕ сфидар кӕнын ӕндӕр хӕларадон республикӕтимӕ.

"Фӕстӕдӕр ахӕм суагъӕтӕ фӕнд кӕнӕм сфидар кӕнын Кӕсӕг-Балхъары, Абхаз ӕмӕ дарддӕр кӕндзыстӕм ацы куыст", - бафтыдта уый.

Бадзырд фидар ӕрцыд 22 сентябры Дзӕуджыхъӕуы ӕхсӕнадон палатӕты сӕргълӕууджытӕ Куыдзеты Сергей ӕмӕ Чиплакова Иринайы къухфысттӕй.

2
Парламент

Спикер: депутатты архайд у закондӕттӕг органы куысты ӕргом саботаж

9
(ранӕуӕггонд 12:04 23.09.2020)
Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн

ЦХИНВАЛ, 23 сен — Sputnik, Плиты Фатимæ. Хуссар Ирыстоны парламент нырма не 'ркаст Хуссар Ирыстоны хицауады сӕрдарӕй Бекъойты Геннадийы снысан кӕныны ӕнхъарӕнмӕ. Къорд парламентарий кӕй нӕ цӕуынц сессимӕ, уый парламенты спикер Тадтаты Алан схуыдта закондӕттӕг органы куысты ӕргом саботаж.

Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн. Депутатты иу къорд фӕхъусын кодтой, сӕ хӕстӕ кӕй не 'ххӕст кӕнындзысты, цалынмӕ паддзахады разамонӕг нӕ сӕххӕст кӕна сӕ домӕн - Генералон прокурор Дзӕгъиаты Уырызмӕджы йӕ бынатӕй ссӕрибар кӕнынмӕ.

"Депутаттӕ не 'рымбырд сты. Абон ӕнӕмӕнгӕй хъуамӕ радтон дзуапп президентӕн ӕмӕ йӕ ратдзӕн. Никуы никӕцы законы фыст ис, ныридӕгӕн цы аразынц депутаттӕ, уый. Уый у парламенты куысты ӕргом саботаж", - загъта Sputnik парламенты сӕрдар Тадтаты Алан.

16 сентябры президент Бибылты Анатолий парламенты ӕркастмӕ бавдыста Бекъойты Геннадийы кандидатурӕ премьер-министры бынатмӕ. Конституцимӕ гӕсгӕ, фарстмæ сессийы агъоммӕ ӕркӕсынц комитет æмæ президиумы.

Раздӕры хицауад ацыд отставкӕйы Цхинвалы митингты фӕстӕ. Столицӕйы адӕм се 'неразыдзинад равдыстой Цхинвалы цӕрӕг Дзабиты Иналы мӕлӕты фӕстӕ, кӕцы амард Мидхъуыддӕгты министрады криминалон милицийы рӕстӕгмӕ дарӕн изоляторы нады фæстиуæгæн.

Уый фæстæ митингты адӕм домдтой МХМ хистӕр ӕмӕ Генералон прокуроры отставкӕтӕ. 16 сентябры президент йӕ пресс-конференцийы комкоммӕ эфиры фехъусын кодта йӕ дзуапп депутаттӕн, генералон прокуроры йӕ бынатӕй ссӕрибар кӕнынӕн кӕй нӕй бындур. Уымӕй размӕ закондӕттӕг органты депутатты ӕмбис сӕ куыст ӕххӕст кӕныныл нал саразы сты, цалынмӕ президент сӕххӕст кӕна сӕ домӕн.

18 сентябры парламентон фракци "Иугонд Ирыстон"-ы скондæй йæ рахызты тыххæй фехъусын кодта депутат Мулдарты Гарри, уымæй уый равдыста йе ʻнæразыдзинад депутатты фылдæр хайы домæн æххæст кæй не ʻрцыд, уый тыххæй.

9