Ресторан Ерман

Уалыты Мӕдинӕ загъта йӕ хъуыды Паддзахадон театры рестораны баконды тыххӕй

12
(ранӕуӕггонд 17:08 27.01.2020)
Театры директор баныфсӕвӕрдта, ресторан кӕй уыдзӕн "VIP-уагдон" ӕмӕ коллективы куыст нӕ хъыгдардзӕн

ЦХИНВАЛ, 27 янв — Sputnik, Гӕбӕраты Элина. Хетӕгкаты Къостайы номыл Паддзахадон драмон театры ресторан саразын нывӕндысты бӕстыхайы проекты дӕр, фехъусын кодта брифингыл Цхинвалы театры директор Уалыты Мӕдинӕ.

Ахӕм куырдиат рахастой социалон хызӕгты Паддзахадон драмон театры бӕстыхайы рестораны вывескӕйыл ӕрныхасы фӕстӕ.

"Театры рестораны комплекс саразын нывӕндысты проекты дӕр", - бахахх кодта Уалыты Мӕдинӕ.

Уый банысан кодта, ресторанӕй ӕфтиӕгтӕ кӕй сисдзысты паддзахадӕй театры хӕрдзты хай.

Мадина Валиева
© Sputnik / Наталья Айриян
Уалыты Мӕдинӕ

Театры дирекци бадзырдта профессионалон ресторатор Уалыты Альбертмӕ, баныхасы фӕстӕ аскъуыддзаг кодтой бакӕнын бӕстыхайы ресторан. Уалыты Мӕдинӕ куыд банысан кодта, афтӕмӕй ацы фарст ныридӕгӕн аскъуыддзаг кодтой, уагдоны ис ӕнӕмӕнгхъӕуӕг ифтонггарз ӕмӕ цӕттӕ у бакондмӕ.

"Алцыдӕр тынг хорз арӕзт уыдзӕн, уагдон театры куыст нӕ хъыгдардзӕн", - радзырдта театры директор.

Уалыты Мӕдинӕ бахахх кодта, рестораныл ном сӕвӕрӕны фарстыл ныхас кодтой аивадон советыл, цы ран театры кусджытӕй дарддӕр хайад иста Уалыты Альберт дӕр.

Вывескӕйы тыххӕй Уалыты Мӕдинӕ банысан кодта, ацы резонансы фӕстӕ йӕ кӕй айсдзысты.

12
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

2
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

2
ХИПУ студенттӕ Республикӕйы бон банысан кодтой лидзынӕй ерыстӕй

ХИПУ студенттӕ Республикӕйы бон банысан кодтой лидзынӕй ерыстӕй

7
(ранӕуӕггонд 16:26 25.09.2020)
Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты

ЦХИНВАЛ, 25 сен – Sputnik, Хъуылымбегты Азӕмӕт. Цхинвалы фӕбӕрӕг сты Республикӕйы боны цытӕн студентон ерысты уӕлахиздзаутӕ лидзынӕй.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Мадзал ацыд Цхинвалы Октябры уынгыл. Фыццаг бынат лӕппуты хсӕн бацахста Мӕргъиты Арсен.

"Ӕрвылбон дӕр лидзын горӕты цады алыварс, науӕд та стадионы. Архайын фидар физикон формӕйы уӕвын. Ерыс кӕнын дӕр фӕцыд мӕ зӕрдӕмӕ", - загъта Мӕргъиты Арсен.

Чызджытӕй та иууыл ӕнтыстджындӕр разынд Гӕбӕраты Мария. Дыккаг призер Джиголаты Аланӕйы дӕр ма чысыл хъуыд уӕлахизмӕ.

"Ӕхсӕз аз цыдтӕн рог атлетикӕмӕ, уымӕ гӕсгӕ мын дистанци алидзын ӕнцон уыд. Фӕлӕ ма мӕ ӕнтыстмӕ чысыл хъуыд", - загъта Sputnik призер.

Массовый кросс ко Дню республики
© Sputnik / Азамат Кулумбегов
ХИПУ студенттӕ Республикӕйы бон банысан кодтой лидзынӕй ерыстӕй

Ерыстӕ цыдысты 800 метры дистанцийыл. Организатортӕй иу Дзабиты Роланды ныхӕстӕм гӕсгӕ, мадзалы ӕдӕппӕтӕй хайад райстой 150 студенты.

7