Дьяконты Амиран

Дьяконты Амиран: Хуссар Иры дӕр хъӕуы Конституцийы реформӕ

12
(ранӕуӕггонд 16:57 24.01.2020)
Депутаты хъуыдымӕ гӕсгӕ, реформӕты фӕндагыл, кӕцыйыл слӕууыд Уӕрӕсе, хъӕуы рацӕуын Хуссар Ирыстонӕн дӕр, цӕмӕй саразой хицауады ног системӕ республикӕйы

ЦХИНВАЛ, 24 янв – Sputnik, Козаты Диана. Хуссар Ирыстоны хъӕуы конституцион реформӕ, цӕмӕй саразой ног системӕ хицауады къабазты хсӕн ӕмгуыстадӕн, загъта пресс-конференцийыл Sputnik пресс-центры парламенты культурӕ, дин ӕмӕ ДИФ-ты фӕдыл комитеты сӕрдар Дьяконты Амиран. Парламенты раздӕры ӕрсидтты уый уыд законад ӕмӕ бынӕттон хӕдразамынады комитеты сӕрдар.

"Паддзахадон системӕйы реформӕйыл "Адӕмон парти" ӕмӕ ӕз мӕхӕдӕг тох кӕнӕм дӕс азы дӕргъы. Хъыгагӕн, политикон элитӕтӕ нӕ хъӕппӕристӕ нӕ фехъуыстой. Уыдон фехъуыста Путин. Реформӕ, кӕцы ныр цӕуы Уӕрӕсейы – у фӕндаг, кӕцы ӕнӕмӕнг хъӕуы рацӕуын Уӕрӕсейӕн. Мах дӕр хъӕуы слӕууын ацы фӕндагыл", - загъта Дьяконты Амиран.

Уый ма фехъусын кодта, хорзыл кӕй нӕ банымадта Тадтаты Аланы ныхӕстӕ, кӕцы радзырдта, ахӕм конституцион реформӕ махӕн актуалон нӕу.

Парламентарийы уырны, реформӕ ӕнӕмӕнг кӕй хъӕуы сӕххӕст кӕнын ӕмӕ "Адӕмон парти" кусдзӕн ууыл ӕмӕ бавдисдзӕн парламентмӕ Конституцимӕ ивындзинӕдтӕ бахӕссыны проект.

Дьяконты Амиран равдыста ныфс, ацы фарстмӕ йӕ хъус кӕй ӕрдардзӕн президент Бибылты Анатолий, кӕцы йӕхӕдӕг уыд парламенты спикер ӕмӕ ӕмбары реформӕйы ӕнӕмӕнгхъӕуындзинад.

"Дзырд цӕуы хицауад нысан кӕныны ӕххӕстбартыл, кадрон политикӕйыл. Афтӕ ма парламентӕн хъуамӕ уа бюджет ӕххӕст кӕныны фӕдыл финансон хъусдарды механизм", - бахахх кодта депутат.

Уый банысан кодта, хицауады фидар централизацийы системӕ президенты къухты уыд актуалон 2008 азы онг.

Вице-спикер Гасситы Петр радзырдта, ацы фарст кӕй у алы демократон паддзахады проблемӕ дӕр, афтӕ ма хицауады къабазты хӕдбардзинад дӕр.

Владимир Путин 15 январы ралӕууыд Федералон ӕмбырды раз ӕрвылазон ныстуанимӕ. Уый рӕстӕджы президент радзырдта бирӕ новациты тыххӕй социалон политикӕйы, банхъардта бирӕ ивындзинӕдтӕ Конституцимӕ дӕр.

12
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7