Афæдзы гоймаг-2019: чи расгуыхт Хуссар Иры ивгъуыд азы

© Sputnik / Наталья АйриянАфæдзы гоймаг-2019
Афæдзы гоймаг-2019 - Sputnik Хуссар Ирыстон
Рафыссын
Ивгъуыд азы дæргъы сæ хорз архайды фæстиуæгæн Даредзанты кадджыты хъайтар Амыраны статуэткæйæ хорзæхджын æрцыдысты культурæ, медицинæ, хæрзаудæн хъуыддаджы, сæудæджерады æмæ æндæр фадгуыты чи расгуыхт, уыдон

ЦХИНВАЛ, 25 янв – Sputnik. Хуссар Иры столицæйы цыппæрæмы киноконцертон зал "Чермен"-ы цыт кодтой 18 профессийы аккагдæртæн. Æрвылазон акци "Афæдзы æвзонг гоймаг"-ы хорзæхтæ райстой, сæ фадгуыты азы дæргъы стырдæр æнтыстытæ кæй къухы бафтыд, уыдон.

Мадзал бацæттæ кодта фæсивæдон политикæ, спорт æмæ туризмы комитет æмæ Россотрудничество.

© Sputnik / Наталья АйриянПремия "Молодой человек года"
Афæдзы гоймаг-2019: чи расгуыхт Хуссар Иры ивгъуыд азы - Sputnik Хуссар Ирыстон
Премия "Молодой человек года"

Ивгъуыд азы дæргъы сæ хорз архайды фæстиуæгæн Даредзанты кадджыты хъайтар Амыраны статуэткæйæ хорзæхджын æрцыдысты культурæ, медицинæ, хæрзаудæн хъуыддаджы, сæудæджерады æмæ æндæр фадгуыты чи расгуыхт, уыдон.

Иууыл стырдæр хъусдард здæхт æрцыд 12-æм скъолайы ахуырдзау, менталон математикæйы дунейон ерысты призер Дзабиты Денисмæ, уый схорзæхджын кодтой номинаци "Открытие года"-йы. Чысыл лæпппуйæн йæ хорзæх радта президент Бибылты Анатолий.

© Sputnik / Наталья АйриянАфæдзы гоймаг-2019
Афæдзы гоймаг-2019: чи расгуыхт Хуссар Иры ивгъуыд азы - Sputnik Хуссар Ирыстон
Афæдзы гоймаг-2019

Номинаци "Доброволец года"-йы расгуыхтысты информацион агентад Sputnik-ы кусджытæ Хаситы Михаил æмæ Хъуылымбегты Елена. Хорзæхджынты нымæцы бирæ адæм уыд спорты фадыгæй - афæдзы тренерыл банымадтой уæгъдибар хъæбысхæсты специалист Коцты Тамерланы, йæ хъомылгæнинаг Засссеты Арсæмæг ссис афæдзы спортсмен - уый 2019 азы рамбылдта дунейы чемпионат. Хуссар Ирыстоны æмбырдгонд футболæй, кæцы рамбылдта ивгъуыд аз ЕЧ CONIFA-йы, рамбылдта номинаци "Прорыв года"-йы.

© Sputnik / Наталья АйриянАфæдзы гоймаг-2019
Афæдзы гоймаг-2019: чи расгуыхт Хуссар Иры ивгъуыд азы - Sputnik Хуссар Ирыстон
Афæдзы гоймаг-2019

Схорзæхджынты нымæцы уыдысты республикон рынчындоны дохтыртæ Джиоты Сослан æмæ Саулохты Георгий, фыццаг уыд номниаци "Врач года", дыккаг - "Талант года".

Сфæлдыстадон сферæйæ ма сценæмæ схуыдтой Бекъойты Зæринæйы, уый нымад æрцыд афæдзы актрисæйыл, паддзахадон ансамбль "Симд"-ы кусæг Ходты Эльбрус та ссис "Музыкант года". Журналистикæйы фадыджы цыт кодтой ПТРК "Ир"-ы кусæг Тыбылты Аланæн, уый ссис "Репортер года" . Хуссар Ирыстоны паддзахадон университеты студент, "ЮОГУ-Тв"-йы кусæг, студентон советы хистæр Кокойты Аннайы та банымадтой афæдзы студентыл.

© Sputnik / Наталья АйриянАфæдзы гоймаг-2019
Афæдзы гоймаг-2019: чи расгуыхт Хуссар Иры ивгъуыд азы - Sputnik Хуссар Ирыстон
Афæдзы гоймаг-2019

Сæ фагуыты хуыздæр кусджытыл ма нымад æрцыдысты Хуыбиаты Марат - номинаци "Сотрудник МВД", Коцты Елизавета – номинаци "Пирограф года", Бестауты Нугеша - номинаци "Пекарь года", Кокойты Вадим - номинаци "Сотрудник МЧС года", Тадтаты Наталья – номинаци "Технолог года" æмæ Тедеты Алан - номинаци "Бригадир года".

© Sputnik / Наталья АйриянАфæдзы гоймаг-2019
Афæдзы гоймаг-2019: чи расгуыхт Хуссар Иры ивгъуыд азы - Sputnik Хуссар Ирыстон
Афæдзы гоймаг-2019

Хорзæхкæныны церемони фæнд кодтой ауадзын ивгъуыд азы кæрон, фæлæ хъуыддаг аргъæвтой æртæ æвзонг лæппуйы амæлæты тыххæй, кæцытæ бабын сты аварийы.

Ног хабӕртты лентӕ
0